ព័ត៌មានអន្ដរជាតិ
ក្រុមជាតិនិយមថៃជឿថា ផែនការចរចាតំបន់ជម្លោះសមុទ្រថៃ-កម្ពុជា នឹងកើតឡើងជាថ្មី ចំពេលគណបក្សភឿថៃ កំពុងកាន់អំណាច
រដ្ឋាភិបាលថៃបានរងការវាយប្រហារផ្នែកនយោបាយដោយអះអាងថា កោះខុត កំពុងស្ថិតក្នុងគ្រោះថ្នាក់ដែលត្រូវទាមទារដោយកម្ពុជា។ នេះបើយោងតាមការចុះផ្សាយពីសារព័ត៌មាន Khaosod របស់ថៃ ជាភាសារអង់គ្លេស កាលពីថ្ងៃទី៩ ខែមីនា ឆ្នាំ ២០២៤ ។
យោងតាមប្រភពខាងលើបានឱ្យដឹងថា ការព្រួយបារម្ភរបស់ក្រុមជាតិនិយមថៃ ចំពោះបញ្ហាកោះខុតនេះ បានកើតឡើងក្រោយពេលសម្ដេចអគ្គមហាសេនាបតីតេជោ ហ៊ុន សែន បានធ្វើដំណើរពីទីក្រុងភ្នំពេញទៅកាន់ទីក្រុងបាងកក ដើម្បីសួរសុខទុក្ខអតីតនាយករដ្ឋមន្ត្រីថៃ លោក ថាក់ស៊ីនស៊ីណាវ៉ាត្រា កាលពីថ្ងៃទី២១ ខែកុម្ភៈ ឆ្នាំ២០២៤។ ហើយជាងទៅទៀតនោះ សម្ដេចតេជោ ថែមទាំងបានអញ្ជើញលោកស្រី Paetongtarn Shinawatra ប្រធានគណបក្សភឿថៃ និងជាកូនស្រីពៅរបស់លោក ថាក់ស៊ីន មកបំពេញទស្សនកិច្ចនៅកម្ពុជានៅថ្ងៃទី ១៩-២០ ខែមីនា ខាងមុខនេះ។ ការអញ្ជើញមកបំពេញទស្សនកិច្ចនៅកម្ពុជា របស់លោកស្រី Paetongtarn Shinawatra នេះហើយ បានបង្កើតឱ្យមានពាក្យចចាមអារ៉ាម និងការរំពឹងទុកថា កោះខុតអាចជាបន្ទះសៀគ្វីក្នុងការចរចានាពេលអនាគតជុំវិញតំបន់ជម្លោះសមុទ្ររវាងថៃ និងកម្ពុជា។
ពាក់ព័ន្ធជាមួយគ្នានេះ សារព័ត៌មាន Khaosod បានសរសេរថា ក្រុមជាតិនិយមថៃ បានយល់ឃើញថា ផែនការចរចាតំបន់ជម្លោះសមុទ្ររវាងថៃ និងកម្ពុជា ដែលធ្លាប់បានផ្ដួចផ្ដើមដោយលោក ថាក់ស៊ីន កាលនៅជានាយករដ្ឋមន្ត្រី ទំនងអាចនឹងកើតឡើងម្ដងទៀតចំពេលដែលគណបក្សភឿថៃ កំពុងកាន់អំណាច ។
យោងតាមការអត្ថាធិប្បាយរបស់សារព័ត៌មានក្នុងស្រុក (ថៃ) ជម្លោះដែនសមុទ្រទំហំ ២៦.០០០ គីឡូម៉ែត្រការ៉េ រវាងប្រទេសថៃ និងកម្ពុជា បាននៅទ្រឹងចាប់តាំងពីប្រទេសទាំងពីរបានចុះហត្ថលេខាលើអនុស្សារណៈយោគយល់គ្នា (MOU) ក្នុងឆ្នាំ ២០០១ ដោយបានយល់ព្រម “ការចរចាព្រំដែនសមុទ្រខណៈពេលដែលរួមគ្នាអភិវឌ្ឍធនធានប្រេង” ។ គេជឿថា តំបន់ជម្លោះនៅឈូងសមុទ្រថៃ អាចមានឧស្ម័នធម្មជាតិ ១១ទ្រីលានហ្វីតគូប ដែលមានតម្លៃ ៣.៥ពាន់ពាន់លានបាត (៩៨.៨១៤.២៤០.០០០ ដុល្លារ) និងប្រេង ៥០០លានបារ៉ែល ដែលមានតម្លៃ ១.៥ពាន់ពាន់លានបាត(៤២.៣៤៨.៩៦០.០០០ ដុល្លារ)។ ប្រទេសទាំងពីរអាចទទួលបានអត្ថប្រយោជន៍ពីការចែករំលែកធនធានទាំងនេះ។
លោក Somkiat Samatkarn ប្រធានសមាគមអភិរក្ស និងការពារធនធានធម្មជាតិខេត្តត្រាត និងជាទីប្រឹក្សាអភិបាលខេត្ត បានបញ្ជាក់ថា កោះខុត ជាកម្មសិទ្ធិរបស់ប្រទេសថៃទាំងស្រុង យោងតាមសន្ធិសញ្ញាបារាំង-សៀម ឆ្នាំ១៩០៧។ លោកបន្តថា សន្ធិសញ្ញាបានចែងថា ព្រំដែនដីគោកដែលលាតសន្ធឹងទៅក្នុងសមុទ្រឆ្ពោះទៅកោះខុត គឺគ្រាន់តែចង់បង្ហាញពីចំណុចបញ្ចប់នៃព្រំដែនគោករវាងប្រទេសទាំងពីរនៅមាត់សមុទ្រ និងមិនបង្កើតជាព្រំដែនសមុទ្រត្រួតស៊ីគ្នានោះទេ ៕
ដោយ÷ ប៉ោ កុសល
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ