អ្នកវិទ្យាសាស្រ្ត បារម្ភពីការលេចចេញវីរុសកូវីដបំប្លែងខ្លួនប្រភេទថ្មី និងអំពាវនាវឲ្យពាក់ម៉ាសឡើងវិញ

ក្រុមអ្នកវិទ្យាសាស្រ្ត បានបង្ហាញក្តីព្រួយបារម្ភសាជាថ្មី បន្ទាប់ពីការរកឃើញវីរុសកូវីដបំប្លែងខ្លួនមួយប្រភេទ ដែលមានសមត្ថភាពខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលជាមួយគ្នានោះ វេជ្ជបណ្ឌិត Trisha Greenhalgh អ្នកជំនាញអន្តរជាតិដ៏ល្បីឈ្មោះ នៅសាកលវិទ្យាល័យ Oxford បានអំពាវនាវ ដល់មនុស្សទាំងឡាយ ឲ្យចាប់ផ្តើមពាក់ម៉ាសឡើងវិញ ដោយសារឥទ្ធិពលនៃវីរុសដែលគេឲ្យឈ្មោះថា BA.6។

ទោះបីជាយ៉ាងណាក៏ដោយ អ្នកជំនាញមួយចំនួនក៏បានលើកឡើងផងដែរថា ពេលនេះ យើងមិនចាំបាច់ត្រូវភ័យស្លន់ស្លោឡើយ ហើយអះអាងថា ការរឹតបន្តឹងដូចកាលសម័យរោគរាតត្បាតខ្លាំង ក៏មិនចាំបាច់ដែរ។

បច្ចុប្បន្ន មេរោគបំប្លែងខ្លួនប្រភេទថ្មីនេះ កំពុងជំរុញឲ្យអត្រាចូលសម្រាកព្យាបាលក្នុងមន្ទីរពេទ្យនៅចក្រភពអង់គ្លេស មានការកើនឡើង។

អ្នកជំនាញប៉ាន់ស្មានថា ការឆ្លងរាលដាលខ្លាំងនាពេលថ្មីៗ គឺដោយសារតែមនុស្សនាំគ្នាសម្រុកចូលរោងកុន មើលខ្សែភាពយន្ត Barbie និង Oppenheimer។

លើសពីនេះ BA.6 ត្រូវបានគេប្រទះឃើញរួចទៅហើយ នៅក្នុងប្រទេសដាណឺម៉ាក និងអ៊ីស្រាអែល ដែលបង្ហាញថា វាបានចាប់ផ្តើមចរាចរហើយ។

អ្នកជំនាញជឿថា វីរុសបំប្លែងខ្លួនថ្មីនេះ មានធាតុកំឡាយជាង៣០នៅក្នុងសរសៃប្រូតេអ៊ីន ធ្វើឲ្យវាអាចតោងជាប់កោសិកាមនុស្ស ហើយបង្កការចម្លង៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ ចិន ជំរុញឲ្យ WHO ទៅស៊ើបរកប្រភពដើម កូវីដ នៅ អាមេរិក វិញម្តង