២០២៣ ស្ថិតលើផ្លូវ ក្លាយជាឆ្នាំក្តៅបំផុតនៅក្នុងប្រវត្តិសាស្រ្ត

ទិន្នន័យបង្ហាញថា ខែមុន គឺជាខែកញ្ញាដែលក្តៅបំផុតក្នុងប្រវត្តិសាស្រ្តផែនដី ហើយក្រុមអ្នកព្យាករនិយាយថា ឆ្នាំ២០២៣ ក៏កំពុងស្ថិតនៅលើផ្លូវ ឈានទៅរកការក្លាយជាឆ្នាំក្តៅបំផុតក្នុងកំណត់ត្រាផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Copernicus ដែលជាស្ថាប័នបម្រែបម្រួលអាកាសធាតុរបស់សហភាពអឺរ៉ុប បានឲ្យដឹងថា សីតុណ្ហភាពខ្យល់លើផ្ទៃខាងលើ បានកើនឡើងដល់ជាមធ្យម១៦.៣៨អង្សាសេ កាលពីខែមុន។ នេះបានបំបែកកំណត់ត្រាចាស់ ខែកញ្ញាឆ្នាំ២០២០​ ត្រឹម០.៥អង្សាសេប៉ុណ្ណោះ។

យោងតាម Copernicus, បម្រែបម្រួលអាកាសធាតុ និងបាតុភូតអាកាសធាតុដែលគេស្គាល់ថា El Nino គឺមានទំនួលខុសត្រូវក្នុងការបណ្តាលឲ្យសីតុណ្ហភាពកើនឡើង។

លោកស្រី Samantha Burgess នាយករង Copernicus និយាយថា “សីតុណ្ហភាព ដែលមិនធ្លាប់ជួបសោះ ត្រូវបានគេមើលឃើញក្នុងខែកញ្ញា”។

លោកស្រីបញ្ជាក់ថា “ខែដ៏ក្តៅខ្លាំងនេះ បានរុញឆ្នាំ២០២៣ ឡើងចំណាត់ថ្នាក់លេខមួយ ស្ថិតនៅលើផ្លូវក្លាយទៅជាឆ្នាំក្តៅបំផុតក្នុងប្រវត្តិសាស្រ្ត និងមានសីតុណ្ហភាព ១.៤លើកម្រិតមុនឧស្សាហកម្ម៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ អាកាសធាតុ សម្លាប់ប្រជាជនអឺរ៉ុប ១៤២,០០០នាក់ ក្នុងរយៈពេល៤០ឆ្នាំចុងក្រោយ