ព័ត៌មានអន្ដរជាតិ
ពលករខ្មែរ១០នាក់ឆ្លងកូវីដនៅថៃ ក្នុងការផ្ទុះចង្កោមចម្លងថ្មី
ពលរដ្ឋខ្មែរ១០នាក់ ស្ថិតក្នុងចំណោមកម្មករចំណាកស្រុកដែលត្រូវបានរកឃើញថា ឆ្លងជំងឺកូវីដ១៩នៅក្នុងប្រទេស ថៃ។ នេះបើយោងតាមការចុះផ្សាយដោយកាសែត បាងកកប៉ុស្តិ៍ នៅព្រឹកថ្ងៃចន្ទទី២២ខែមីនានេះ។
នាយកដ្ឋានប្រយុទ្ធប្រឆាំងជំងឺឆ្លង (DDC) បាននិយាយកាលពីថ្ងៃអាទិត្យថា ខេត្ត សាមុត ប្រាកាន បានលេចចេញជាចំណុចផ្ទុះជំងឺកូវីដ១៩ បន្ទាប់ពីការឆ្លងចង្កោមថ្មី ត្រូវបានរកឃើញក្នុងចំណោមកម្មករចំណាកស្រុករបស់ខេត្តនេះ។
អគ្គនាយក DDC លោក Opas Karnkawinpong បាននិយាយកាលពីម្សិលមិញថា សរុបទៅ មនុស្សចំនួន៥៨៤នាក់ ត្រូវបានដាក់នៅក្រោមការឃ្លាំមើលយ៉ាងដិតដល់ បន្ទាប់ពីកម្មករចំណាកស្រុកចំនួន១៧នាក់ បានធ្វើតេស្តិ៍វិជ្ជមានជំងឺកូវីដ១៩។
អ្នកឆ្លងដំបូងគឺជាកម្មករអាយុ២៩ឆ្នាំម្នាក់ មកពីប្រទេសមីយ៉ាន់ម៉ា ដែលបានធ្វើតេស្តកាលពីថ្ងៃទី១៣ខែមីនា។ បន្ទាប់ពីនាងត្រូវបានគេរកឃើញថាមានឆ្លងរោគ, DDC បានទៅធ្វើតេស្តកម្មករចំណាកស្រុកនៅជំរំ Soi Sukhumvit ហើយបានរកឃើញកម្មករឆ្លង១៦នាក់ទៀត ដោយក្នុងនោះមាន មីយ៉ាន់ម៉ា២នាក់ ថៃ៤នាក់និងខ្មែរ១០នាក់។
លោកវេជ្ជបណ្ឌិត Opas បាននិយាយថា “នៅតាមការដ្ឋានសំណង់មានកត្តាហានិភ័យជាច្រើន។ ក្នុងករណីនេះ កម្មករបានរំលោភលើវិធានការទប់ស្កាត់ជំងឺកូវីដ១៩ ដោយពួកគេបានរៀបចំពិធីជប់លៀងផឹកស៊ី”។
ស្របពេលជាមួយគ្នានោះ មជ្ឈមណ្ឌលគ្រប់គ្រងស្ថានភាពជំងឺកូវីដ១៩ (CCSA) បាននិយាយថា ការឆ្លងក្នុងសហគមន៍ចំនួន៤៥ករណី ត្រូវបានកត់ត្រានៅក្នុងមន្ទីរពេទ្យកាលពីថ្ងៃអាទិត្យ ខណៈ៣៦ករណីត្រូវបានរកឃើញតាមរយៈការធ្វើតេស្តទ្រង់ទ្រាយធំ ដែលភាគច្រើនមកពីខេត្ត សាមុតសាខន។
នាពេលបច្ចុប្បន្ននេះ CCSA កំពុងផ្តោតកិច្ចខិតខំប្រឹងប្រែងរបស់ខ្លួនក្នុងការការពារ ការផ្ទុះជំងឺដែលបានចាប់ផ្តើមនៅក្នុងផ្សារ Bang Khae ពីការរីករាលដាលបន្ថែមទៀត ខណៈករណីដែលជាប់ទាក់ទងជាមួយនឹងការផ្ទុះឡើងនេះ ត្រូវបានគេរកឃើញនៅឆ្ងាយរហូតដល់ សុងក្លា និង ស៊ីសាកេត ឯណោះ៕
ប្រែសម្រួលដោយ៖ Vann Vann
ប្រភព៖ Bangkok Post
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»