ព័ត៌មានអន្ដរជាតិ

ជប៉ុន អនុម័តច្បាប់អត្រាកំណើតថ្មី ព្រោះប្រជាជនកើតតិច តែស្លាប់ច្រើន

បានផុស

២ years មុន

នៅ

ថ្ងៃពុធ ៥ មិថុនា ២០២៤

ដោយ

Chheang

សភាជប៉ុន នៅថ្ងៃពុធទី៥មិថុនានេះ បានប្រកាសអនុម័តច្បាប់ថ្មីមួយ ដើម្បីបញ្ឈប់ការធ្លាក់ចុះអត្រាកំណើត ក្រោយពីមានទិន្នន័យបង្ហាញអំពីការធ្លាក់ចុះយ៉ាងគំហុកមិនធ្លាប់មាននៃអត្រាកំណើតថ្មី គិតចាប់តាំងពីឆ្នាំ១៩៤៧។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋបាលរបស់លោកនាយករដ្ឋមន្ត្រី Fumio Kishida បានឲ្យដឹងថា ការអនុម័តច្បាប់ថ្មីនេះ ត្រូវតែធ្វើចាប់ពីពេលឥលូវនេះ រហូតដល់ឆ្នាំ២០៣០ខាងមុខ ដែលជាឱកាសចុងក្រោយសម្រាប់ផ្លាស់ប្ដូរនិន្នាការអត្រាកំណើតធ្លាក់ចុះនេះទាន់ពេលវេលា។ បច្ចុប្បន្ន បញ្ហាស្នូលនៃការធ្លាក់ចុះអត្រាកំណើតរយៈពេល៨ឆ្នាំជាប់ៗគ្នាមកនេះ បណ្ដាលមកពី ការរៀបអាពាហ៍ពិពាហ៍យឺតយ៉ាវ និងសេចក្ដីព្រួយបារម្ភផ្នែកហិរញ្ញវត្ថុ។

យោងតាមច្បាប់ថ្មី រដ្ឋាភិបាលជប៉ុន នឹងបង្កើនប្រាក់ឧបត្ថម្ភកុមារបន្ថែមទៀត បូករួមទាំងការអនុញ្ញាតច្បាប់ឈប់សម្រាកឲ្យឪពុកម្តាយកាន់តែច្រើន។

ក្រសួងសុខាភិបាលជប៉ុន បានបញ្ចេញស្ថិតិប្រជាសាស្ត្រថា ចំនួនទារកដែលស្ត្រីជប៉ុនម្នាក់រំពឹងនឹងពរពោះ នៅក្នុងមួយជីវិតរបស់ពួកគេ បានធ្លាក់ចុះមកត្រឹម ១,២នាក់ប៉ុណ្ណោះ។ នៅឆ្នាំ២០២៣ ចំនួនទារកកើតសរុបមាន ៧២៧ ២៧៧នាក់ ធ្លាក់ចុះ ៤៣ ៤៨២នាក់ បើធៀបនឹងឆ្នាំ២០២២។ ដោយឡែកបើនិយាយពីតួលេខមរណភាពវិញ បែរជាការកើនឡើងគួរឲ្យកត់សម្គាល់។ មនុស្សស្លាប់នៅជប៉ុនកាលពីឆ្នាំមុន មានចំនួនសរុប ១ ៥៧៥ ៩៣៦នាក់ កើតឡើងចំនួន ៦ ៨៨៦នាក់។ ចំពោះការចុះឈ្មោះរៀបអាពាហ៍ពិពាហ៍ មានចំនួន ៧៧៤ ៧១៧គូ ធ្លាក់ចុះ ៣០ ២១៣គូ៕

ដោយ៖ ឈាង

Related Topics:ប្រទេសជប៉ុន

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា