ព័ត៌មានជាតិ
អ្នកនាំពាក្យ៖ការបិទខ្ទប់ភ្នំពេញនិងតាខ្មៅ មួយសប្តាហ៍ទៀតអាចត្រូវបញ្ចប់ឬបន្តអាស្រ័យលើការចូលរួមរបស់ប្រជាពលរដ្ឋ
បន្ទាប់ពីការបិទខ្ទប់អស់រយៈពេល ២ សប្តាហ៍ នៅរាជធានីភ្នំពេញ និងក្រុងតាខ្មៅនៃខេត្តកណ្តាល ក្នុងគោលបំណងទប់ស្កាត់ការឆ្លងរាលដាលនៃជំងឺកូវីដ ១៩។
រាជរដ្ឋាភិបាលបានសម្រេចបន្តការបិទខ្ទប់នេះរយៈពេល ១ សប្តាហ៍ទៀតដោយហេតុថាការឆ្លងនៃជំងឺនេះមិនទាន់មានភាពស្រាកស្រាន្តនៅឡើយ។
ពាក់ព័ន្ធបញ្ហានេះ លោក គឹម សន្តិភាព អ្នកនាំពាក្យក្រសួងយុត្តិធម៌នៅព្រឹកថ្ងៃទី ២៨ មេសានេះ បានអះអាងថាការបិទខ្ទប់បន្ត មួយសប្តាហ៍ទៀតនេះអាចបញ្ចប់តាមការគ្រោងទុកឬត្រូវបន្តជាថ្មីម្តងទៀនោះ គឺអាស្រ័យទៅលើការចូលរួមរបស់ពលរដ្ឋនិងស្ថានភាពថយចុះនៃការឆ្លងកូវីដ១៩។
លោក គឹម សន្តិភាព បានពន្យល់ពីមូលហេតុនៃការបន្តបិទខ្ទប់មួយសប្តាហ៍បន្ថែមទៀតសម្រាប់រាជធានីភ្នំពេញនិងក្រុងតាខ្មៅ ដោយលោកអះអាងថាការបិទខ្ទប់រយៈពេល ២ សប្តាហ៍កន្លងមកនេះបានកាត់ផ្តាច់ការចម្លងជាចង្កោមពីតំបន់មួយទៅតំបន់មួយ។
លោក គឹម សន្និភាព បានសង្កត់ធ្ងន់ថា៖ «នៅពេលដែលប្រជាពលរដ្ឋលោកនៅក្នុងផ្ទះ ហើយពលរដ្ឋរូបណាលោកមានសញ្ញាវិជ្ជមានកូវីដ ១៩ យ៉ាងណាច្រើនបំផុតគឺឆ្លងតែក្នុងកម្រិតគ្រួសារតែមួយទេគឺមិនមានការរីករាលដាលទៅចម្លងជាចង្កោមនៅតាមតំបន់ផ្សេងនោះទេ»។
រាជរដ្ឋាភិបាលកម្ពុជាបានសម្រេចបិទខ្ទប់រាជធានីភ្នំពេញនិងក្រុងតាខ្មៅ ខេត្តកណ្តាលរយៈពេល ១ សប្តាហ៍បន្ថែមទៀត ដើម្បីទប់ស្កាត់ការឆ្លងរាលដាលជំងឺកូវីដ១៩ រហូតដល់ថ្ងៃទី ០៥ ខែឧសភា ឆ្នាំ ២០២១ បន្ទាប់ពីបានប្រកាសបិទខ្ទប់រយៈពេល ២ សប្តាហ៍ កាលពីថ្ងៃទី ១៥ ខែមេសា។
គួរបញ្ជាក់ថារាជរដ្ឋាភិបាលកម្ពុជាបានសម្រេចបន្តរយៈពេលបិទខ្ទប់រាជធានីភ្នំពេញនិងក្រុងតាខ្មៅនៃខេត្តកណ្តាល ១ សប្តាហ៍ទៀតចាប់ពីម៉ោងសូន្យចូលថ្ងៃទី ២៩ ខែមេសា រហូតថ្ងៃទី០៥ ខែឧសភា ឆ្នាំ២០២១ បន្ទាប់ពីបានប្រកាសបិទខ្ទប់រយៈពេល ២ សប្តាហ៍កាលពីថ្ងៃទី ១៥ ខែមេសា។
ប៉ុន្តែនៅក្នុងការបន្តបិទខ្ទប់នេះរាជរដ្ឋាភិបាលកម្ពុជា បានសម្រេចកំណត់ចេញពី៣តំបន់គឺតំបន់ក្រហម តំបន់លឿងទុំ និងតំបន់លឿង៕ដោយ៖ ណារី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង