ព័ត៌មានអន្ដរជាតិ

មេធំក្រុមហ៊ុន ណាហ្គា ទទួលមរណភាពក្នុងវ័យ ៧៥ ឆ្នាំ ខណៈកូនប្រុសនឹងឡើងកាន់តំណែងជំនួសឪពុក

បានផុស

២ years មុន

នៅ

ថ្ងៃចន្ទ ១១ ធ្នូ ២០២៣

ដោយ

មហាសេដ្ឋីកាស៊ីណូលោក Chen Lip Keong ដែលជាស្ថាបនិកក្រុមហ៊ុន NagaCorp បានទទួលមរណភាពនៅក្នុងវ័យ ៧៥ ឆ្នាំលើទឹកដីសហរដ្ឋអាមេរិក ដោយសារតែជំងឺ ។

យោងតាមកាសែតចិន Nanyang Siang Pau បានរាយការណ៍ថា លោក Chen Lip Keong ធ្លាប់កើតជំងឺដាច់សរសៃឈាមខួរក្បាលកាលពីជាង ១០ ឆ្នាំមុន ប៉ុន្តែមិនទាន់មានការបញ្ជាក់ថា មរណភាពរបស់លោកជាប់ទាក់ទងនឹងជំងឺមួយនេះឬក៏យ៉ាងណានោះទេ ។

ទន្ទឹមនោះ ក្រោយមរណភាពរបស់ថៅកែកាស៊ីណូរូបនេះហើយ ក្រុមប្រឹក្សាភិបាលរបស់ក្រុមហ៊ុន NagaCorp បានប្រកាសតែងតាំងកូនប្រុសគឺលោក Chen Yiy Fon ឲ្យក្លាយជាប្រធានប្រតិបត្តិថ្មីជំនួសឪពុក ចាប់ពីថ្ងៃទី១០ ខែធ្នូ ឆ្នាំ២០២៣ តទៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការចុះផ្សាយរបស់ទស្សនាវដ្ដី Forb បានឲ្យដឹងថា គិតត្រឹមថ្ងៃទី៣១ ខែឧសភា ឆ្នាំ២០២៣ លោក Chen Lip Keong ឈរនៅលំដាប់ទី ៥០ ក្នុងបញ្ជីអ្នកមានបំផុតរបស់ពិភពលោក និងជាអ្នកបំផុតលំដាប់ទី ៧ ក្នុងប្រទេសម៉ាឡេស៊ី ដោយមានទ្រព្យសម្បតិ្តសុទ្ធចំនួន ២.៨ ពាន់លានដុល្លារ ។

ចំណែកពាក់ព័ន្ធនឹងកាស៊ីណូណាហ្គានៅក្នុងព្រះរាជាណាចក្រកម្ពុជាវិញ ក្រុមហ៊ុន NagaCorp ទទួលបានអាជ្ញាប័ណ្ណបើកកាស៊ីណូរហូតដល់ឆ្នាំ ២០៦៥ ហើយមានសិទ្ធផ្ដាច់មុខសម្រាប់ដំណើរការកាស៊ីណូក្នុងក្នុងរាជធានីភ្នំពេញ រហូតដល់ឆ្នាំ ២០៤៥ ៕

ប្រែសម្រួលដោយ ៖ ជីវ័ន្ត

ប្រភព ៖ The Edge Malaysia

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា