Connect with us

សុខភាព

មានចំណុច ៣ ខ្លឹមនេះក្នុងខ្លួន ធានាថាដូសជំរុញ នឹងមានប្រសិទ្ធភាពកាន់តែខ្លាំងក្លាលើសមុន

បានផុស

នៅ

ការចាក់វ៉ាក់សាំងដូសទី ៣ ឬដូសជំរុញ កំពុងដំណើរការចាក់នៅខណ្ឌទាំង ១១ ក្នុងរាជធានីភ្នំពេញ និងសម្រាប់ពលរដ្ឋដែលមានគម្លាតរយៈពេល ៤ ខែ គិតចាប់ពីថ្ងៃចាក់ដូសទី ២ មក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកនៅខណៈនេះ ក៏មានមនុស្ស​ចំនួន​អាច​នៅ​យល់​ច្រឡំ ​មុន ​អំឡុង​ពេល​ និង​ក្រោយ​ចាក់​រួច ដែលជា ៣ ចំណុចខ្លឹម សម្រាប់អ្នកចាក់វ៉ាក់សាំងគ្រប់គ្នា គួរតែត្រូវបានដឹងច្បាស់។

១ មុន​ពេល​ចាក់​វ៉ាក់សាំង

-ទៅ​ជួប​គ្រូពេទ្យ​ ប្រសិន​បើ​អ្នក​មាន​ជំងឺ​ពី​កំណើត ដូចជាអាឡ័កស៊ី​ ឆាប់ប្រតិកម្មនឹងអ្វីមួយជាដើម។

-សម្រាក​ពី​យប់​ឲ្យ​បាន​គ្រប់គ្រាន់។ បើអាចមុនគេង គួរផ្អាកមើលគ្រឿងអេឡិចត្រូនិចមុន ២០ នាទីសិន។

-ប្រសិន​បើ​មាន​វិជ្ជមាន​កូវីត​ សូម​លុប​ចោល​ការ​ចាក់​វ៉ាក់សាំង​ភ្លាមៗ មិន​ថា​ដូស​ទី​ប៉ុន្មាន​ក៏​ដោយ។ ទោះចាក់ក៏រាងកាយមិនដុះអង្គទីគ័រដែរ ប្រសិនបើក្នុងខ្លួនយើងកំពុងផ្ទុកមេរោគ។

-កុំ​ផឹ​ក​ស្រា​ កាហ្វេ ​ឬ​របស់​មាន​ជាតិ​ផ្អែម ​មុន​ពេល​ចាក់​និងក្រោយចាក់មួយអាទិត្យ។

២ អំឡុង​ចាក់​វ៉ាក់សាំង

-ពាក់​ម៉ាស​គ្រប់​ពេល​វេលា ធ្វើ​អនាម័យ​ឬ​លាងដៃ ​បន្ទាប់​ពី​ប៉ះ​ដៃ​ទ្វារ និង​រក្សា​គំលាត​ពីគ្នាជានិច្ច។

-រៀបចំ​ឯកសារ​សម្រាប់​ត្រៀម​ចាក់​វ៉ាក់សាំង​ ដូចជាប័ណ្ណចាក់វ៉ាក់សាំងហើយបើគ្មានប័ណ្ណ សូមជំនួសដោយឯកសារចាក់ដូសទី ១ និង ២ ​និងអត្តសញ្ញាណប័ណ្ណឬសំបុត្រកំណើតជាដើម ។

-ពិនិត្យ​សុខភាព​ខ្លះៗ​ ដូចជា​ប្រាប់​គ្រូពេទ្យ​ពី​អាការ​ប្រចាំ​កាយ ​មុន​ពេល​ទទួល​វ៉ាក់សាំង។ ចៀសវាង​នាំ​ចាក់​ហើយ​មាន​បញ្ហាពេលក្រោយ។

-ពាក់​ម៉ាស​ក្នុង​អំឡុង​ពេល​ចាក់​ឲ្យ​ជាប់​ជានិច្ច។ ហាម​ដោះចេញ ​បើ​ដោះ​គឺ​ក្នុង​ភាព​ចាំបាច់​បំផុត សម្រាប់ហូបទឹកប៉ុណ្ណោះ។

-កាន់​ដប​ទឹក​មួយ​ជាប់​ខ្លួន​ ហើយ​ផឹក​ដើម្បី​ផ្សើម​ដល់​រាងកាយ​កុំ​ឲ្យ​ខះ​ជាតិ​ទឹក។ ការពារការខ្យល់គរ ដួលសន្លប់ក្នុងកាលៈទេសៈផ្សេងៗ។

-អំឡុង​ពេល​ឈរ​តម្រង់​ជួរ​ចាក់​ថ្នាំ​ សុំ​ឈរ​នៅ​ក្រោម​ម្លប់ ​ចៀសវាង​ឲ្យ​បាន​នូវ​ការ​ឈរ​ហាល​ថ្ងៃ។ បើ​អាច​គួរ​មាន​ឆត្រ​តូច​មួយ ​ទុក​ទទូរ​តាម​ខ្លួន​ឬ​មួក​ក៏​បាន។

៣ បន្ទាប់​ពី​ទទួល​បាន​វ៉ាក់សាំង

-សម្រាក​ពី ១៥ ទៅ ៣០ បន្ទាប់ពីចាក់វ៉ាក់សាំង។

-អ្នក​អាច​លេប​ថ្នាំ​ប៉ារ៉ាសេតាម៉ុល​បាន ​ក្នុង​ប្រការ​រាងកាយ​​ក្ដៅខ្លួន ​បើ​សិន​លេប​ថ្នាំ​ឈឺចាប់​ផ្សេង​សូម​ពិគ្រោះ​ជាមួយ​វេជ្ជបណ្ឌិត​ជាមុន​សិន។

-ហាម​ប៉ះ​ដៃ​ដែល​ចាក់​រួច ​ឬ​អេះ​បើ​សិន​រមាស់​នៅ​កន្លែង​ចាក់ ។ បើក្ដៅឬហើមកន្លែងចាក់ សូមប្រញាប់យកកន្សែងត្រជាក់ស្អំថ្មៗ។

ឲ្យតែយើងគ្រប់គ្នាអាចប្រកាន់ខ្ចាប់គោលការណ៍ ៣ ចំណុចខ្លឹមនេះបានល្អ នោះដូសទី៣ឬដូសជំរុញ នឹងកាន់តែមានប្រសិទ្ធភាពខ្លាំងក្លា ជាពីសេសគឺឆាប់ដុះអង់ទីគ័របានពេញលេញមិនខាន។

យ៉ាងណាមិញ ក្រោយអនុវត្តបានចំណុចធំៗនោះហើយ ​កុំ​ភ្លេច​វិធានការ ៣កុំ ៣ការពារ របស់ក្រសួងសុខាភិបាល​ គឺ​លាង​ដៃ​ឲ្យ​ញឹកញាប់​ បាញ់​អាកុល​មុន​ចាប់​កាន់​អ្វីមួយ ពាក់​ម៉ាស​ការពារ​មុខ ​និង​រក្សា​គំលាត​សុវត្ថិភាព​ជានិច្ច​ មិន​ថា​ជួប​អ្នក​ស្គាល់​គ្នា​ពេល​ទៅ​ចាក់​វ៉ាក់សាំង​ឡើយ៕

អត្ថបទ៖ សាង ស្រីល័ក្ខ

ចុចអាន៖មិនថាដូសទីប៉ុន្មាន! មុនចាក់វ៉ាក់សាំងហាមធ្វើរឿងនេះដាច់ខាត ប្រយ័ត្នដួលសន្លប់ភ្លាមៗអំឡុងចាក់

ចុចអាន៖ វ៉ាក់សាំងដូសទី ៣ លើសខ្វះថ្ងៃមិនបញ្ហា តែបើដល់ថ្ងៃចាក់ប្រហែសរឿងអស់នេះ អាចមានផលវិបាកធ្ងន់ធ្ងរ

ចុចអាន៖ករណីមិនទាន់គ្រប់ខែច្រឡំទៅចាក់ដូសទី ៣ វ៉ាក់សាំងពិតជាមានប្រសិទ្ធភាពក្នុងរាងកាយឬអត់?

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

គម្រោងស្ថាបនាផ្លូវក្រវាត់ក្រុងទី៣ គិតរហូតមកទល់ពេលនេះ សម្រេចវឌ្ឍនភាពការងារបាន ៧៣,៧០%ហើយ

KPT+២ ម៉ោង មុន

នេះជាការពិត ដែលពិធីបុណ្យប្រពៃណីឥណ្ឌា មានអ្នកចាក់ទម្លុះម្ជុលពេញដងខ្លួន មិនខ្លាចឈឺ

កីឡា២ ម៉ោង មុន

កីឡាករ​កូនកាត់​ខ្មែរ​អាមេរិក១​រូប​ កំពុង​ត្រូវ​បាន​អ្នក​ស្នេហា​វិស័យ​បាល់ទាត់ ចង់ឃើញ​ចូល​ក្រុម​ជម្រើសជាតិ​កម្ពុជា

ព័ត៌មានជាតិ៣ ម៉ោង មុន

៥​ឆ្នាំ​ចុង​ក្រោយនេះ ខេត្ត​ព្រះសីហនុ​សម្រេចបាន​សមិទ្ធ​ផល គួរ​ជាទី​មោទនៈ ធ្វើ​ឲ្យ​ខេត្ត​មួយ​នេះ ប្រែ​មុខមាត់​កាន់តែ​ល្អ​ប្រសើរ​ឡើង

ព័ត៌មានជាតិ៣ ម៉ោង មុន

តំណាង​បក្ស​ប្រជាជន ជួប​សន្ទនា​ជាមួយ​ប្រតិភូ​សហភាព​អឺរ៉ុប ដើម្បី​ផ្លាស់ប្ដូរ​បទ ពិសោធន៍ នៃ​យុទ្ធនាការ​ឃោសនាបោះឆ្នោត​

Sokha Hotels

ព័ត៌មានពេញនិយម