ព័ត៌មានអន្ដរជាតិ
ការសិក្សាបង្ហាញថា គ្រប់កន្លែងនៅលើផែនដីសុទ្ធតែមានកំហាប់ខ្យល់ពុល គ្រាន់តែតិច ឬច្រើន
ក្រុមអ្នកវិទ្យាសាស្ត្រដឹកនាំដោយសាស្ត្រាចារ្យ Yuming Guo មកពីសាកលវិទ្យាល័យសុខភាពសាធារណៈ Monash University នៅទីក្រុង Melbourne បានឃើញថា មានតែ ០.០០១ ភាគរយប៉ុណ្ណោះនៃចំនួនប្រជាជនពិភពលោក រស់នៅក្នុងកំហាប់ខ្យល់ពុល PM2.5 ដែលត្រូវបានចាត់ទុកថា មានសុវត្ថិភាពតាមស្តង់ដាររបស់អង្គការសុខភាពពិភពលោក (WHO) ។
តាមរយៈការសិក្សានេះបានឲ្យដឹង កំហាប់ខ្យល់ពុល PM2.5 ប្រចាំឆ្នាំក្នុងកម្រិតទាបបំផុត គឺនៅប្រទេសអូស្ត្រាលី នូវែលសេឡង់ និងតំបន់ផ្សេងទៀតនៅអូសេអានី និងអាមេរិកខាងត្បូង ខណៈចំនួនខ្ពស់បំផុតត្រូវបានកត់ត្រានៅក្នុងតំបន់អាស៊ីខាងកើត អាស៊ីខាងត្បូង និងអាហ្វ្រិកខាងជើង ។
ទន្ទឹមនឹងនោះ កាលពីខែសីហាដល់ខែកញ្ញា ឆ្នាំ ២០២២ អ្នកវិទ្យាសាស្រ្ត បានរកឃើញកំហាប់ខ្យល់ពុល PM2.5 កម្រិតខ្ពស់បំផុតនៅអាមេរិកខាងត្បូង ខណៈពីខែមិថុនាដល់ខែកញ្ញា គឺនៅក្នុងអនុតំបន់សាហារ៉ាអាហ្វ្រិក ។
ជាមួយគោលការណ៍ណែនាំថ្មីរបស់អង្គការសុខភាពពិភពលោក (WHO) ឆ្នាំ ២០២១ បានកំណត់ថា នៅឆ្នាំ ២០១៩ មានតែ ០.១៨ ភាគរយនៃផ្ទៃដីសកល ឬ ០.០០១ នៃចំនួនប្រជាជនពិភពលោក មានកម្រិតខ្យល់ពុលទាបជាងដែនកំណត់ប្រចាំឆ្នាំ ។
គួរបញ្ជាក់ថា PM2.5 គឺជាសារធាតុបំពុលបរិយាកាសដែលមានទាំងមីក្រូភាគល្អិតរឹង និងដំណក់ទឹកតូចៗបំផុតប្រហែល ១០ ណាណូម៉ែត្រ ទៅ ២.៥ មីក្រូម៉ែត្រ ។ PM2.5 ជ្រាបចូលទៅក្នុងរបាំងជីវសាស្រ្តបានយ៉ាងងាយស្រួល ហើយវាបង្កការគំរាមកំហែងខ្លាំងបំផុតដល់រាងកាយ ហើយជាមួយនឹងការសិក្សាថ្មីនេះបានបង្ហាញថា ទំហំគ្រោះថ្នាក់នៃកម្រិតខ្យល់ពុល PM2.5 អាចនឹងធំជាងមុនទៅទៀត ៕
ប្រែសម្រួលដោយ ៖ នាង រតនៈ
ប្រភព ៖ Sputnik
ចុចអាន ៖ ពិភពលោក ប្រឈមនឹងការផ្ទុះជំងឺអាសន្នរោគធំបំផុត ក្នុងរយៈពេល ២០ ឆ្នាំ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី