មកដឹងចំនួនពលរដ្ឋពុល និងស្លាប់ ដោយសារស្រាស ស្រាថ្នាំត្រឹម១៥ថ្ងៃ
Connect with us
Helistar Cambodia - Helicopter Charter Services

សុខភាព

មកដឹងចំនួនពលរដ្ឋពុល និងស្លាប់ ដោយសារស្រាស ស្រាថ្នាំត្រឹម១៥ថ្ងៃ

បានផុស

នៅ

ភ្នំពេញ៖ ត្រឹមរយៈពេល១៥ថ្ងៃមានប្រជាពលរដ្ឋដែលរងគ្រោះដោយសារពុល ស្រាស ស្រាថ្នាំ ដែលមានលាយសារថាតុមេតាណុលខ្ពស់លើកម្រិតប្រមាណជិត៨០នាក់ក្នុងនោះស្លាប់ចំនួន២២នាក់។ ចំណែក អ្នកបិតស្រា និងលក់ស្រាត្រូវបានសមត្ថកិច្ចបញ្ជួនទៅកាត់ទោសទៅតាមច្បាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍របស់ក្រសួងសុខាភិបាលបានឱ្យដឹងថា ចាប់ពីថ្ងៃទី១០ រហូតដល់ថ្ងៃទី២៤ ខែឧសភាឆ្នាំ២០២១ មានករណីពុលស្រាស ស្រាថ្នាំនៅស្រុកល្វាឯម ខេត្តកណ្តាល និងស្រុកកំពង់ត្រាច ខេត្តកំពត។

ក្នុងនោះករណីពុលស្រាស ចាប់ពីថ្ងៃទី១០ ដល់ថ្ងៃទី២១ ខែឧសភា បានកើតឡើងនៅក្នុងនៅភូមិតាស្គរ និងភូមិក្តីកណ្តាល ឃុំសារិកាកែវ ស្រុកល្វាឯម ខេត្តកណ្តាលបានបណ្តាលឱ្យមនុស្សចំនួន១២នាក់បានស្លាប់ និង៩នាក់សម្រាកពេទ្យដោយសារការបរិភោគស្រាស និងស្រាថ្នាំដែលមានសារធាតុមេតាណុលលើសកម្រិត។

ចំណែកករណីពុល ស្រា ស ស្រាថ្នាំមួយទៀតបានកើតឡើងពីថ្ងៃទី២១ ដល់ល្ងាចថ្ងៃទី២៤ ខែឧសភា ឆ្នាំ២០២១ នៅភូមិធ្នង់ឃុំឫស្សីស្រុកខាងកើត និងភូមិក្ងាប ឃុំស្វាយទងខាងជើង ស្រុកកំពង់ត្រាច ខេត្តកំពត បណ្តាលឱ្យពលរដ្ឋរងគ្រោះចំនួន៥៥នាក់ ស្រី៧នាក់ដែលមានអាយុចាប់ពី១៩ឆ្នាំ ដល់៧០ឆ្នាំ ក្នុងនោះមានអ្នកស្លាប់ចំនួន១០នាក់ ស្រី៣នាក់មានអាយុចាប់ពី៣៧ ដល់៥៨ឆ្នាំ ដោយសារការបរិភោគស្រាស និងស្រាថ្នាំដែលមានសារធាតុមេតាណុលលើសកម្រិតដូចគ្នា។

លោកសាស្ត្រាចារ្យ ម៉មប៊ុនហេង រដ្ឋមន្ត្រីសុខាភិបាលបានមានប្រសាសន៍ថា បើបងប្អូនប្រជាពលរដ្ឋនៅតែបន្តពិសាស្រាស ឬស្រាថ្នាំទាំងនោះទៀត នោះនឹងបណ្ដាលឱ្យប៉ះពាល់ដល់សុខភាពទៅជាឈឺ ឬអាចបាត់បង់ជីវិត ព្រោះថាការពិសាស្រាដែលមានសារធាតុមេណាណុលលើសកម្រិតធ្វើឱ្យអ្នកពិសាមានរោគសញ្ញាដូចជា ឈឺក្បាល ក្អួត ឈឺពោះ វិលមុខ ស្រវាំងភ្នែក សន្លប់ ប្រកាច់ ពិបាកដកដង្ហើម និងអ្នកខ្លះមានសភាពឡេះឡះថប់ដង្ហើមណែនទ្រូងពិបាកដកដង្ហើម រីកប្រស្រីភ្នែកសន្លឹម។

លោករដ្ឋមន្ត្រីបានក្រើនរំលឹកជាច្រើនលើកច្រើនសារមកហើយដល់ប្រជាពលរដ្ឋឱ្យប្រុងប្រយ័ត្នចំពោះការបរិភោគស្រាស ឬស្រាថ្នាំ ពិសេសប្រជាពលរដ្ឋនៅតាមតំបន់ជនបទត្រូវមើលប្រភពផលិតឱ្យបានច្បាស់លាស់ និងមានការទទួលស្គាល់ពីមន្រ្តីជំនាញត្រឹមត្រូវសិនមុនទិញស្រាស ឬស្រាថ្នាំមកបរិភោគដើម្បីជៀសវាងកុំឱ្យមានការពុលស្រាដែលធ្វើឱ្យប៉ះពាល់ដល់សុខភាព ឬអាយុជីវិត៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កូវីដ-១៩២៣ នាទី មុន

ថ្ងៃទី​២២​ខែមិថុនា​នេះ រដ្ឋបាល​ខេត្ត​សៀមរាប រក​ឃើញ​វិជ្ជមាន​កូ​វីដ​១៩​ចំនួន​៣៩​នាក់​ និងករណី​ស្លាប់​ម្នាក់

កូវីដ-១៩៣៣ នាទី មុន

រដ្ឋបាលខេត្ត​កំពង់ឆ្នាំង​ចេញ​សេចក្តី​ជូនដំណឹង​ស្ដីពី​ការ​រក​ឃើញ​អ្នក​វិជ្ជមាន​កូវីដ​ ចំនួន១៥​នាក់ថ្មី​ទៀត

ព័ត៌មានជាតិ៤៧ នាទី មុន

បុរស​ពោះម៉ាយ​ម្នាក់​ ចាប់​កូនស្រី​វ័យ​៦​ឆ្នាំ​សម្រាត​ខោអាវ​ធ្វើអំពើ​អាសអាភាស​យ៉ាង​ព្រៃផ្សៃ​ត្រូវ​នគរបាល​ឃាត់ខ្លួន​

ព័ត៌មានជាតិ៥៧ នាទី មុន

សំណុំរឿងកាប់សម្លាប់​បុរស​ម្នាក់​នៅ​ស្រុក​បាទី ត្រូវ​បាន​ប៉ូលិស​ក្រសួងមហាផ្ទៃ​សហ​ការណ៍​គ្នា​បំបែក​បាន​ហើយ

ព័ត៌មានជាតិ១ ម៉ោង មុន

រថយន្តក្រឡុកស៊ីម៉ងត៍ធុនធំ បើកបុកម៉ូតូសង់ឌ្រ៊ីមពីក្រោយ បណ្តាលអោយស្ត្រីម្នាក់ស្លាប់និងបុរសម្នាក់រងរបួស

Sokha Hotels

ព័ត៌មានពេញនិយម

Helistar Cambodia - Helicopter Charter Services