សុខភាព
មិនថាដូសទីប៉ុន្មាន! មុនចាក់វ៉ាក់សាំងហាមធ្វើរឿងនេះដាច់ខាត ប្រយ័ត្នដួលសន្លប់ភ្លាមៗអំឡុងចាក់
ជាមេរៀនមួយសម្រាប់គ្រប់គ្នាគួរពិចារណា និងត្រូវអនុវត្តឲ្យមែនទែន មុនពេលទៅចាក់វ៉ាក់សាំងប្រឆាំងកូវីដទាំងដូសទី១ ឬ ២ និង ៣ ក៏ដោយ។
ជាក់ស្ដែងកាលពីថ្មីនេះៗ មានតារាស្រីប្រចាំប្រទេសថៃបានដួលសន្លប់ ក្នុងអំឡុងពេលចាក់ដូសទី២។ ចំពោះមូលហេតុនោះ គឺដោយសារតែនាងសម្រាកមិនបានពេញភ្នែក ហើយថែមទាំងឈរក្រោមកម្ដៅថ្ងៃក្ដៅខ្លាំង ទើបធ្វើឲ្យរូបនាងមានអាការញ័រទ្រូង និងបានដួលសន្លប់ភ្លាមៗតែម្ដង ក្រោយចាក់រួច។
នៅក្នុងហេតុការណ៍នេះ ក៏បានព្រមាននិងទុកជាមេរៀនដល់មនុស្សមួយចំនួន ដែលត្រូវចាក់វ៉ាក់សាំងទាំងដូសទី ១ ឬទី ២ និងទី ៣ ឲ្យការពារខ្លួនទុកមុន ប្រការក្រែងដូចជារូបនាងដែរ។ មិនថាយើងរស់នៅប្រទេសកម្ពុជានោះទេ យើងក៏ត្រូវថែទាំសុខភាពឲ្យបានមាំទាំ មុនទៅចាក់វ៉ាក់សាំងតាមការណែនាំរបស់ក្រសួងសុខាភិបាល។
ប្រសិនបើមុនចាក់ថ្នាំយើងមិនបានគេងគ្រប់គ្រាន់ ហើយមានអារម្មណ៍តានតឹងជាប់ នោះអាចបណ្ដាលឲ្យភ័យស្លន់ស្លោ ក្នុងខណៈពេលអង្គុយចុះលើកៅអី យើងអាចគ្មានកម្លាំងទប់ទល់នឹងម្ជុលដែលក្រុមគ្រូពេទ្យចាក់មកលើសាច់។ ជាពិសេសនៅពេលយើងងើបឈរភ្លាម ឬដើរទៅកន្លែងអង្គុយរង់ចាំ អាចឲ្យយើងនៅតក់ស្លុត (ចំពោះអ្នកខ្លាចម្ជុល) ហើយប្រែជាញ័រទ្រូង និងដួលសន្លប់បានដោយងាយ។
ដូច្នេះហើយដើម្បីការពារខ្លួនពីការដួលសន្លប់ ក្នុងពេលកំពុងចាក់វ៉ាក់សាំង សូមអនុវត្តតាមវិធីខាងក្រោមនេះ៖
១ សម្រាកឲ្យបានគ្រប់គ្រាន់ពីព្រលប់ និងក្រោកពីព្រលឹមដើម្បីងើបហាត់ប្រាណ។
២ ហូបវីតាមីន C បំប៉នរាងកាយ ដើម្បីបង្កើតភាពស៊ាំយកឈ្នះលើជំងឺ។ ជាពិសេសដើម្បីឲ្យមានកម្លាំងគ្រប់គ្រាន់ពេលចាក់។
៣ ផឹកទឹកឲ្យបានច្រើនតាមដែលអាចធ្វើទៅបាន។ ហាមផឹកកាហ្វេនិងភេសជ្ជៈមានជាតិផ្អែម ជាតិហ្គាស ឬស្រាមុនពេលចាក់។
៤ អំឡុងពេលឈរតម្រង់ជួរចាក់ថ្នាំ សុំឈរនៅក្រោមម្លប់ ចៀសវាងឲ្យបាននូវការឈរហាលថ្ងៃ។ បើអាចគួរមានឆត្រតូចមួយ ទុកទទូរតាមខ្លួនឬមួកក៏បាន។
៥ កាន់ដបទឹកមួយជាប់ខ្លួន ហើយផឹកដើម្បីផ្សើមដល់រាងកាយកុំឲ្យខះជាតិទឹក។
ជាពិសេសកុំភ្លេចវិធានការ ៣កុំ ៣ការពារ របស់ក្រសួងសុខាភិបាល គឺលាងដៃឲ្យញឹកញាប់ បាញ់អាកុលមុនចាប់កាន់អ្វីមួយ ពាក់ម៉ាសការពារមុខ និងរក្សាគំលាតសុវត្ថិភាពជានិច្ច មិនថាជួបអ្នកស្គាល់គ្នាពេលទៅចាក់វ៉ាក់សាំងឡើយ៕
អត្ថបទ៖ សាង ស្រីល័ក្ខ
ចុចអាន៖ឈប់ខ្លាច! វ៉ាក់សាំងដូសទី ៣ នឹងបង្កើតអង់ទីគ័របានពេញលេញ ដើម្បីវាយបំបែក Delta ឲ្យចៀសឆ្ងាយ
-
ព័ត៌មានជាតិ៤ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ២ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ៣ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ១ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ៥ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន
-
ព័ត៌មានអន្ដរជាតិ៧ ថ្ងៃ agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន
-
ព័ត៌មានអន្ដរជាតិ៦ ថ្ងៃ agoមកពីថៃវិញ សង្ឃ២២អង្គ ត្រូវប៉ូលិសស្រីលង្កា ឃាត់ខ្លួន ជាមួយគ្រឿងញៀនជាង ១០០គីឡូក្រាម
-
ព័ត៌មានជាតិ១ សប្តាហ៍ agoកម្ពុជាឆ្លើយតបចំពោះការដកខ្លួនដោយឯកតោភាគីរបស់ថៃចេញពី MOU-2001 ស្ដីពីតំបន់ដែនសមុទ្រត្រួតគ្នា