ព័ត៌មានអន្ដរជាតិ
តៃវ៉ាន់បង្ហាញលិខិតឆ្លងដែនដែលរចនាថ្មី ជៀសវាងភ័ន្តច្រឡំជាមួយចិន
កោះតៃវ៉ាន់បានបង្ហាញលិខិតឆ្លងដែនដែលបានរចនាថ្មីក្នុងគោលបំណងការពារពលរដ្ឋរបស់ខ្លួនកុំឲ្យមានការភ័ន្តច្រឡំជាមួយជនជាតិចិន ខណៈដែលអាជ្ញាធរតៃវ៉ាន់បានចាប់ផ្តើមទទួលយកពាក្យសុំលិខិតឆ្លងដែនកាលពីថ្ងៃចន្ទ ។
គម្របលិខិតឆ្លងដែនសេរ៊ីមុនមានទាំងពាក្យ ” REPUBLIC OF CHINA ” និង “TAIWAN” ដែលមានទំហំស្ទើរតែដូចគ្នា ។
ចំណែករចនាបថថ្មីនេះវិញមានពាក្យ “TAIWAN” ជាអក្សរធំៗ ហើយពាក្យ ” REPUBLIC OF CHINA ” លេចចេញជាអក្សរតូចព័ទ្ធជុំវិញនិមិត្តសញ្ញារបស់តៃវ៉ាន់ ។
ក្រុមមន្រ្តីបាននិយាយថា នៅពេលដែលជំងឺកូវីដ ១៩ ឆ្លងរាលដាលពាសពេញពិភពលោក ពួកគេបានទទួលពាក្យបណ្តឹងជាច្រើនពីអ្នកកាន់លិខិតឆ្លងដែនតៃវ៉ាន់អំពីការធ្វើខុសចំពោះជនជាតិចិន ។
រដ្ឋមន្រ្តីក្រសួងការបរទេសតៃវ៉ាន់លោក Joseph Wu បាននិយាយថា ការរចនាថ្មីនេះជួយឲ្យមនុស្សកាន់តែងាយស្រួលទទួលស្គាល់វាជាលិខិតឆ្លងដែនតៃវ៉ាន់ ។
ទន្ទឹមនោះក្រុមហ៊ុនអាកាសចរណ៍ China Airlines របស់តៃវ៉ាន់ក៏បានទទួលយកការរចនាថ្មីនេះដាក់លើតួយន្តហោះដឹកទំនិញដែលខ្លួនបានណែនាំកាលពីខែមុនផងដែរ ។ ការរចនាថ្មីនេះមានពាក្យថា “CARGO” ដែលមានរូបភាពកោះលេចចេញនៅខាងក្នុងអក្សរ “C” ។
បន្ថែមពីនេះអាជ្ញាធរតៃវ៉ាន់ក៏បានផ្តល់ម៉ាសជាង ៥០ លានម៉ាសដល់ប្រទេសជាង ៨០ ដោយប្រើយន្ដហោះដឹកទំនិញជាមួយការរចនារាងពងក្រពើថ្មីនេះ ។ ប៉ុន្តែប្រព័ន្ធផ្សព្វផ្សាយរបស់តៃវ៉ាន់បាននិយាយថា ប្រទេសមួយចំនួនដែលបានទទួលម៉ាសជឿខុសថាជាអំណោយពីប្រទេសចិន ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ តៃវ៉ាន់បន្ថែមការទិញវ៉ាក់សាំងកូវីដ ក្រោយរកឃើញករណីឆ្លងវីរុសបម្លែងខ្លួនប្រភេទថ្មី
ចុចអាន ៖ តៃវ៉ាន់ ថា ខ្លួនត្រូវឡោមព័ទ្ធដោយកម្លាំងផ្តាច់ការ ខណៈចុះកិច្ចព្រមព្រៀងអាវុធថ្មីជាមួយអាមេរិក
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង