ព័ត៌មានអន្ដរជាតិ
ហ្វីលីពីន ថា ចិនដាក់សម្ពាធលើខ្លួនកាន់តែខ្លាំងឲ្យបោះបង់ការទាមទារនៅសមុទ្រចិនខាងត្បូង
ប្រទេសចិន កំពុងដាក់សម្ពាធកាន់តែខ្លាំងឡើងៗលើហ្វីលីពីន ដើម្បីឲ្យបោះបង់សិទ្ធិអធិបតេយ្យភាពនៅសមុទ្រចិនខាងត្បូង។ នេះបើយោងតាមការលើកឡើងរបស់លោក Gilberto Teodoro រដ្ឋមន្ត្រីការពារជាតិហ្វីលីពីន នៅក្នុងជំនួបជាមួយលោក Richard Marles រដ្ឋមន្ត្រីការពារជាតិអូស្ត្រាលី ក្នុងរដ្ឋធានីកង់បេរ៉ា នៅថ្ងៃទី១២ខែវិច្ឆិកាឆ្នាំ២០២៤។
លោក Teodoro បាននិយាយថា៖ «អ្វីដែលយើងមើលឃើញ គឺជាការកើនឡើងនៃការទាមទារដោយក្រុងប៉េកាំងចំពោះយើងឲ្យបោះបង់សិទ្ធិអធិបតេយ្យភាពនៅក្នុងតំបន់»។ លោករដ្ឋមន្ត្រី បានបន្ថែមថា ហ្វីលីពីន គឺជា «ជនរងគ្រោះនៃការឈ្លានពានរបស់ចិន»។
ជំនួបរវាងលោក Teodoro ជាមួយរដ្ឋមន្ត្រីការពារជាតិអូស្ត្រាលី គឺជាលើកទី៥ហើយ គិតចាប់តាំងពីខែសីហាឆ្នាំ២០២៣។ ពួកគេបានបង្ហាញពីការរឹតបន្តឹងទំនាក់ទំនងសន្ដិសុខរវាងប្រទេសទាំងពីរ ហើយសម្ព័ន្ធមិត្តទាំងពីរសុទ្ធតែលើកឡើងពីក្ដីព្រួយបារម្ភរបស់ពួកគេជុំវិញសកម្មភាពរបស់ចិននៅក្នុងសមុទ្រចិនខាងត្បូង ខណៈដែលផ្ទៃទឹកដ៏ធំធេងនេះក៏ត្រូវបានអះអាងដោយហ្វីលីពីន និងបណ្ដាប្រទេសដទៃទៀតផងដែរដូចជា វៀតណាម ឥណ្ឌូណេស៊ី ម៉ាឡេស៊ី និងព្រុយណេ។
ហ្វីលីពីន និងចិន បានចុះសន្ធិសញ្ញាភាពជាដៃគូយុទ្ធសាស្ត្រនៅក្នុងខែកញ្ញាឆ្នាំ២០២៣ ហើយប៉ុន្មានខែបន្ទាប់ ប្រទេសទាំងពីរបានចូលរួមនៅក្នុងការល្បាតដែនអាកាស និងផ្លូវទឹករួមគ្នាជាលើកដំបូងនៅសមុទ្រចិនខាងត្បូង។ ហ្វីលីពីន ក៏បានចូលរួមនៅក្នុងសមយុទ្ធជាមួយអូស្ត្រាលីជាលើកដំបូងផងដែរនៅក្នុងឆ្នាំ២០២៤នេះ។
ចិន និងហ្វីលីពីន បានប្រកែកគ្នាម្ដងហើយម្ដងទៀតនៅក្នុងឆ្នាំ២០២៤ ពាក់ព័ន្ធនឹងការទាមទារអធិបតេយ្យភាពនៅលើតំបន់ដែនទឹកជម្លោះ។ ចិន បានអះអាងស្ទើរតែស្រុងនូវអធិបតេយ្យភាពលើសមុទ្រចិនខាងត្បូង ខណៈផ្នែកនៃផ្លូវទឹក ដែលមានទំហំពាណិជ្ជកម្មជារៀងរាល់ឆ្នាំក្នុងតម្លៃ៣ទ្រីលានដុល្លារនេះ ត្រូវបានគេជឿថាសម្បូរទៅដោយប្រេង ឧស្ម័នធម្មជាតិ និងស្តុកត្រី។
តុលាការអាជ្ញាកណ្តាលអចិន្ត្រៃយ៍ក្នុងឆ្នាំ២០១៦ បានរកឃើញថា ការទាមទារដ៏ធំរបស់ប្រទេសចិនមិនមានមូលដ្ឋានផ្លូវច្បាប់ទេ។ យ៉ាងណា សេចក្តីសម្រេចនេះត្រូវរដ្ឋាភិបាលក្រុងប៉េកាំងច្រានចោល៕
ដោយ៖ ឈាង
រដ្ឋមន្ត្រីក្រសួងមហាផ្ទៃណែនាំឱ្យអាជ្ញាធររាជធានី ទប់ស្កាត់គ្រោះថ្នាក់ចរាចរណ៍ និងរៀបចំសណ្តាប់ធ្នាប់សាធារណៈ
សហជីពគាំទ្រវិធានការរបស់ក្រសួងការងារ ក្នុងការពង្រឹងការធ្វើអធិការកិច្ចតាមរោងចក្រ សហគ្រាស ដើម្បីធានាការផ្តល់អត្ថប្រយោជន៍ពេញលេញដល់កម្មករនិយោជិត
រដ្ឋមន្ត្រីបរិស្ថាន៖ គុណភាពខ្យល់នៅកម្ពុជាល្អ មិនប៉ះពាល់សុខភាព ខណៈប្រទេសជិតខាងមានជាតិពុលខ្លាំង
ឥឡូវនេះ ប្រជាជនកម្ពុជាអាចធ្វើដំណើរកម្សាន្តដ៏រីករាយនៅទីក្រុងឌូបៃជាមួយ Emirates
ប្រជាពលរដ្ឋ សហជីព និងកម្មករ ថ្កោលទោសទណ្ឌិត សម រង្ស៊ី ដែលអំពាវនាវឱ្យមានការងើបបះបោរប្រឆាំងនឹងរាជរដ្ឋាភិបាលស្របច្បាប់
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
ត្រាំ៖ អាមេរិកនឹងដាក់ទណ្ឌកម្មរុស្ស៊ីបន្ថែមទៀត បើ ពូទីន មិនព្រមចូលតុចរចាសន្តិភាព
ត្រាំ ចេញបញ្ជាដាក់ទោសប្រហារជីវិត អ្នកណាសម្លាប់មន្ត្រី និងជនអន្តោប្រវេសន៍ដែលប្រព្រឹត្តអំពើឧក្រិដ្ឋកម្ម
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៧ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់