Connect with us

ព័ត៌មានអន្ដរជាតិ

ខេត្តផ្ទុះកូវីដខ្លាំងនៅវៀតណាមញាប់ដៃញាប់ជើងបង្កើតមន្ទីរពេទ្យ ៣ បន្ថែមទៀត

បានផុស

នៅ

ក្រសួងសុខាភិបាលវៀតណាមបានអំពាវនាវដល់ខេត្ត Hai Duong ដែលបច្ចុប្បន្នជាចំណុចផ្ទុះខ្លាំងនៃជំងឺកូវីដ ១៩ ឲ្យបង្កើតមន្ទីរពេទ្យចំនួន ៣ បន្ថែមទៀតយ៉ាងឆាប់រហ័សដើម្បីទប់ទល់នឹងចំនួនករណីឆ្លងដែលកំពុងកើនឡើង ។

លោក Nguyen Thanh Long រដ្ឋមន្រ្តីក្រសួងសុខាភិបាលបាននិយាយថា អគារទីមួយនឹងត្រូវបានសាងសង់នៅមជ្ឈមណ្ឌលវេជ្ជសាស្ត្រ Chi Linh Town ជាមួយនឹងគ្រែចំនួន ២០០ សម្ភារៈទំនើបៗ និងបន្ទប់សង្គ្រោះបន្ទាន់ (ICU) ជាដើម ហើយមន្ទីរពេទ្យនេះនឹងបើកនៅថ្ងៃសុក្រនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អគារមន្ទីរពេទ្យទី ២ នឹងសាងសង់ឡើងនៅសាកលវិទ្យាល័យបច្ចេកទេសវេជ្ជសាស្រ្ត Hai Duong ហើយក្រសួងបានណែនាំដល់នាយកដ្ឋានគ្រប់គ្រងបរិស្ថានសុខភាពរបស់ខ្លួនឲ្យរកដំណោះស្រាយភ្លាមៗសម្រាប់ការចោលសំរាមនៅទីនោះ ។

អគារទី ៣ នឹងត្រូវបានបង្កើតឡើងនៅកីឡដ្ឋាន Hai Duong ហើយគ្រឿងបរិក្ខារដែលត្រូវបានប្រើនៅមន្ទីពេទ្យ Da Nang ក្នុងពេលផ្ទុះនៅទីនោះកាលពីខែកក្កដាឆ្នាំមុននឹងត្រូវបានដឹកទៅកាន់ពហុកីឡដ្ឋាននេះ ។

ក្រសួងបារម្ភថាការផ្ទុះឡើងថ្មីនៅខេត្ត Hai Duong ចម្ងាយ ៥៧ គីឡូម៉ែត្រពីទីក្រុងហាណូយអាចអាក្រក់ជាងការឆ្លងរាលដាលនៅខេត្ត Da Nang ទៅទៀត បន្ទាប់ពីចំនួននៃករណីឆ្លងមានការកើនឡើងយ៉ាងឆាប់រហ័ស ។

ទន្ទឹមនោះអ្នកជំនាញរាប់រយនាក់ត្រូវបានបញ្ជូនទៅទីក្រុង Hai Duong ខណៈដែលមនុស្សចំនួន ៨៤ នាក់បានធ្វើតេស្តវិជ្ជមានជំងឺកូវីដ ១៩ ហើយអ្នកទាំងអស់នោះគឺជាបុគ្គលិករបស់ក្រុមហ៊ុនអេឡិចត្រូនិចវៀតណាម Poyun ដែលជាកម្មសិទ្ធិរបស់កោះតៃវ៉ាន់នៅទីក្រុង Chi Linh ។

ក្រុមហ៊ុននេះមានបុគ្គលិកប្រមាណ ២,៣០០ នាក់ ហើយអាជ្ញាធរសុខាភិបាលបានយកសំណាកពីពួកគេ ២,១០០ សម្រាប់ធ្វើតេស្ត ហើយកំពុងបន្តតាមដានរាប់បញ្ចូលទាំងនៅទីក្រុងហាណូយផងដែរ ។

គួរបញ្ជាក់ថា គិតត្រឹមពេលនេះប្រទេសវៀតណាមមានករណីឆ្លងជំងឺកូវីដ ១៩ ចំនួន ១,៦៥១ ករណី និងមានអ្នកស្លាប់ចំនួន ៣៥ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ VNExpress

ចុចអាន ៖ កូវីដកំពុងផ្ទុះខ្លាំងនៅវៀតណាម ថ្ងៃនេះរកឃើញការឆ្លងក្នុងសហគមន៍៨១ករណី

ចុចអាន ៖ តើពិតទេ ករណីឆ្លងក្នុងសហគមន៍វៀតណាម គឺជាវីរុសបម្លែងខ្លួនប្រភេទថ្មី?

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម