សុខភាព

ចេះតែរមាស់ត្រចៀកមិនបាត់ អាចឆ្លងរោគផ្សិតត្រចៀក

បានផុស

៥ years មុន

នៅ

ថ្ងៃចន្ទ ១៣ កញ្ញា ២០២១

ដោយ

ឆ្លងមេរោគផ្សិតនៅត្រចៀក អាចប៉ះពាល់ត្រចៀកផ្នែកខាងក្រៅ។ ការឆ្លងរោគផ្សិតនេះ អាចបណ្ដាលឲ្យអ្នកជំងឺបាត់បង់ការស្ដាប់ ឬខ្សោយការស្ដាប់នៅត្រចៀកដែលមានបញ្ហា និងអាចមានឡើងក្រហម និងឈឺចាប់នៅត្រចៀកនោះផងដែរ។ ពេលឆ្លងផ្សិតនៅត្រចៀក ធ្វើឲ្យយើងមានអារម្មណ៍មិនស្រួលនៅត្រចៀក ទៅតាមស្ថានភាពនៃការបង្ករោគនោះដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រោគសញ្ញានៃការឆ្លងមេរោគត្រចៀកផ្សិត

ខាងក្រោមនេះគឺជារោគសញ្ញាសំខាន់ៗមួយចំនួនកើតមានបើយើងមានបញ្ហាផ្សិតនៅត្រចៀក៖

ត្រចៀកឡើងក្រហម
មានការឈឺចាប់នៅត្រចៀក
រមាស់ត្រចៀក
ណែនក្នុងត្រចៀក
មានសារធាតុរាវខាប់ៗពណ៌លឿងចេញពីត្រចៀក (អាចខ្មៅ ឬស)
បញ្ហានៃការស្ដាប់រួមទាំងការខ្សោយការស្ដាប់

ការឆ្លងរោគផ្សិតនៅត្រចៀក ត្រូវការការពិនិត្យ និងព្យាបាលដោយគ្រូពេទ្យជំនាញ គ្រូពេទ្យក៏ត្រូវដឹងពីប្រវត្តិជំងឺរបស់យើងផងដែរ។ បើសិនជាយើងមានជំងឺទឹកនោមផ្អែម ឬប្រព័ន្ធភាណស៊ាំចុះខ្សោយ យើងទំនងជាងាយនឹងមានបញ្ហាច្រើនជាងអ្នកធម្មតា ពីការរោគផ្សិតនៅត្រចៀក។

២. មូលហេតុបង្ក

ផ្សិតចូលចិត្តបរិស្ថានដែលមានសំណើម ហើយសកម្មភាពមួយចំនួនដូចជាហែលទឹក ធ្វើឲ្យទឹកចូលត្រចៀក ជាមូលហេតុបង្កមួយនាំឲ្យមានឆ្លងរោគផ្សិត។ ដូចក្នាដែរ គ្នាយើងគួរកាត់បន្ថយការប្រើប្រាស់សំឡីត្បាល់ត្រចៀក ព្រោះថាអាចធ្វើឲ្យយើងបាត់បង់អាចម៌ត្រចៀកដែលជារនាំងការពារត្រចៀក ដែលជាហេតុធ្វើឲ្យងាយឆ្លងរោគផ្សិត។

អ្នកមានជំងឺទឹកនោមផ្អែម ជំងឺខ្យោយប្រព័ន្ធភាពស៊ាំ អ្នកមានជំងឺត្រអក និងមានរបួសនៅត្រចៀក ងាយនឹងកើតមានបញ្ហាផ្សិតនៅត្រចៀកនេះដែរ។

៣. រោគវិនិច្ឆ័យ

បើគ្នាយើងមានចេញរោគសញ្ញាដូចបានរៀបរាប់ខាងលើ គួរទៅជួបគ្រូពេទ្យដើម្បីបានធ្វើរោគវិនិច្ឆ័យ និងព្យាបាលត្រឹមត្រូវ។ គ្រូពេទ្យនឹងពិនិត្យត្រចៀក ដោយប្រើឧបករណ៍តូចមួយដើម្បីមើលទៅក្នុងត្រចៀក ដើម្បីបានឃើញច្បាស់រន្ធត្រចៀក និងក្រដាសត្រចៀក។

បើសិនជាត្រចៀកមានហៀរចេញសារធាតុរាវទៀតនោះ គ្រូពេទ្យអាចនឹងយកសំណាកដើម្បីពិនិត្យមើលថាមានបញ្ហាបង្កឡើងដោយផ្សិត ឬបាក់តេរី៕

អត្ថបទផ្ដល់ដោយ៖Hello Krupet

ចុចអាន៖ស្ត្រីចៀសមិនផុតពីការផ្លាស់ប្ដូរ ទ្វារមាស ៤ យ៉ាងនេះ ក្រោយសម្រាលកូនរួច

ចុចអាន៖ចូលចិត្តញុំាទឹកប៉េងប៉ោះ អានអត្ថបទនេះសិន