Connect with us

ព័ត៌មានអន្ដរជាតិ

អាស៊ាន ពេញចិត្តគំនិតផ្ដួចផ្ដើមរបស់ ថៃ បង្កើតច្រករបៀងដឹកជំនួយមនុស្ស​ធម៌ទៅកាន់ មីយ៉ាន់ម៉ា

បានផុស

នៅ

រដ្ឋមន្ត្រីការបរទេសអាស៊ានបានឯកភាពគ្នាពេញទីលើគំនិតផ្ដួចផ្ដើមរបស់ប្រទេសថៃក្នុងការបង្កើតច្រករបៀងមនុស្សធម៌ដើម្បីផ្ដល់ជំនួយទៅឲ្យជនភៀសខ្លួន ដោយសារតែជម្លោះដ៏រ៉ាំរ៉ៃនៅក្នុងប្រទេសមីយ៉ាន់ម៉ា ។ នេះបើយោងតាមការចុះផ្សាយដោយទីភ្នាក់ងារព័ត៌មាន Vietnam News កាលពីថ្ងៃទី២៩ ខែមករាកន្លងទៅ ។

លោករដ្ឋមន្ត្រីការបរទេសឡាវ សាលើមសៃ គុំម៉ាស៊ីត

ថ្លែងនៅក្នុងសន្និសីទសារព័ត៌មាន ក្រោយកិច្ចប្រជុំចង្អៀតរដ្ឋមន្ត្រីការបរទេសអាស៊ានដែលបិទបញ្ចប់កាលពីថ្ងៃទី២៩ ខែមករា, លោករដ្ឋមន្ត្រីការបរទេសឡាវ សាលើមសៃ គុំម៉ាស៊ីត (Saleumxay Kommasith) បាននិយាយថា ប្រទេសថៃបានស្នើដាក់ចេញផែនការបង្កើតច្រករបៀងមនុស្សធម៌ដើម្បីធានាដល់ការដឹកជំនួយសម្រាប់ជនភៀសខ្លួននៅមីយ៉ាន់ម៉ា ឬអ្នកដែលរត់គេចខ្លួនទៅកាន់ប្រទេសថៃផងដែរ ។

ជាការឆ្លើយតប រដ្ឋមន្ត្រីការបរទេសថៃលោក Parnpree Bahiddha-Nukara បានលើកឡើងថា កិច្ចការផ្តល់ជំនួយនេះនឹងចាប់ផ្តើមនៅចុងខែកុម្ភៈ បន្ទាប់ពីរដ្ឋាភិបាលយោធាមីយ៉ាន់ម៉ា និងរដ្ឋាភិបាលថៃបានឯកភាពកំណត់តំបន់សម្រាប់ច្រករបៀងតភ្ជាប់ប្រទេសទាំងពីរ ខណៈមជ្ឈមណ្ឌលសម្របសម្រួលអាស៊ានសម្រាប់ជំនួយមនុស្សធម៌លើការគ្រប់គ្រងគ្រោះមហន្តរាយ (AHA Centre) នឹងដើរតួនាទីជាអ្នកតាមដានបេសកកម្មច្រករបៀងមនុស្សធម៌នេះ ។

ឡាវក្នុងនាមជាប្រធានអាស៊ានប្ដូរវេនសម្រាប់ឆ្នាំ ២០២៤ នេះបានដុតដៃដុតជើងខ្លាំងមែនទែនក្នុងកិច្ចការស្វែងរកដំណោះស្រាយវិបត្តិនៅមីយ៉ាន់ម៉ា ហើយជាក់ស្ដែងឡាវបានបញ្ជូនអ្នកការទូតជើងចាស់ទៅជួបចរចាជាមួយមេដឹកនាំយោធា Min Aung Hlaing តាំងតែពីដើមខែមករាមកម្ល៉េះ ខណៈក្នុងជំនួបនោះឡាវបានប្ដេជ្ញាធ្វើការយ៉ាងជិតស្និតជាមួយភាគីថៃដែលមានព្រំប្រទល់ប្រមាណ ២ ពាន់គីឡូម៉ែត្រជាមួយមីយ៉ាន់ម៉ា ក្នុងការបង្កើតប៉ុស្តិ៍ត្រួតពិនិត្យសមស្របមួយដើម្បីដឹកជញ្ជូនជំនួយមនុស្សធម៌ចូលទៅកាន់ប្រទេសដែលកំពុងហែកហួរដោយសង្គ្រាមមួយនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ រដ្ឋមន្ត្រីការបរទេសនៃបណ្តាប្រទេសអាស៊ានក៏បានស្វាគមន៍យ៉ាងកក់ក្ដៅផងដែរទៅដល់រដ្ឋាភិបាលយោធាមីយ៉ាន់ម៉ាដែលបានបន្ទន់ឥរិយាបថបញ្ជូនអ្នកតំណាងឲ្យចូលរួមក្នុងកិច្ចប្រជុំចង្អៀតរដ្ឋមន្ត្រីការបរទេសអាស៊ាន ហើយវាក៏ជាសញ្ញាមួយបង្ហាញពីទំនុកចិត្តក្នុងការស្ទុះស្ទាជួយដល់មីយ៉ាន់ម៉ា និងប្រទេសសមាជិកអាស៊ាន ក៏ដូចជាសហគមន៍អន្តរជាតិឲ្យមានការយោគយល់គ្នាទៅវិញទៅមកកាន់តែល្អប្រសើរឡើងថែមមួយកម្រិតទៀត ។

គួរបញ្ជាក់ថា ឡាវបានរៀបចំប្រជុំចង្អៀតរដ្ឋមន្ត្រីការបរទេសអាស៊ានរយៈពេល ២ ថ្ងៃកាលពីថ្ងៃទី២៨ ដល់ថ្ងៃទី២៩ ខែមករា ឆ្នាំ២០២៤ នៅឯទីក្រុងហ្លូងព្រះបាង ខណៈកិច្ចប្រជុំលើកនេះហាក់បង្ហាញផ្លែផ្កាដ៏ល្អ បន្ទាប់ពីរដ្ឋាភិបាលយោធាមីយ៉ាន់ម៉ាសម្រេចបញ្ជូនលេខាធិការអចិន្ត្រៃយ៍នៃក្រសួងការបរទេសរបស់ខ្លួនគីលោកស្រី Marlar Than Htaik មកចូលរួមជាលើកដំបូងក្នុងរយៈពេលជិត ៣ ឆ្នាំ ចាប់តាំងរដ្ឋប្រហារយោធាកាលពីថ្ងៃទី១ ខែកុម្ភៈ ឆ្នាំ២០២១ ៕

ដោយ ៖ សុខ ជីវ័ន្ត

ចុចអាន ៖ រដ្ឋាភិបាលយោធា មីយ៉ាន់ម៉ា បន្ទន់ឥរិយាបថ បញ្ជូនអ្នកការទូតទៅចូលរួម​កិច្ចប្រជុំរដ្ឋមន្ត្រីការបរទេស អាស៊ាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ នាទី មុន

ទូតខ្មែរនៅកូរ៉េ ប្រាប់បុគ្គលខ្លះកុំបំពុលព័ត៌មាននៅពេលអាជ្ញាធរកំពុងតែខិតខំសម្រួលការផ្ដល់សេវាដល់ពលករ

ជីវិតកម្សាន្ដ១០ នាទី មុន

តួកាច Benz ទម្លាយថា នាងធ្លាប់វាយរឹកដាក់អ្នកគាំទ្រ ពេលកេរ្តិ៍ឈ្មោះល្បីល្បាញខ្លាំងកាលវ័យជំទង់

ជីវិតកម្សាន្ដ១៤ នាទី មុន

តារាកំប្លែងចាស់ក្មេង ៩ ដួង ឃ្លាតឆ្ងាយពីមហាជន តែបន្សល់ទុកកេរ្តិ៍ឈ្មោះល្បីរន្ទឺ

ព័ត៌មានជាតិ១៦ នាទី មុន

ក្រសួងអភិវឌ្ឍន៍ជនបទ ប្រកាសជ្រើសរើសមន្រ្តីជាប់កិច្ចសន្យា ចំនួន ៣៦នាក់

ព័ត៌មានជាតិ២៤ នាទី មុន

វិវាទរវាងអ្នកម៉ៅការបន្ត និងមេម៉ៅការសំណង់ បញ្ចប់ដោយជោគជ័យ ភាគីទាំងសងខាងពេញចិត្តទទួលយក

Sokha Hotels

ព័ត៌មានពេញនិយម