ប្រេសិតថ្មីរបស់មីយ៉ាន់ម៉ាប្រចាំ UN លាលែងវិញក្រោយកាន់តំណែងមិនបានប៉ុន្មាន
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ប្រេសិតថ្មីរបស់មីយ៉ាន់ម៉ាប្រចាំ UN លាលែងវិញក្រោយកាន់តំណែងមិនបានប៉ុន្មាន

Published

on

អ្នកនាំពាក្យអង្គការសហប្រជាជាតិ (UN) បាននិយាយកាលពីថ្ងៃព្រហស្បតិ៍ថា ឯកអគ្គរដ្ឋទូតថ្មីរបស់មីយ៉ាន់ម៉ាប្រចាំនៅ UN បានលាលែងពីតំណែងដោយនិយាយថា អ្នកកាន់តំណែងមុនរបស់គាត់ដែលត្រូវបានបណ្តេញដោយរដ្ឋាភិបាលយោធានៅតែបន្តធ្វើជាតំណាងប្រទេស ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
លោក Tin Maung Naing

យោធាដែលបានបណ្តេញមេដឹកនាំស៊ីវិលមីយ៉ាន់ម៉ា និងដណ្តើមអំណាចនៅក្នុងប្រទេសអាស៊ីអាគ្នេយ៍មួយនេះកាលពីថ្ងៃទី ១ ខែកុម្ភៈបានបណ្តេញលោក Kyaw Moe Tun នៅថ្ងៃសៅរ៍មួយថ្ងៃបន្ទាប់ពីលោក បានទទូចដល់សហគមន៍អន្តរជាតិឲ្យប្រើមធ្យោបាយណាដែលចាំបាច់ដើម្បីចាត់វិធានការប្រឆាំងនឹងយោធាដើម្បីជួយស្តារលទ្ធិប្រជាធិបតេយ្យឡើងវិញ ហើយលោកឧត្តមសេនីយ៍បានតែងតាំងអនុប្រធានរបស់គាត់គឺលោក Tin Maung Naing ជំនួសគាត់ ។

ប៉ុន្តែកាលពីថ្ងៃព្រហស្បតិ៍អ្នកនាំពាក្យអង្គការសហប្រជាជាតិលោក Stephane Dujarric បាននិយាយថាបេសកកម្មរបស់មីយ៉ាន់ម៉ាបានផ្ញើសារទាក់ទងទៅស្ថាប័ននេះថា លោក Tin Maung Naing បានដាក់លិខិតលាលែងពីតំណែងរបស់លោកដោយរំលឹកថា លោក Kyaw Moe Tun នៅតែជាតំណាងអចិន្រ្តៃយ៍របស់មីយ៉ាន់ម៉ាចំពោះអង្គការសហប្រជាជាតិ ។

លោក Stephane Dujarric

ការលាលែងនេះបានកើតឡើងបន្ទាប់ពីការប្រឈមមុខដាក់គ្នាដែលបានឃើញលោក Kyaw Moe Tun បានសរសេរលិខិតទៅប្រធានមហាសន្និបាតអង្គការសហប្រជាជាតិកាលពីថ្ងៃចន្ទដោយទទូចថា រដ្ឋប្រហារនេះគឺខុសច្បាប់ហើយដូច្នេះយោធាគ្មានសិទ្ធិក្នុងការដកគាត់ចេញទេ ។

លោកបានបន្ថែមថា “ដូច្នេះខ្ញុំសូមបញ្ជាក់ប្រាប់អ្នកថាខ្ញុំនៅតែជាតំណាងអចិន្ត្រៃយ៍របស់មីយ៉ាន់ម៉ានៅអង្គការសហប្រជាជាតិ” ។

លោក Kyaw Moe Tun

កាលពីថ្ងៃអង្គារក្រសួងការបរទេសមីយ៉ាន់ម៉ាបានផ្ញើលិខិតសំគាល់ទៅអង្គការសហប្រជាជាតិដោយអះអាងថា លោក Kyaw Moe Tun ត្រូវបានដកចេញ ។

នៅថ្ងៃនោះលោក Dujarric បាននិយាយថា UN កំពុងពិនិត្យមើលលិខិតពីរផ្ទុយគ្នា ខណៈដែលស្ថាប័ននេះបានសង្កត់ធ្ងន់លើស្ថានភាពមិនធម្មតានេះ ហើយបាននិយាយថា គណៈកម្មាធិការទទួលស្គាល់ និងពិធីសាររបស់អង្គការសហប្រជាជាតិនឹងពិនិត្យមើលបញ្ហានេះ ហើយទីបំផុតពួកគេអាចបញ្ជូនវាទៅមហាសន្និបាតដើម្បីបោះឆ្នោត ។

ការសម្រេចចិត្តនេះគឺនៅឆ្ងាយណាស់ ពីព្រោះវាមានន័យថាថាតើត្រូវទទួលស្គាល់អ្នកណាដែលកាន់អំណាចនៅក្នុងប្រទេសមីយ៉ាន់ម៉ា ។ ចាប់តាំងពីថ្ងៃអង្គារមកលោក Kyaw Moe Tun បានជួបប្រជុំជាមួយសមភាគីរបស់លោកមកពីសហភាពអ៊ឺរ៉ុប និងតំណាងសហរដ្ឋអាមេរិកដែលបានធ្វើការគាំទ្រពួកគេ ។

ទន្ទឹមនោះនៅថ្ងៃសុក្រនេះក្រុមអ្នកតវ៉ាបានបន្តធ្វើបាតុកម្មបន្ថែមទៀតនៅក្នុងប្រទេសមីយ៉ាន់ម៉ាដើម្បីប្រឆាំងនឹងការបណ្តេញរដ្ឋាភិបាលដែលត្រូវបានជ្រើសរើសលោកស្រី អ៊ុងសាន ស៊ូជី នៅថ្ងៃទី ១ ខែកុម្ភៈ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ បែក​ធ្លាយ​​ យោធា​មីយ៉ាន់ម៉ា​​ប៉ុន​ប៉ង​​យក​​លុយ​​១​​ពាន់​​លាន​​ដុល្លារ​​ពី​​ធនាគារ​​កណ្តាល​​នៅ​ញ៉ូវយ៉ក​​ តែ​​អាមេរិក​​បាន​​ប្លុក​​គណនី​

ចុចអាន ៖ UN ជំរុញឲ្យមានការដាក់ទណ្ឌកម្មអាវុធជាសកលលើប្រទេសមីយ៉ាន់ម៉ា

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services