ព័ត៌មានអន្ដរជាតិ
ភពផែនដីកំពុងបាត់បង់ទឹកកកលឿនជាងនៅពាក់កណ្តាលទសវត្សឆ្នាំ ១៩៩០
ការសិក្សាស្រាវជ្រាវថ្មីបានបង្ហាញថា ទឹកកកនៅលើផែនដីកំពុងរលាយលឿនជាងនៅពាក់កណ្តាលទសវត្សឆ្នាំ ១៩៩០ ទៅទៀតដោយសារការប្រែប្រួលអាកាសធាតុបណ្តាលឲ្យសីតុណ្ហភាពពិភពលោកកើនឡើងខ្ពស់ ។
ក្រុមអ្នកវិទ្យាសាស្ត្របានរាយការណ៍នៅក្នុងការសិក្សាមួយដែលត្រូវបានចេញផ្សាយកាលពីថ្ងៃចន្ទនៅក្នុងទស្សនាវដ្ដី The Cryosphere បានឲ្យដឹងថា សរុបមកទឹកកកប្រមាណ ២៨ ទ្រីលានតោនបានរលាយចេញពីសមុទ្រទឹកកក ផ្ទាំងទឹកកក និងផែនទឹកកកនៅលើពិភពលោកចាប់តាំងពីពាក់កណ្តាលទសវត្សឆ្នាំ ១៩៩០ ។ ជារៀងរាល់ឆ្នាំអត្រារលាយគឺប្រហែល ៥៧ ភាគរយលឿនជាងកាលពី ៣ ទសវត្សរ៍មុន ។
សហអ្នកនិពន្ធលោក Thomas Slater ជាអ្នកជំនាញផ្នែកជលកកវិទ្យានៅសាកលវិទ្យាល័យ Leeds University នៅចក្រភពអង់គ្លេសបាននិយាយថា “វាជារឿងគួរឲ្យភ្ញាក់ផ្អើលមួយដែលបានឃើញការកើនឡើងយ៉ាងខ្លាំងបែបនេះក្នុងរយៈពេលតែ ៣០ ឆ្នាំប៉ុណ្ណោះ” ។
លោក Slater បាននិយាយថា ការរលាយនៃទឹកកកលើដីនៅលើទ្វីបអង់តាកទិច តំបន់ Greenland និងផ្ទាំងទឹកកកលើភ្នំបានបន្ថែមទឹកគ្រប់គ្រាន់ដល់មហាសមុទ្រក្នុងអំឡុងពេល ៣ ទស្សវត្សកន្លងមកនេះដើម្បីបង្កើនកម្រិតទឹកសមុទ្រពិភពលោកជាមធ្យម ៣.៥ សង់ទីម៉ែត្រ ។ ការបាត់បង់ទឹកកកពីផ្ទាំងទឹកកកលើភ្នំមានចំនួន ២២ ភាគរយនៃចំនួនសរុបនៃការបាត់បង់ទឹកកកប្រចាំឆ្នាំដែលគួរកត់សម្គាល់ថា វាមានប្រហែលជា ១ ភាគរយនៃផ្ទៃទឹកកកទាំងអស់ ។
នៅទូទាំងតំបន់អាក់ទិក ទឹកកកសមុទ្រក៏កំពុងធ្លាក់ចុះដល់កម្រិតទាបនៃរដូវក្តៅថ្មីនេះ ។ កាលពីឆ្នាំមុនមានកម្រិតទឹកកកសមុទ្រទាបបំផុតទី ២ ក្នុងរយៈពេលជាង ៤០ ឆ្នាំនៃការត្រួតពិនិត្យពីផ្កាយរណប ។
សីតុណ្ហភាពបរិយាកាសពិភពលោកបានកើនឡើងប្រហែល ១.១ អង្សាសេចាប់តាំងពីសម័យមុនឧស្សាហកម្ម ។ ប៉ុន្តែនៅតំបន់អាក់ទិក អត្រានៃការឡើងកម្តៅមានច្រើនជាងទ្វេដងនៃអត្រាមធ្យមពិភពលោកក្នុងរយៈពេល ៣០ ឆ្នាំចុងក្រោយនេះ ។
ដោយប្រើទិន្នន័យផ្កាយរណបឆ្នាំ ១៩៩៤-២០១៧ បានឲ្យដឹងថា ការវាស់ទីតាំង និងការពិសោធន៍មួយចំនួនក្រុមអ្នកវិទ្យាសាស្ត្រអង់គ្លេសបានគណនាថា ពិភពលោកកំពុងបាត់បង់ទឹកកកជាមធ្យម ០.៨ ទ្រីលានតោនក្នុងមួយឆ្នាំនៅទសវត្សឆ្នាំ ១៩៩០ ប៉ុន្តែប្រហែល ១.២ ទ្រីលានតោនជារៀងរាល់ឆ្នាំក្នុងប៉ុន្មានឆ្នាំថ្មីៗនេះ ៕
ប្រែសម្រួលដោយ ៖ ជីវ័ន្ត
ប្រភព ៖ REUTERS
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ