តិចអត់ដឹង ទឹក​តាសក់​មាន​ប្រយោជន៍​ដល់​សុខភាព​ខ្លាំង
Connect with us
Helistar Cambodia - Helicopter Charter Services

សុខភាព

តិចអត់ដឹង ទឹក​តាសក់​មាន​ប្រយោជន៍​ដល់​សុខភាព​ខ្លាំង

បានផុស

នៅ

តាសក់ ស្ដាប់​ហើយ គ្នា​យើង​គ្រប់​គ្នា​សឹង​តែ​ធ្វើ​ព្រងើយ ព្រោះ​គ្រាន់​តែ​ជា​បន្លែ​មួយ​ប្រភេទ​ប៉ុណ្ណោះ។ ចុះ​ទម្រាំ​ទឹក​តាសក់​ទៀត ដឹង​តែ​អត់​ខ្វល់​មិន​ខាន​ តែ​តាម​វេជ្ជសាស្ត្រ ទឹក​តាសក់មាន​ប្រយោជន៍​ច្រើន​សន្ធឹក​សន្ធាប់​ដល់​សុខភាព​យើង​ទាំង​អស់​គ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១- ជួយរាងកាយមានជាតិទឹកគ្រប់គ្រាន់

Cucumber and mint infused water - Healthier. Happier. Queensland.

ពេល​ខ្លួន​យើង​មាន​ជាតិ​ទឹក​គ្រប់​គ្រាន់ យើង​អាច​រក្សា​កម្ដៅ (សីតុណ្ហភាព) ក្នុង​ខ្លួន​ឲ្យ​មាន​តុល្យភាព ប្រព័ន្ធ​សរសៃ​ឈាម​បេះដូង​មាន​សុខភាព​ល្អ និង​សម្អាត​ជាតិ​ពុល​ក្នុង​ខ្លួន។ មិន​តែ​ប៉ុណ្ណោះ សរីរាង្គ​គ្រឿង​ក្នុង​យើង ​អាច​បំពេញ​មុខងារ​បាន​យ៉ាង​ល្អ​ពេញ​មួយ​ថ្ងៃ។

ឯ​ទឹក​តាសក់​វិញ មាន​លក្ខណៈ​ពិសេស​ច្រើន (រ៉ែ និង​វីតាមីន) ដែល​រក្សា​ខ្លួន​យើង​ឲ្យ​មាន​ជាតិ​ទឹក​គ្រប់​គ្រាន់។ ត្រូវ​ចាំ​ថា ពេល​ធ្វើ​ទឹក​តាសក់ ត្រូវ​ប្រើ​ទឹក​សុទ្ធ ឬ​ទឹក​ស្អាត។ ទឹក​អត់​ល្អ អាច​មាន​មេរោគ។

២- មានវីតាមីន និងរ៉ែសំខាន់ៗ

ទោះ​ទឹក​សំខាន់​ចំពោះ​រាង​កាយ​យើង​ខ្លាំង​ក៏​ដោយ តែ​ទឹក​អត់​មាន​វីតាមីន​ទេ។ ដើម្បី​ឲ្យ​មាន​វីតាមីន និង​រ៉ែ​សំខាន់ៗ​ច្រើន យើង​អាច​ញ៉ាំ​ទឹក​តាសក់​បាន។ បើ​លាយ​ជាមួយ​ផ្លែ​ឈើ​ផ្សេងៗ ទឹក​តាសក់​អាច​ជា​ប្រភព​អង់ទីអុកស៊ីដង់ (ជា​សារធាតុ​ប្រឆាំង​នឹង​ភាព​ចាស់ ប្រឆាំង​រោគ​មហារីក ប្រឆាំង​សាធាតុ​បំផ្លាញ​រាង​កាយ​ផ្សេងៗ) ដ៏​ល្អ។

៣- រក្សាសម្ពាធឈាមល្អ

High blood pressure and how to reduce it - Online First Aid

ដាច់​សរសៃ​ឈាម​ខួរ​ក្បាល គាំង​បេះដូង ឬ​តម្រង​នោម សុទ្ធ​តែ​ជា​ប្រភេទ​ជំងឺ​បំផ្លាញ​យើង​ទាំង​អស់។ ការពារ​កុំ​ឲ្យ​កើត​ជំងឺ​ទាំង​នេះ រក្សា​សម្ពាធ​ឈាម​ឲ្យ​មាន​តុល្យភាព ជា​រឿង​សំខាន់​បំផុត។ ហើយ​វិធី​មួយ​ក្នុង​ចំណោម​វិធី​ជា​ច្រើន​ដើម្បី​បញ្ចុះ​សម្ពាធ​ឈាម គឺ​ផឹក​ទឹក​តាសក់។ នេះ​ក៏​ដោយសារ​បន្លែ​មិន​មាន​ផ្ទុក​ជាតិសូដ្យូម (ជាតិ​ប្រៃ/អំបិល)។

៤- បង្អន់រឿងឃ្លាន

បើ​ឃ្លាន​ផ្ដេសផ្ដាស​ទាំង​មិន​ទាន់​ដល់​ម៉ោង​បាយ​ផង សាក​ផឹក​ទឹក​តាសក់​សិន។ វា​អាច​ជួយ​ទប់​ការ​ឃ្លាន​បាន​មួយ​រយៈ។ ញ៉ាំ​បាយ ឬ​របស់​ផ្ដេសផ្ដាស​គ្មាន​ពេល​វេលា នឹង​ធ្វើ​ឲ្យ​យើង​ឡើង​គីឡូ។

៥- ជួយស្បែក

6 facial massage benefits to ensure you get glowing skin in no time

ចង់​បាន​ស្បែក​កាន់​តែ​ល្អ​ប្រសើរ ទឹក​តាសក់​ក៏​ជា​ជម្រើស​ដ៏​ល្អ​ឥតខ្ចោះ​ដែរ។ ជាតិ​ស៊ីលីកា​ (silica) នៅ​ក្នុង​តាសក់ ធ្វើ​ឲ្យ​ស្បែក​ទន់​រលោង។ សាច់​តាសក់​វិញ ក៏​ជា​ភ្នាក់ងារ​ជួយ​កុំ​ឲ្យ​ស្បែក​រមាស់ ឬ​រំខាន ដោយសារ​មុន​ដែរ។

៦- ជួយសាច់ដុំ

ជាតិ​ស៊ីលីកា​ក្នុង​តាសក់ មិន​គ្រាន់​តែ​ជួយ​ស្បែក​ល្អ​ស្អាត​ប៉ុណ្ណោះ​ទេ ក៏​ជួយ​ដល់​ជាលិកា​សាច់​ដុំ យើង​ផង​ដែរ។ ផឹក​ទឹក​តាសក់​មួយ​កែវ​ក្នុង​មួយ​ថ្ងៃ ជួយ​ដល់​សាច់​ដុំ និង​សុខភាព​ជា​ទូទៅ​របស់​យើង។

៧- មានធាតុអង់ទីអុកស៊ីដង់

សម្បូរ​ដោយ​អង់ទីអុកស៊ីដង់ (ប្រឆាំង​នឹង​ភាព​ចាស់ រោគ​មហារីក និង​សាធាតុ​បំផ្លាញ​រាង​កាយ​ផ្សេងៗ) ត្រសក់​អាច​ជួយ​រាងកាយ​យើង​ប្រឆាំង​រ៉ាឌីកាល់​សេរី​ដែល​បង្ក​ទុក្ខ​ទោស​ដល់​រាង​កាយ។ ឥទ្ធិពល​ជួយ​ឲ្យ​មាន​ជាតិ​ទឹក​គ្រប់​គ្រាន់​របស់​វា ក៏​អាច​ជួយ​សម្អាត​ជាតិ​ពុល​កក​ចាល់​ក្នុង​រាង​កាយ​យើង​ផង​ដែរ។

៨- ប្រឆាំងមហារីក

ទឹក​តាសក់ ជា​ជម្រើស​ដ៏​ល្អ បើ​ចង់​ការពារ​មហា​រីក បើ​ទោះ​វា​មិន​អាច​ជួយ​បាន​ការពារ​បាន​ទាំង​ស្រុង​ក៏​ដោយ។

យើង​គួរ​ផឹក​ទឹក​តាសក់​ក្នុង​អំឡុង​ពេល ១៥-២០ នាទីក្រោយ​​ចម្រាញ់​យក​ទឹក​រួច។ កុំ​ទុក​ត្រូវ​ខ្យល់​យូរ​ ព្រោះ​អាច​ធ្វើ​ឲ្យ​មាន​ប្រតិកម្ម​គីមី និង​បាត់​បង់​ជីវជាតិ។ វិធី​ងាយៗ ​ពុំ​ចាំ​បាច់​កំដៅ​វា​ទេ បើ​អាច​គួរ​លាយ​ជាមួយ​ការ៉ុត ប៉េងប៉ោះ មើម​ស្ពៃ​ក្រហម ដើម្បី​បង្កើន​រសជាតិ។ ភាគ​ច្រើន​គេ​ចូលចិត្ត​លាយ​វា​ជាមួយ​អំបិល និង​ម្រេច​បន្តិច៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ យល់ដឹង! បន្លែនិងផ្លែឈើមិនមែនចេះតែហូបច្រើនតាមចិត្តចង់ ប្រយ័ត្នពិបាកខ្លួនទៅថ្ងៃ មុខ

ចុចអាន៖ ចង់បានសុខភាពល្អ កុំចោលទម្លាប់ទាំង៦នេះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ២៣ នាទី មុន

តារា​សិច​ស៊ី សេង សូ​ណា បញ្ជាក់​អាការៈ​ជំងឺ​ក្រោយ​ឆ្លង​កូ​វីដ​-១៩​បាន​១៨​ថ្ងៃ​

ព័ត៌មានជាតិ១ ម៉ោង មុន

រដ្ឋមន្ត្រី​ក្រសួង​ព័ត៌មាន​ ៖​ ចំពោះ​រាជរដ្ឋាភិបាល​កម្ពុជា​សិទ្ធិ​ទទួល​បាន​ព័ត៌មាន​ជា​សាកល​គឺជា​សិទ្ធិ​មួយ​ដែល​មិន​អាច​ខ្វះ​បាន​នៅ​ក្នុង​សង្គម​ប្រជាធិបតេយ្យ​

ព័ត៌មានជាតិ២ ម៉ោង មុន

កាកបាទក្រហមកម្ពុជា​ខេត្ត​កំពត នាំយក​អំណោយជូន​ប្រជាពលរដ្ឋ​ដែល​ងាយ​រងគ្រោះ​ដោយសារ​កូ​វីដ

ព័ត៌មានជាតិ២ ម៉ោង មុន

តុលាការ​កំពូល​នឹង​កាត់ទោស​លោក​ឡាយ វណ្ណៈ នៅ​ព្រឹកស្អែក​នេះ

នយោបាយ៣ ម៉ោង មុន

លោក កឹម សុខា​ ៖ ក្នុង​រដូវ​កាន់បិណ្ឌ​ឆ្នាំនេះ ជំងឺ​កូ​វីដ​-១៩​នៅតែ​រីក​រាលដាល​គួរ​ឲ្យ​ព្រួយបារម្ភ​

Sokha Hotels

ព័ត៌មានពេញនិយម

Helistar Cambodia - Helicopter Charter Services