គន្លឹះ​ទាំង​ដប់ ដើម្បី​សុខភាព​ល្អ និង​អាយុ​វែង​!
Connect with us
Helistar Cambodia - Helicopter Charter Services

សុខភាព

គន្លឹះ​ទាំង​ដប់ ដើម្បី​សុខភាព​ល្អ និង​អាយុ​វែង​!

Published

on

​នៅ​លើ​ពិភពលោក​យើង​នេះ ​មិន​ថា​ខ្ញុំ ឬ​អ្នក តែងតែ​ប្រាថ្នា​ចង់បាន​សុខភាព​ល្អ និង​មាន​អាយុ​យឺនយូរ​ក្នុង​ការ​រស់នៅ​។ ប៉ុន្តែ​សួ​ថា តើ​គួរ​ធ្វើ​ដូច​ម្ដេច ដើម្បី​ទទួល​បាន​សុខភាព​ល្អ និង​មាន​អាយុ​វែង​? ដូច្នេះ​ថ្ងៃនេះ យើងខ្ញុំ​សូម​លើក​យក​គន្លឹះ​មួយ​ចំនួន មក​បង្ហាញ​ជូន​៖

១) ពិសា​អាហារ​ ដែល​មាន​សុខ​ភាព​ល្អ​ដូចជា​

– អាហារ​ដែល​សម្បូរ​ដោយ​ជាតិ​សរសៃ ឲ្យ​ញឹកញាប់​

– សាច់​ត្រី​ឲ្យ​បាន​ច្រើនដង​ក្នុង​មួយ​អាទិត្យ និង​បន្ថយ​សាច់​ក្រហម គ្រឿង​សមុទ្រ​

– បន្លែ ផ្លែឈើ​ឲ្យ​បាន​ច្រើន (​ប្រមាណ ៣​ទៅ​៤​ខាំ​ក្នុង​មួយថ្ងៃ​)

– ពិសា​ផ្លែឈើ​ស្រស់​ជំនួស​បង្អែម​

– ពិសា​ទឹក​ឲ្យ​បាន​ច្រើន ជៀសវាង​ភេសជ្ជៈ​កំប៉ុង​ផ្អែមៗ​

– អ្នក​មិន​គួរ​ពិសា​អាហារ​ណា​ ដែល​សម្បូរ​ជាតិ​ខ្លាញ់ និង​អាហារ​ដែល​ប្រៃ​ពេក​

២) គ្រប់គ្រង​ទម្ងន់

​ទម្ងន់​ក៏​ជា​បញ្ហា​មួយ​សម្រាប់​សុខភាព​យើង​ដែរ ប្រសិនបើ​អ្នក​លើស​ខ្លាំង​។ ដើម្បី​ចង់​ដឹង​ថា ​ទម្ងន់​អ្នក​ស្ថិត​ក្នុង​សុខភាព​ល្អ ឬ​មិនល្អ​សូម​គណនា​តាម​រូបមន្ត​ខាងក្រោម​

– គណនា​សន្ទស្សន៍​នៃ​ទម្ងន់​អ្នក = ទម្ងន់​អ្នក​(Kg) / កម្ពស់​*​កម្ពស់​(m2)

• ទម្ងន់​មិន​គ្រប់​ឬ​តិច​ជាង ១៨,៥ គីឡូក្រាម​ក្នុង​មួយ​ម៉ែត្រការ៉េ​

• ទម្ងន់​ល្អ​សម្រាប់​សុខភាព​នៅ​ចន្លោះ ១៨,៥ ទៅ ២៣,៩ គីឡូក្រាម​ក្នុង​មួយ​ម៉ែត​ការ៉េ​

• លើស​ទម្ងន់ ២៤ ទៅ ២៦,៩​គីឡូក្រាម​ក្នុង​មួយ​ម៉ែត្រការ៉េ​

• លើស​ទម្ងន់​ខ្លាំង ២៧ គីឡូក្រាម​ក្នុង​មួយ​ម៉ែត្រការ៉េ​ឡើង​ទៅ​

៣) ការ​សម្រាន្ត

លោកអ្នក​ត្រូវ​សម្រាន្ត​ឲ្យ​បាន​យ៉ាង​តិច​ណាស់ ៧ ទៅ ៨​ម៉ោង​ក្នុង​មួយ​យប់​

៤) កាត់បន្ថយ​អារម្មណ៍​តប់ប្រមល់ ព្យាយាម​បន្ធូរ​អារម្មណ៍ និង​កុំ​គិត​ច្រើន​

៥) ព្យាយាម​រក្សា​សម្ពាធ​ឈាម​របស់​អ្នក

​សម្ពាធ​ឈាម​ដែល​ល្អ​ គឺ​ត្រូវ​ទាប​ជាង ១៤០/៩០mm Hg ។ បើ​លោកអ្នក​លើស​សម្ពាធ​ឈាម អ្នក​ត្រូវ​កែប្រែ​ទម្លាប់​រស់នៅ​ប្រចាំថ្ងៃ ពិសា​ថ្នាំ​ឲ្យ​បាន​ទៀងទាត់ និង​ត្រូវ​ស្តាប់​តាម​ការណែនាំ​របស់​គ្រូពេទ្យ​ជំនាញ​។​

៦) ព្យាយាម​រក្សា​មធ្យមភាគ​កម្រិត​ជាតិ​ស្ករ

​អ្នក​ត្រូវតែ​ព្យាយាម​រក្សា​មធ្យមភាគ​រក្សា​កម្រិត​ជាតិ​ស្ករ ក្នុង​ឈាម​ពេល ៣​ខែ (HbA1c < 5.7%) បើ​អ្នក​គ្មាន​ជំងឺ​ទឹកនោមផ្អែម​។ បើ​អ្នកមាន​ជំងឺ​ទឹកនោមផ្អែម និង​កំពុង​ទទួល​ការ​ព្យាបាល ត្រូវ​ស្តាប់​តាម​ការណែនាំ​របស់​គ្រូពេទ្យ​ជំនាញ​។​

៧) ឈប់​ពិសា​បារី

​ការ​ជក់បារី ជា​កត្តា​គ្រោះថ្នាក់​មួយ​នៃ​ជំងឺ​បេះដូង និង​សរសៃឈាម ដូចជា​ជំងឺ​ដាច់​សរសៃឈាម​ខួរ​ក្បាល និង​ស្លាប់​សាច់ដុំ​បេះដូង​។ ដូច្នេះ អ្នក​គួរ​ឈប់​ជក់បារី​។​

៨) មិន​ពិសា​គ្រឿង​ស្រវឹង ឬ​កាត់បន្ថយ​ដោយ​ពិសា​ក្នុង​កម្រិត​ល្មម

​កម្រិត​ដែល​អាច​ពិ​សា​បាន​ក្នុង​មួយថ្ងៃ​គឺ​

– សម្រាប់​បុរស អាច​ពិសា​ស្រា​បៀ ៥០០ មល​(mL) ឬ​ស្រា ២០០ មល​(mL)​ក្នុង​មួយថ្ងៃ​

– សម្រាប់​ស្ត្រី អាច​ពិសា​ស្រា​បៀ ២០០ មល​(mL) ឬ​ស្រា ១០០ មល​(mL)​ក្នុង​មួយថ្ងៃ​

៩) ការហាត់​ប្រាណ

​អ្នក​ត្រូវ​ធ្វើ​លំ​ហាត់ប្រាណ​ដូចជា ដើរ រត់​តិចៗ រាំ​តាម​ចង្វាក់ភ្លេង ឬ​តាម​វិធី​ផ្សេងៗ ឲ្យ​បាន ៣០ ទៅ​៦០​នាទី ក្នុង​មួយថ្ងៃ និង​ឲ្យ​បាន​យ៉ាងហោចណាស់ ៥​ថ្ងៃ​ក្នុង​មួយ​អាទិត្យ​។​

១០) ត្រួតពិនិត្យ​សុខភាព​ឲ្យ​បាន​ទៀងទាត់

​ត្រួតពិនិត្យ​សុខភាព​ឲ្យ​បាន​ទៀងទាត់ ជា​គន្លឹះ​សំខាន់​ក្នុង​ចំណោម​វិធីសាស្ត្រ​ខាងលើ ដើម្បី​ទទួល​បាន​សុខភាព​ល្អ និង​អាយុ​វែង​។ ដូច្នេះ អ្នក​ត្រូវ​ពិនិត្យ​សុខភាព​ឲ្យ​បាន​ទៀងទាត់ ជាមួយ​គ្រូពេទ្យ​ជំនាញ ដើម្បី​ទទួល​បាន​ការ​ព្រឹក្សា​យោបល់ និង​វិធីសាស្ត្រ​ល្អៗ​ជាង​នេះ នៅ​មន្ទីរពេទ្យ​កាល់ម៉ែត​៕

អត្ថបទ៖ ​រស្មី

សូមចុចអាន៖ ​អ្វី​ទៅជា​ផល​ប៉ះពាល់​នៃ​ដុំ​ស្បូន​ដល់​ស្ត្រី​មាន​ផ្ទៃពោះ និង​គភ៌

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ11 mins ago

ពីក្រោយ​រឿង​ប្លន់​ប្រដាប់​អាវុធ​មួយ​លាន​ដុល្លារ និង​តម្រុយ​ថ្មីៗ​

ព័ត៌មានអន្ដរជាតិ1 hour ago

ចិន​នឹង​ចេញ​ផ្សាយ​របាយការណ៍​ស្តីពី​ការ​រំលោភ​សិទ្ធិ​មនុស្ស​នៅ​អាមេរិក

ព័ត៌មានជាតិ2 hours ago

អភិបាល​រាជធានី ឧបត្ថម្ភ​ថ​វិកា​​២០លានរៀលដល់​កម្លាំង​អាវុធហត្ថ ក្នុង​ព្រឹត្តិការ​ណ៏​បង្ក្រាប​ក្រុម​ឧក្រិដ្ឋជន នៅ​បុរី​អង្គរ​ភ្នំពេញ​

ព័ត៌មានជាតិ2 hours ago

ចប់​ហើយ ! តុលាការ​កាត់ទោស សម រ​ង្ស៉ី ដាក់​នាគារ​២៥​ឆ្នាំ និង​ដកហូត​សិទ្ធិ​បោះឆ្នោត សិទ្ធិ​ឈរឈ្មោះ​

ព័ត៌មានជាតិ2 hours ago

ស្ទឹង​មង្គល​បូរី នៅខេត្ត​បន្ទាយ​មានជ័យ​ នៅរដូវ​ប្រាំង​នេះ​ រីង​ស្ងួត​គ្មានទឹក​សូម្បីមួយតំណក់

Sokha Hotels

ព័ត៌មានពេញនិយម

Helistar Cambodia - Helicopter Charter Services