ព័ត៌មានអន្ដរជាតិ
Sarkozy ក្លាយជាអតីតប្រធានាធិបតីបារាំងដំបូង ត្រូវបានកាត់ទោសជាប់ពន្ធនាគារ
អតីតប្រធានាធិបតីបារាំងលោក Nicolas Sarkozy ត្រូវបានកាត់ទោសឲ្យជាប់ពន្ធនាគារ៣ឆ្នាំ ក្នុងនោះ២ឆ្នាំត្រូវព្យូរ ពាក់ព័ន្ធនឹងអំពើពុករលួយ។
លោកត្រូវបានផ្ទន្ទាទោសពីបទសូកប៉ាន់ចៅក្រមម្នាក់នៅឆ្នាំ២០១៤ បន្ទាប់ពីលោកបានចាក់ចេញពីអំណាច ដោយបានសន្យាផ្តល់ការងារដ៏ល្អមួយជាថ្នូរនឹងព័ត៌មានដាច់ដោយឡែកមួយ។
លោក Sarkozy អាយុ៦៦ឆ្នាំ ជាអតីតប្រធានាធិបតីបារាំងដំបូងគេដែលត្រូវបានកាត់ទោសឲ្យជាប់ពន្ធនាគារ។ ទោះជាយ៉ាងណា មេធាវីរបស់លោកបានបញ្ជាក់ថា គាត់នឹងប្តឹងឧទ្ទរណ៍។
លោក Sarkozy នឹងបន្តមានសេរីភាពក្នុងកំឡុងពេលដំណើរការដែលអាចចំណាយច្រើនឆ្នាំ។
នៅក្នុងការសម្រេច ចៅក្រម Judge Christine Mée បាននិយាយថា អ្នកនយោបាយអភិរក្សរូបនេះដឹងនូវអ្វីដែលគាត់បានធ្វើខុស។ ទង្វើរបស់គាត់ និងមេធាវីរបស់គាត់ទាំងនោះបានធ្វើឲ្យប៉ះពាល់ដ៏អាក្រក់ដល់កេរ្តិ៍ឈ្មោះយុត្តិធម៍។
ឧក្រិដ្ឋនោះត្រូវបានបញ្ជាក់ថា ការជះឥទ្ធិពល និងរំលោភបំពានទៅលើការសម្ងាត់វិជ្ជាជីវៈ។ វាជាសញ្ញាសំគាល់ផ្លូវច្បាប់ក្រោយសង្គ្រាម។ គំរូមុនមួយគឺការកាត់ទោសលោក Jacques Chirac ដែលបានជាប់ពន្ធនាគារ២ឆ្នាំកាលពីឆ្នាំ២០១១សម្រាប់ការរៀបចំការងារក្លែងក្លាយនៅសាលាក្រុងបារីសសម្រាប់សម្ព័ន្ធមិត្តដែលពេលនោះលោកកាន់តំណែងជាអភិបាលក្រុង។ លោក Chirac ក៏ធ្លាប់ជាប្រធានាធិបតីបារាំងពីឆ្នាំ១៩៩៥ដល់២០០៧ ដែលបន្ទាប់មកលោក Sarkozy បានកាន់អំណាចបន្ត។
ប្រសិនបើការប្តឹងឧទ្ធរណ៍របស់លោក Sarkozy មិនបានជោគជ័យទេនោះ លោកត្រូវទទួលទោសមួយឆ្នាំដោយស្នាក់នៅក្នុងផ្ទះដែលត្រូវដាក់ស្លាកថា «ពន្ធនាគារ» ជាជាងទៅនៅក្នុងគុក។
ភរិយារបស់លោកជាតារាចម្រៀង និងតារាម៉ូដែល Carla Bruni បានចាត់ទុកករណីនេះថាជា ការធ្វើទុក្ខបុកម្នេញដោយឥតន័យ និងថា ការប្រយុទ្ធប្រឆាំងនៅតែបន្ត ហើយការពិតនឹងកើតមាន៕
ប្រែសម្រួល៖ វីរបុត្រ
ប្រភព៖ CNN
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ១ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»