ព័ត៌មានអន្ដរជាតិ
ហេតុអ្វីបានជាប្រវត្តិសាស្ត្ររបស់ស្ត្រីនៅក្នុងខែមីនា?
ខែមីនាជាខែប្រវត្តិសាស្ត្ររបស់ស្ត្រី ប៉ុន្តែចាប់តាំងពីបានក្លាយជាឆ្នាំប្រវត្តិសាស្ត្រសម្រាប់ស្ត្រីមក មានសំនួរលើកថា ហេតុអ្វីបានជាខែមីនា? តើវាជាខែដ៏មានសារៈសំខាន់បំផុតសម្រាប់ប្រវត្តិសាស្ត្ររបស់ស្ត្រី ឬគ្រាន់តែជាខែដែលមាននៅលើប្រក្រតិទិន?
ចម្លើយមានពាក់ព័ន្ធនឹងប្រវត្តិសាស្ត្រខ្លះ និងពាក់ព័ន្ធដោយចៃដន្យខ្លះ។
ចាប់ពីថ្ងៃ ទៅ សប្តាហ៍ ទៅ ខែ
ខែប្រវត្តិសាស្ត្ររបស់ស្ត្រីដែលត្រូវបានគេកត់សំគាល់នៅសហរដ្ឋអាមេរិក និងប្រទេសអូស្ត្រាលីគឺក្នុងខែមីនា ហើយនៅប្រទេសកាណាដា ក្នុងខែតុលា ដែលបានចាប់ផ្តើមតែមួយថ្ងៃគត់។ ទិវានារីអន្តរជាតិគឺថ្ងៃទី៨ ខែមីនា ហើយវាត្រូវបានគេសង្កេតឃើញថា មានទ្រង់ទ្រាយ ឬទិដ្ឋភាពតាំងពីឆ្នាំ១៩១១។ វាត្រូវបានគេប្រារព្ធជាផ្លូវការដោយអង្គការសហប្រជាជាតិ (UN) នៅក្នុងឆ្នាំ១៩៧៥ ហើយរយៈពេល២ឆ្នាំក្រោយមក UN បានទទួលលស្គាល់ជាផ្លូវការ។
នៅទសវត្សរ៍ឆ្នាំ១៩៧០ ក្រុមតាមតំបន់ និងទីក្រុងនានាបានចាប់ផ្តើលអបអរសាទរសប្តាហ៍ប្រវត្តិសាស្ត្រនារី។ យោងតាម សារៈមន្ទីរជាតិស្ត្រី ការអបអរសាទរមួយក្នុងចំណោមការអបអរសាទរគួរឲ្យកត់សំគាល់ខ្លាំងបំផុតគឺត្រូវបានប្រារព្ធនៅទីក្រុង សាន់ តារ៉ូ រដ្ឋកាលីហ្វញ៉ា ដោយក្រុមការងារអប់រំនៃគណៈកម្មការ Sonoma County Commission ស្តីពីឋានៈស្ត្រី នៅក្នុងឆ្នាំ១៩៧៨។
ចលនានៃការប្រារព្ធកាន់តែល្បីល្បាញខ្លាំងឡើង មនុស្សកាន់តែចាប់អារម្មណ៍ក្នុងការចូលរួមជាផ្លូវការ ហើយនៅឆ្នាំ១៩៨០ លោកប្រធានាធិបតី Jimmy Carter បានកំណត់សប្តាហ៍ប្រវត្តិសាស្ត្រនារីជាតិជាផ្លូវការលើកដំបូង ដោយបានចាប់ផ្តើមនៅថ្ងៃទី៨ ខែមីនា នៃឆ្នាំនីមួយៗ។
សាលារៀន សាកលវិទ្យាល័យ និងរដ្ឋាភិបាលមូលដ្ឋានបានដឹងថា រយៈពេលនៃពេលនេះបានអនុញ្ញាតឲ្យពួកគេមិនត្រឹមតែអបអរសាទរចំពោះសមិទ្ធផលរបស់ស្ត្រីប៉ុណ្ណោះទេ ប៉ុន្តែត្រូវសម្លឹងជាសំខាន់ចំពោះសមភាព និងឱកាសម្រាប់ស្ត្រី និងអប់រំមនុស្សពីប្រវត្តិសាស្ត្ររបស់ស្ត្រី។
យោងតាមសម្ព័ន្ធភាពជាតិប្រវត្តិសាស្ត្រស្ត្រី រដ្ឋនានាបានចាប់ផ្តើមប្រកាសពីការអបអរសាទរពេញមួយខែនៃខែមីនាដែលជាខែប្រវត្តិសាស្ត្ររបស់ស្ត្រីរហូតដល់ឆ្នាំ១៩៨៦ នៅពេលដែលការជំរុញថ្នាក់ជាតិកាន់តែច្រើនឡើងត្រូវបានអនុវត្ត។ នៅឆ្នាំបន្ទាប់ សភាបានប្រកាស ខែមីនា ឆ្នាំ១៩៨៧ជាខែប្រវត្តិសាស្ត្ររបស់ស្ត្រីជាផ្លូវការលើកដំបូង។
ព្រឹត្តិការណ៍សំខាន់ស្រដៀងគ្នាមួយចំនួន
មែនទែនទៅ ក្រៅពីទិវានារីអន្តរជាតិ ខែមីនាក៏មានរឿងរ៉ាវសំខាន់មួយចំនួនសម្រាប់ប្រវត្តិសាស្ត្ររបស់ស្ត្រីផងដែរ។ ព្រឹត្តិការណ៍ទាំងនោះមានដូចជា៖
-ព្រឹត្តិការណ៍ Title IX ដែលហាមឃាតការរើសអើងភេទនៅក្នុងកម្មវិធីអប់រំដែលផ្តល់មូលនិធីទាំងអស់ដោយសហព័ន្ធ ត្រូវបានសភាអនុម័តនៅថ្ងៃទី១ ខែមីនា ឆ្នាំ១៩៧២។ ក្រោយមកនៅក្នុងឆ្នាំដដែល វាបានក្លាយជាច្បាប់។ ជាការពិត គ្រូបង្រៀនដែលបានបង្កើតសប្តាហ៍ប្រវត្តិសាស្ត្រស្ត្រីលើកទី១ ដែលប៉ុន្មានឆ្នាំក្រោយមកបានអនុវត្តដើម្បីជួយសាលារៀនឲ្យគោរពច្បាប់ Title IX។
-វិសោធនកម្មសិទ្ធិស្មើភាព ដែលជាវិសោធនកម្មរដ្ឋធមនុញ្ញធានាសិទ្ធិដោយមិនគិតពីភេទដែលត្រូវបានធានាដោយវិសោធនកម្មលើកទី១៩ សភាបានអនុម័តថ្ងៃទី២២ ខែមីនា ឆ្នាំ១៩៧២។
-នៅដើមទសវត្សរ៍ទី២០ ព្រឹត្តិការណ៍សិទ្ធិស្ត្រីសំខាន់ៗពីរបានកើតមាននៅខែមីនា។ ទី១ ក្បួនដង្ហែសិទ្ធិនារីទ្រង់ទ្រាយធំបានធ្វើនៅទីក្រុងវ៉ាស៊ីនតោន នៅថ្ងៃទី៣ ខែមីនា ឆ្នាំ១៩១៣ និងទី២ គណបក្សនារីជាតិ ដែលជាក្រុមនយោបាយឧទ្ទិសដល់សិទ្ធិនារី ដែលបានបង្កើតឡើងជាផ្លូវការនៅខែមីនា ឆ្នាំ១៩១៧៕
ប្រែសម្រួល៖ វីរបុត្រ
ប្រភព៖ CNN
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ