រូបភាពផ្កាយរណបបង្ហាញពីការសាងសង់នៅទីតាំងនុយក្លេអ៊ែរអ៊ីរ៉ង់ – Kampuchea Thmey Daily
Connect with us

ព័ត៌មានអន្ដរជាតិ

រូបភាពផ្កាយរណបបង្ហាញពីការសាងសង់នៅទីតាំងនុយក្លេអ៊ែរអ៊ីរ៉ង់

Published

on

រូបភាពផ្កាយរណបដែលចេញផ្សាយនៅថ្ងៃពុធបានបង្ហាញថា ប្រទេសអ៊ីរ៉ង់បានចាប់ផ្តើមការសាងសង់នៅឯរោងចក្រនុយក្លេអ៊ែរ Natanz របស់ខ្លួនស្របពេលទីភ្នាក់ងារនុយក្លេអ៊ែររបស់អង្គការសហប្រជាជាតិបានទទួលស្គាល់ថា ទីក្រុងតេអេរ៉ង់កំពុងសាងសង់រោងចក្រដំឡើងម៉ាស៊ីនបំបែកធាតុវីលីនដ៏ទំនើបនៅក្រោមដីបន្ទាប់ពីរោងចក្រចុងក្រោយរបស់ខ្លួនបានផ្ទុះក្នុងការវាយប្រហារកាលពីរដូវក្តៅមុន។

ការសាងសង់នេះបានកើតឡើងខណៈសហរដ្ឋអាមេរិកជិតដល់ថ្ងៃបោះឆ្នោតដោយលោកប្រធានាធិបតី Donald Trump បានធ្វើយុទ្ធនាការដាក់សម្ពាធអតិបរមាប្រឆាំងនឹងប្រទេសអ៊ីរ៉ង់។

យុទ្ធនាការរបស់លោកបាននាំឲ្យទីក្រុងតេអេរ៉ង់បោះបង់ចោលរាល់ដែនកំណត់នៃកម្មវិធីបរមាណូរបស់ខ្លួនប៉ុន្តែលោក Joe Biden បានបង្ហាញឆន្ទៈក្នុងការវិលត្រឡប់ទៅរកកិច្ចព្រមព្រៀងនេះវិញ។ លទ្ធផលនៃការបោះឆ្នោតទំនងជានឹងសម្រេចថាតើវិធីសាស្រ្តណាដែលអាមេរិកនឹងប្រកាន់យក។ ភាពតានតឹងរវាងអ៊ីរ៉ង់និងសហរដ្ឋអាមេរិកស្ទើរតែបង្កឲ្យមានសង្គ្រាមទៅហើយនៅដើមឆ្នាំនេះ។

រូបភាពពីក្រុមហ៊ុន Planet Labs ដែលមានមូលដ្ឋាននៅទីក្រុង San Francisco បានបង្ហាញថា ចាប់តាំងពីខែសីហាមក ប្រទេសអ៊ីរ៉ង់បានកសាងផ្លូវថ្មីឬជួសជុលផ្លូវនៅភាគខាងត្បូងទីក្រុង Natanz ឆ្ពោះទៅអ្វីដែលក្រុមអ្នកវិភាគជឿជាក់ថាជា អតីតកន្លែងបាញ់កាំភ្លើងរបស់កងកម្លាំងសន្តិសុខនៅរោងចក្រចម្រាញ់ប្រេង។ រូបភាពផ្កាយរណបមួយកាលពីថ្ងៃចន្ទបានបង្ហាញពីទីតាំងដែលត្រូវឈូសឆាយជាមួយនឹងអ្វីដែលមើលទៅដូចជាឧបករណ៍សំណង់នៅទីនោះ។

ក្រុមអ្នកវិភាគមកពីមជ្ឈមណ្ឌល James Martin សម្រាប់ការសិក្សាមិនរីកសាយភាយអាវុធនុយក្លេអ៊ែរនៅវិទ្យាស្ថានសិក្សាអន្តរជាតិ Middlebury បាននិយាយថា ពួកគេជឿជាក់ថា ទីតាំងនោះកំពុងធ្វើការឈូសឆាយ។

ស្របពេលជាមួយគ្នានោះ បេសកកម្មរបស់អ៊ីរ៉ង់ប្រចាំនៅអង្គការសហប្រជាជាតិមិនបានឆ្លើយតបភ្លាមៗចំពោះសំណើសុំការអត្ថាធិប្បាយទេ៕

ប្រែសម្រួលដោយ៖ Vann Vann

ប្រភព៖ AP

ចុច Like Facebook កម្ពុជាថ្មី

ព័ត៌មានជាតិ1 min ago

លោកជំទាវ​ម៉ែន សំអន បាន​សម្របសម្រួល​បញ្ចប់​វិវាទ​ករណី​សំណង់​ផ្សារ​ទំនើប​សេន​ជូ​រី​ផ្លា​ហ្សា ស្របតាម​វិធីសាស្ត្រ ឈ្នះ ឈ្នះ របស់​សម្តេច​តេ​ជោ ហ៊ុន សែន

ព័ត៌មានជាតិ10 mins ago

ខេត្តស្ទឹងត្រែង​មាន​បញ្ហា​ប្រឈម​ច្រើន ដោយសារតែ​ស្ថានភាព​ព្រំដែន​មាន​សភាព​ស្មុគស្មាញ និង​មិនទាន់​បោះបង្គោល​ព្រំដែន

ព័ត៌មានជាតិ24 mins ago

កម្ពុជា ចិន រៀបចំ​ព្រឹត្តិការណ៍ «​ដំណើរ​ភាពយន្ត​ចល័ត​ចិន​-​កម្ពុជា​ដ៏​ឆ្នើម​លើក​ទី​៥»

ព័ត៌មានជាតិ44 mins ago

ករណី​បាញ់​សម្លាប់​ជនជាតិ​ចិន​កក្រើក​នៅព្រះសីហនុ ​សមត្ថកិច្ច​ឃាត់​ខ្លួន​ជនសង្ស័យ​៣នាក់​

ព័ត៌មានជាតិ1 hour ago

សាលារៀន​ដែល​ប្រើ​ជា​មណ្ឌល​ច​ត្តា​ឡី​ស័ក​បានប្រគល់​ឲ្យ​សាលា​បើក​ដំណើរការ​ចូលរៀន​ឡើងវិញ​ជា​បណ្តើរៗ​ហើយ

ព័ត៌មានពេញនិយម