ហេតុអ្វី​បាន​ជា​កើត​ជំងឺ​រលាក​សន្លាក់?
Connect with us
Helistar Cambodia - Helicopter Charter Services

សុខភាព

ហេតុអ្វី​បាន​ជា​កើត​ជំងឺ​រលាក​សន្លាក់?

Published

on

ជំងឺ​រលាក​សន្លាក់ (arthritis) មាន​ច្រើន​សណ្ឋាន ប៉ុន្តែ​ជំងឺ​រលាក​សន្លាក់​មួយ​ដែល​គេ​តែង​ជួប​ប្រទះ​ញឹកញាប់ គឺ​ជា​ជំងឺ​មួយ​ដែល​កើតឡើង​ដោយសារ​ការ​លើស​អាស៊ីដ​អ៊ុយរីក​ក្នុង​ឈាម (gouty arthritis due to hyperuricemia)។

ប្រសិន​បើ​យើង​មិន​ព្យាបាល​ឲ្យ​ត្រឹមត្រូវ ទាន់​ពេល​វេលា ជាមួយ​គ្រូពេទ្យ​ជំនាញ​ទេ នោះ​វា​នឹង​បណ្ដាល​ឲ្យ​មាន​ការ​ឈឺចាប់ និង​រំខាន​ដល់​ការ​រស់នៅ និង​ប្រកបរបរ​ប្រចាំថ្ងៃ រហូត​ដល់​ពិការភាព​ក៏​មាន។ គេ​ឃើញ​ភាគច្រើន​ជំងឺ​នេះ​កើត​លើ​មនុស្ស​ប្រុស​ដែល​មានអាយុចន្លោះពី៣០-៤៥ឆ្នាំ (រីឯ មនុស្ស​ស្រី​ច្រើន​កើត​ក្រោយ​អាយុ៥៥ឆ្នាំ)។ ផ្ទុយទៅវិញ មនុស្ស​ទាំងពីរ​ភេទ​ក្រោយ​អាយុ៦៥ឆ្នាំ សុទ្ធ​តែ​អាច​ប្រឈម​នឹង​ជំងឺ​នេះ បើ​មាន​កត្តា​ដូច​រៀបរាប់​ខាងក្រោម។

ក)- កត្តា​ប្រឈម​ដែល​ជំរុញ​ឲ្យ​ងាយ​នឹង​កើត​ជំងឺ​លើស​អាស៊ីដ​អ៊ុយរីក​នេះ​រួមមាន ៖

១. មនុស្ស​លើស​ទម្ងន់

២. អ្នក​ពិសា​ជាតិ​អាល់កុល​ញឹកញាប់ ជាពិសេស ស្រាបៀ ស្រា​វីស្គី ជីន វុលដកា ឫ ស្រារ៉ូម

៣. អ្នក​ញុំា​អាហារ​ច្រើន​លើសកម្រិត ឫ​ពោះ​ទទេ​យូរ​ពេក

៤. អ្នក​ជំងឺ​ខ្សោយ​តម្រងនោម​រ៉ាំរ៉ៃ

៥. អ្នក​ជំងឺ​មាន​សំពាធឈាម​លើស

៦. អ្នក​ចូលចិត្ត​ឧស្សាហ៍​បរិភោគ​សាច់ គ្រឿង​សមុទ្រ​បរិមាណ​ច្រើន

៧. អ្នក​កំពុង​ប្រើ​ថ្នាំ​មួយ​ចំនួន ដែល​នាំ​ទៅ​រក​ការ​លើស​អាស៊ីដ​អ៊ុយរីក​ក្នុង​ឈាម (ដោយ​មិន​បាន​ពិគ្រោះ​ពេទ្យ)

ខ)- រោគសញ្ញា នៃ​ជំងឺ​លើស​អាស៊ីដ​អ៊ុយរីក រួមមាន៖

– នៅ​លើ​ស្បែក និង​នៅ​សន្លាក់ មាន​លេច​ចេញ​ជា​ដុំ​ពកៗ (chronic tophaceous gout)

– នៅ​តម្រងនោម ឃើញ​មាន​ជា​គ្រួស​តម្រងនោម

– សន្លាក់​ដែល​មាន​ការ​ប៉ះពាល់​ខ្លាំង ជា​ពិសេស​គឺ​សន្លាក់ ជង្គង់ កដៃ កជើង និង​មេជើង គឺ​មាន​ជា​លក្ខណៈ ហើម ក្ដៅ ឡើងក្រហម និង​ឈឺចាប់​ខ្លាំង ពិសេស​ស្ដែង​ចេញ​ភ្លាមៗ​ពិបាក​នឹង​ទ្រាំ

គ)- ការ​ធ្វើ​រោគវិនិច្ឆ័យ​និង​ព្យាបាល ៖

បើ​បងប្អូន ប្រជាពលរដ្ឋ មាន​អាការៈ​ដូច​បាន​រៀបរាប់​ខាងលើ សូម​មេត្តា​ជួប​ពិគ្រោះ​ជា​បន្ទាន់​ជាមួយ​គ្រូពេទ្យ​ជំនាញ ដើម្បី​ធ្វើ​រោគវិនិច្ឆ័យ​ឲ្យ​បាន​ច្បាស់លាស់ និង​កំណត់​វិធីសាស្ត្រ​ព្យាបាល តាមដាន​ឲ្យ​បាន​ត្រឹមត្រូវ និង​ទាន់​ពេលវេលា ជៀសវាង​ការ​ប្រើ​ថ្នាំ​ដោយខ្លួនឯង ដែល​អាច​បណ្ដាល​ឲ្យ​មាន​គ្រោះថ្នាក់​ធ្ងន់ធ្ងរ។

បង្ការ​ការ​លើស​អាស៊ីដ​អ៊ុយរីក​ក្នុង​ឈាម គឺ​ការពារ​សន្លាក់​លោក​អ្នក និង​ជា​ពិសេស​គឺ​ការពារ​ប្រព័ន្ធ​តម្រងនោម និង​បេះដូង​របស់​លោកអ្នក៕

អត្ថបទ៖ រស្មី

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ12 mins ago

ជនសង្ស័យ​ម្នាក់​ធ្លាប់​ជាប់គុក​១​ឆ្នាំ​ ចេញ​មក​វិញ​ខ្លាំង​លើស​ដើម​ ត្រូវ​អាវុធហត្ថ​ឃាត់​ខ្លួន​បញ្ជូន​ទៅ​​វិញ

ព័ត៌មានជាតិ51 mins ago

ខេត្ត​ព្រះសីហនុ​ប្រកាស​ផ្លាស់ប្តូរ​មន្ត្រី​សំខាន់ៗ​មួយចំនួន​ដើម្បី​ពង្រឹង​ប្រសិទ្ធភាព​ការងារ​បន្ថែម​ទៀត​

ព័ត៌មានជាតិ1 hour ago

មេប៉ូលិស​ក្រុង​ព្រមាន​ចាត់វិធានការ​តាមច្បាប់​ចំពោះ​ជន​ណា​អុកឡុក ឬ​បង្កបញ្ហា​ពេលធ្វើ​ច​ត្តា​ឡី​ស័ក

ព័ត៌មានជាតិ1 hour ago

រកឃើញឆ្លងកូវីដម្នាក់ទៀតនៅព្រះសីហនុ បិទទីតាំងសណ្ឋាគារ អេស អេស

ព័ត៌មានជាតិ2 hours ago

ធ្លាប់​លឺ​ទេ ? សត្វ​ជ្រូកព្រៃ​ខ្វេះ​មនុស្ស​ឲ្យ​ស្លាប់ ពេលនេះ​ប៉ះ​ហើយ !

Sokha Hotels

ព័ត៌មានពេញនិយម

Helistar Cambodia - Helicopter Charter Services