សុខភាព

កត្តាប្រឈមគ្រោះថ្នាក់ នៃជំងឺបេះដូង១ពីកំណើត!

បានផុស

៥ years មុន

នៅ

ថ្ងៃសៅរ៍ ២ តុលា ២០២១

ដោយ

ជំងឺបេះដូងពីកំណើតជាជំងឺមួយ ដែលកើតញឹកញាប់ជាងគេក្នុងចំណោមជំងឺមិនប្រក្រតីផ្សេងៗទៀតដែលមានអត្រាដល់ទៅ១%។ ភាគច្រើននៃការកើតជំងឺបេះដូងពីកំណើតពុំទាន់មានមូលហេតុណាមួយច្បាស់លាស់ទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១) កត្តាប្រឈមមួយចំនួននៃជំងឺនេះមានដូចជា៖

– ភាពមិនប្រក្រតីរបស់ក្រូមូសូម ឬហ្សែន

– ការប៉ះពាល់នឹងសារធាតុពុលមួយចំនួន

– មានប្រវត្តិដែលមានកូនធ្លាប់មានជំងឺបេះដូង (គួររំលឹកផងដែរថាបើអស់លោកលោកស្រីធ្លាប់មានកូនទីមួយ ដែលមានជំងឺបេះដូងពីកំណើត នោះកូនទី២ឬទី៣របស់អស់លោកលោកស្រី អាចមានអត្រាកើត ជំងឺបេះដូងពីរទៅបីដង ច្រើនជាងអ្នកដែលពុំធ្លាប់មានកូនមានបញ្ហាជំងឺបេះដូងពីកំណើត។

២) ប្រភេទនៃជំងឺបេះដូងពីកំណើត៖

ជំងឺបេះដូងពីកំណើតមានច្រើនប្រភេទដូចជា៖

ក. ជំងឺបេះដូងពីកំណើតដែលមិនឲ្យសម្បុរស្វាយ:

– ប្រហោងបេះដូងថតលើ (ASD)

– ប្រហោងបេះដូងថតក្រោម (VSD)

– សរសៃឈាមបេះដូងចំហ (PDA) …

ខ. ជំងឺបេះដូងពីកំណើតដែលឲ្យសម្បុរស្វាយ:

– សរសៃឈាមបេះដូងបញ្ច្រាស់ (TGA)

– សរសៃឈាមបេះដូងមានតែមួយ (common trunk)

– បេះដូងថតក្រោមមានតែមួយថត (Single ventricle )

– សរសៃឈាមបេះដូងរត់មិនធម្មតា (Total anomalous pulmonary venous return)…

៣) រោគសញ្ញា៖

ចំពោះទារកមានជំងឺបេះដូងពីកំណើតអាចមានរោគសញ្ញា ដូចខាងក្រោម៖

– ទារកមានសម្បុរស្វាយ

– ទារកពិបាកដកដង្ហើម

ទារកមានទម្ងន់ទាបជាងអាយុនៃគភ៌

– ទារកដង្ហក់ពេលបៅ

ប៉ុន្តែពេលខ្លះពុំមានលេចចេញជារោគសញ្ញាគ្លីនិកឲ្យយើងឃើញច្បាស់លាស់ទេ។

គ្រប់ទារកទាំងអស់ដែលកើតនៅមន្ទីរពេទ្យកាល់ម៉ែត ត្រូវបានទទួលការធ្វើអេកូបេះដូងចាប់ពីអាយុ៧២ម៉ោងឡើងទៅ។ ម្យ៉ាងវិញទៀតការធ្វើអេកូបេះដូងទារកពុំមានផលប៉ះពាល់អ្វីដល់សុខភាពទារកឡើយ។

៤) គោលបំណងនៃការធ្វើអេកូបេះដូងក្រោយកើតដើម្បី៖

– រកជំងឺបេះដូងពីកំណើតឲ្យបានឆាប់និងទាន់ពេលវេលា

– ធ្វើការតាមដាននិងព្យាបាល

– ធ្វើការបញ្ជូនទៅមជ្ឈមណ្ឌលបេះដូងកុមារដើម្បីធ្វើការវះកាត់ ឬរង់ចាំធ្វើការវះកាត់ ដោយអាស្រ័យលើស្ថានភាពនៃជំងឺ

ចំពោះករណីជំងឺបេះដូងពីកំណើតធ្ងន់ធ្ងរខ្លាំងដែលបង្កផលវិបាកច្រើនហើយតម្រូវឲ្យមានការវះកាត់ច្រើនដងក្រុមគ្រួសារ តែងតែទទួលបាននូវការពន្យល់ ផ្តល់ប្រឹក្សាពីគ្រូពេទ្យជំនាញអំពីផលវិបាកដែលអាចកើតមានជាយថាហេតុ ដើម្បីឲ្យពួកគាត់ធ្វើការសម្រេចចិត្ត។