ព័ត៌មានអន្ដរជាតិ
ហ្វីលីពីន ព្រមានបញ្ឆេះភាពប្រទូសរ៉ាយជាមួយ ចិន ពាក់ព័ន្ធនាវាក្នុងសមុទ្រជម្លោះ
ជំនួយការកំពូលរបស់លោកប្រធានាធិបតី Rodrigo Duterte បានព្រមានថា វត្តមានរបស់នាវាចិននៅឯថ្មប៉ប្រះទឹកដែលមានជម្លោះជាមួយប្រទេសហ្វីលីពីន អាចបញ្ឆេះឲ្យមានភាពប្រទូសរ៉ាយ។
ការព្រមាននេះបានធ្វើឲ្យជម្លោះការទូតកាន់តែក្តៅគគុក ពាក់ព័ន្ធនឹងនាវាដែលរដ្ឋាភិបាលក្រុងម៉ានីល ហៅថាជា “កងជីវពលដែនសមុទ្រ”។
ទូកចិនជាង២០០គ្រឿង ត្រូវបានគេប្រទះឃើញដំបូងកាលពីថ្ងៃទី៧ខែមីនា នៅឯថ្មប៉ប្រះទឹក Whitsun ដែលមានចម្ងាយប្រហែល៣២០គីឡូម៉ែត្រ ភាគខាងលិចកោះ Palawan ក្នុងតំបន់សេដ្ឋកិច្ចផ្តាច់មុខរបស់ហ្វីលីពីន (EEZ)។
ភាគច្រើននៃទូកទាំងនោះ បានធ្វើដំណើរពាសពេញប្រជុំកោះ Spratly ប៉ុន្តែកាលពីសប្តាហ៍មុន នាវាដែលដោតទង់ជាតិចិនរាប់សិបគ្រឿង នៅតែបន្តចតនៅឯថ្មប៉ប្រះទឹកនោះ។ នេះបើយោងតាមការឲ្យដឹងពីយោធាហ្វីលីពីន។
អស់រយៈពេលជាច្រើនសប្តាហ៍មកហើយដែលទីក្រុងម៉ានីល បានអំពាវនាវឲ្យទីក្រុងប៉េកាំងដក “កងជីវពលដែនសមុទ្រ” ទាំងនេះចេញ ដោយនិយាយថា ការលុកលុយរបស់ពួកគេចូលទៅក្នុង EEZ របស់ហ្វីលីពីនគឺជារឿងខុសច្បាប់ ដូចដែលបានកំណត់ដោយតុលាការអាជ្ញាកណ្តាលអន្តរជាតិក្នុងទីក្រុង ឡាអេ។
ប៉ុន្តែប្រទេសចិន ដែលទាមទារស្ទើរតែទាំងស្រុងនៃដែនសមុទ្រសម្បូរទៅដោយធនធាននេះ បានបដិសេធ ដោយទទូចថា ពួកគេជាទូកនេសាទដែលកំពុងជ្រកកោនពីអាកាសធាតុអាក្រក់ហើយត្រូវបានអនុញ្ញាតឲ្យនៅទីនោះ។
យោងតាមអ្នកនាំពាក្យបានឲ្យដឹងថា លោក Duterte បានសម្តែងក្តីព្រួយបារម្ភយ៉ាងខ្លាំងទៅកាន់ឯកអគ្គរដ្ឋទូតចិនចំពោះនាវាទាំងនេះ។
នៅក្នុងសុន្ទរកថាប្រើពាក្យខ្លាំងបំផុតពីការិយាល័យរបស់លោក, មេធាវីជាន់ខ្ពស់របស់លោក Duterte គឺលោក Salvador Panelo បានព្រមានថា “ការលុកលុយទឹកដីបច្ចុប្បន្នរបស់ប្រទេសចិន កំពុងបង្កើតស្នាមប្រឡាក់ដែលមិនគប្បីនៅក្នុងទំនាក់ទំនងរបស់ពួកគេ ហើយអាចបង្កឲ្យមានភាពប្រទូសរ៉ាយ ដែលប្រទេសទាំងពីរមិនចង់បាន”។
នៅក្នុងសេចក្តីថ្លែងការណ៍មួយកាលពីថ្ងៃចន្ទ លោក Panelo បាននិយាយថា “បញ្ហាជម្លោះទឹកដី គួរតែត្រូវបានដោះស្រាយនៅតុចរចាការទូតឬតាមច្បាប់អន្តរជាតិ”។
ទោះបីជាយ៉ាងណាក៏ដោយ ស្ថានទូតចិនប្រចាំនៅទីក្រុងម៉ានីល មិនបានឆ្លើយតបភ្លាមៗចំពោះសំណើសុំការអត្ថាធិប្បាយទេ៕
ប្រែសម្រួលដោយ៖ Vann Vann
ប្រភព៖ Al Jazeera
ចុចអាន៖ ហ្វីលីពីន នឹងបង្កើនវត្តមានកងទ័ពជើងទឹកដើម្បីការពារអ្នកនេសាទក្នុង សមុទ្រចិនខាងត្បូង
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»