កូវីដមិនទាន់ទៅណា! ប្រសិនមានសមាជិក​ក្នុងផ្ទះ​ឆ្លងជំងឺ ត្រូវការពារដោយវិធីទាំងនេះ

វីរុសកូវីដ-១៩ នៅតែបន្តឆ្លងរាលដាលក្នុងសហគមន៍ ពុំទាន់ស្រាកស្រាន្ត។ គ្រប់គ្នាសុទ្ធតែកំពុងប្រឈមហានិភ័យនៃការចម្លងពីមេរោគ សូម្បីតែក្មេងតូចៗមិនថាអាយុតិច ឫច្រេីននោះឡេីយ។

ដូច្នេះ ប្រសិនបេីមិនបានយកចិត្តទុកដាក់អនុវត្តហ្មត់ចត់នូវវិធានការ “៣ការពារ និង ៣កុំ” និងចាក់វ៉ាក់សាំង បូករួមទាំងការនៅផ្ទះជាបណ្តោះអាសន្នសិន នោះអាយុជីវិតបុគ្គលណាម្នាក់ ឫអាចមានច្រេីននាក់ នឹងត្រូវឆក់យកដោយសារតែជំងឺកូវីដ-១៩ ពុំខានទេ។

ចុះបើយើងបានប្រុងប្រយ័ត្នហើយ ប៉ុន្តែធ្លោយតែមានសមាជិកណាម្នាក់ត្រូវបានឆ្លងរោគ តើអ្នកផ្ទះទាំងអស់គួរធ្វើបែបណាដើម្បីបង្ការការចម្លង?

• ត្រូវ​លាង​សម្អាត​ដៃ​ជាមួយ​សាប៊ូ នឹង​ទឹក​ស្អាតឱ្យបាន​ញឹក​ញាប់ ពិសេស ក្រោយ​ក្អក ឬ​កណ្ដាស់ មុន​ពេល អំឡុង​ពេល និង​ក្រោយ​រៀប​ចំ​ចម្អិន​អាហារ មុន​ពេល​ញ៉ាំ​បាយ ក្រោយ​ប្រើ​បង្គន់​រួច ពេល​ដៃ​កខ្វក់ ឬ​ប្រឡាក់

• ត្រូវ​ពាក់​ម៉ាសជាប់​ជា​ប្រចាំ​ក្នុង​ផ្ទះ
• ចៀសវាង​ការ​ប៉ះពាល់​មិន​ចាំ​បាច់ជាមួយ​អ្នក​ជំងឺ
• មិន​ត្រូវ​ប្រើ​របស់​រួច​គ្នា​ជាមួយ​អ្នក​ជំងឺ​ដូច​ស្លាប​ព្រា កន្សែង។ល។
• តាម​ដាន​សុខភាព​សមាជិក​គ្រប់​គ្នា ដើម្បី​រក​រោគ​សញ្ញា​ដូច​ជា ក្ដៅ​ខ្លួន ក្អក
• បើ​អាការៈ​ពិបាក​ដក​ដង្ហើម ត្រូវ​ទូរស័ព្ទ​ទៅ​មន្ទីរពេទ្យ ឬលេខ ១១៥ ​ជា​បន្ទាន់៕

អត្ថបទ៖ សន្យា

ប្រភព៖ ក្រសួងសុខាភិបាល

ចុចអាន៖ វិធានការការពារ​ប្រជាពលរដ្ឋមិន​ឱ្យឆ្លងជំងឺកូវីដ-១៩ នៅពេលទៅចាក់វ៉ាក់សាំង

ចុចអាន៖ លោកជំទាវ ឱ វណ្ឌឌីន៖​ អាយុជីវិត​បុគ្គល​ជាច្រើន​នាក់ នឹងត្រូវ​ឆក់យក ដោយជំងឺ​កូវីដ​១៩ យ៉ាង​​​ងាយស្រួល ប្រសិន​គ្មានការ​ប្រុង​ប្រយ័ត្ន