ផ្ទុះវីរុសបំប្លែងខ្លួនថ្មីមួយទៀត ទោះវ៉ាក់សាំងក៏មិនខ្លាច

វីរុសកូវីដបំប្លែងខ្លួនប្រភេទថ្មីមួយទៀតដែលផ្ទុះឡើងជាលើកដំបូងនៅក្នុងប្រទេសនីហ្សេរីយ៉ា ត្រូវបានគេរកឃើញនៅក្នុងចក្រភពអង់គ្លេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិត Simon Clarke សាស្រ្តាចារ្យរងផ្នែកមីក្រូជីវសាស្រ្តកោសិកានៃសាកលវិទ្យាល័យ Reading បានព្រមានថា វីរុសបំប្លែងខ្លួនថ្មីនេះ អាចមានភាពធន់នឹងវ៉ាក់សាំងបច្ចុប្បន្ន។

ក្រុមអ្នកស្រាវជ្រាវនៃសកលវិទ្យាល័យ Edinburgh បានរាយការណ៍ថា ពួកគេបានរកឃើញវីរុស B1525  ចំនួន៣២ករណីនៅក្នុងចក្រភពអង់គ្លេស។

អ្នកជំនាញនៅសកលវិទ្យាល័យនេះបាននិយាយថា វីរុសថ្មីនេះមានផ្ទុកនូវកម្លាយ E484K ទៅនឹងប្រូតេអ៊ីនកើនឡើង។

កម្លាយនេះត្រូវបានគេរកឃើញនៅក្នុងវីរុសអាហ្វ្រិកខាងត្បូងនិងប្រេស៊ីល ហើយត្រូវបានគេជឿថា វាអាចជួយឲ្យជំងឺនេះគេចផុតពីអង្គបដិប្រាណដែលអាចយកឈ្នះវា។

វេជ្ជបណ្ឌិត Clarke បានប្រាប់កាសែត The Guardian ថា “យើងមិនទាន់ដឹងថាតើវីរុសថ្មីនេះនឹងរីករាលដាលយ៉ាងដូចម្តេចនោះទេ ប៉ុន្តែប្រសិនបើវាទទួលបានជោគជ័យ វាអាចត្រូវបានគេសន្មតថា ភាពស៊ាំពីវ៉ាក់សាំងណាមួយនឹងគ្មានប្រសិទ្ធិភាពទេ”។

យោងតាមក្រុមអ្នកស្រាវជ្រាវនៅសកលវិទ្យាល័យ Edinburgh បានឲ្យដឹងថា មានករណីវីរុស B1525 ជាង១០០ករណីត្រូវបានគេរកឃើញនៅជុំវិញពិភពលោក។

ឧទាហរណ៍ដំបូងត្រូវបានគេរកឃើញកាលពីចុងខែធ្នូ នៅនីហ្សេរីយ៉ាដោយប្រទេសនេះ បានរកឃើញចំនួន១២ករណី៕

ប្រែសម្រួលដោយ៖ Vann Vann

ប្រភព៖ Mirror