​ផ្លូវ​កាត់​ថ្មី​មួយ​ទៀត​ សង់​​រួចជិត ៨០ ភាគរយ លាតសន្ធឹង​តាម​បណ្តោយ​ឆ្នេរសមុទ្រ ​ភ្ជាប់​ពី​ស្រុក​​គិរីសាគរ ដល់​​ក្រុង​កោះកុង​​
Connect with us
Helistar Cambodia - Helicopter Charter Services

ព័ត៌មានជាតិ

​ផ្លូវ​កាត់​ថ្មី​មួយ​ទៀត​ សង់​​រួចជិត ៨០ ភាគរយ លាតសន្ធឹង​តាម​បណ្តោយ​ឆ្នេរសមុទ្រ ​ភ្ជាប់​ពី​ស្រុក​​គិរីសាគរ ដល់​​ក្រុង​កោះកុង​​

បានផុស

នៅ

​លោក សុខ សុ​ទ្ធី អភិបាលរង​ខេត្តកោះកុង​បាន​ថ្លែងប្រាប់​កម្ពុជា​ថ្មី នៅ​ថ្ងៃទី​២៥ ខែឧសភា ឆ្នាំ ២០២១​នេះ​ថា ផ្លូវ​មួយ​ខ្សែ​ដែលមាន​ឈ្មោះថា “​ផ្លូវលំ​ជនបទ​ភ្ជាប់​និស្ស័យ​សម័យ​កូ​វីដ​មរតក​តេ​ជោ ហ៊ុន សែន​” ដែល​កំពុង​សាងសង់​នៅ​ខេត្តកោះកុង​នេះ ពិតជា​មាន​សារៈ​ប្រ​យោ​ជ​ន៍ណាស់​សម្រាប់​ប្រជាពលរដ្ឋ ហើយក៏​ជា​ប្រវត្តិសាស្ត្រ​ផងដែរ ដែល​ផ្លូវ​មួយ​នេះ​បាន​កើតឡើង​នៅក្នុង​សម័យ​តេ​ជោ ហ៊ុន សែន ដែលជា​សម័យ​សន្តិភាព​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាម​លោក សុខ សុ​ទ្ធី “​ផ្លូវលំ​ជនបទ​ភ្ជាប់​និស្ស័យ​សម័យ​កូ​វីដ មរតក​តេ​ជោ ហ៊ុន សែន​” នេះ មកដល់ពេលនេះ សាងសង់​បាន​ប្រមាណ​៧០​ភាគរយ​ហើយ នឹង​បញ្ចប់​ការសាងសង់​នៅ​ប៉ុន្មាន​ខែ​ខាងមុខនេះ ប៉ុន្តែ​នៅ​ស្ពាន​មិនទាន់​សាងសង់​រួច​ទេ ដែល​ត្រូវការ​ពេលវេលា​ខ្លះទៀត ទើប​អាច​បញ្ចប់​បាន តែ​ទោះជា​យ៉ាងណា ប្រជាពលរដ្ឋ​អាចធ្វើ​ដំណើរ​បាន​។

បើតាម​លោក​អភិបាលរង ស្ពាន​ដែល​ត្រូវ​សាងសង់​នៅតាម​បណ្តោយ​ផ្លូវ​នេះ​មាន​ចំនួន​៥ កន្លែង ដែលមាន​ប្រវែង​សរុប​ប្រមាណ​ជាង​៣​ពាន់​ម៉ែត្រ ឬ​ជាង​៣​គីឡូម៉ែត្រ ដែល​ត្រូវ​សាងសង់​កាត់​ព្រែក កាត់​អូរ និង​ដៃសមុទ្រ​ជាដើម ហើយ​​ស្ពាន​ខ្លះ​មាន​ប្រវែង​១​គីឡូម៉ែត្រ ខ្លះ​កន្លះ​គីឡូម៉ែត្រ​។ លោក​បន្តថា ផ្លូវ​នេះ​មាន​បណ្ដោយ​ជិត​៣៤ គីឡូម៉ែត្រ និង​មាន​ទទឹង​០៩​ម៉ែត្រ ហើយ​ជំហាន​ដំបូង ផ្លូវ​នេះ​ធ្វើបាន​ត្រឹម​ក្រាល​គ្រួស​ក្រហម​ប៉ុណ្ណោះ មិនទាន់បាន​ក្រាល​កៅស៊ូ​នោះទេ​។​

លោក សុខ សុ​ទ្ធី បាន​បញ្ជាក់ដែរថា ការសាងសង់​ផ្លូវ​មួយ​នេះ គឺជា​ប្រវត្តិសាស្ត្រ​ហើយ ពីព្រោះ​កន្លងមក ពី​ដូនតា​មក​​មិន​ដែលមាន​ផ្លូវ​នៅទីនេះ​ទេ​។ ជាមួយគ្នា​នោះ​លោក​បាន​អរគុណ​ចំពោះ​សម្ដេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា និង​លោក​ឧកញ៉ា លី យ៉ុង​ផាត់ ដែល​បាន​ផ្ដួចផ្ដើម​គំនិត និង​ផ្ដល់​ថវិកា​សាងសង់​ផ្លូវ​ដ៏​មាន​សារសំខាន់​នេះ ដើម្បី​ជា​ផល​ប្រ​យោ​ជ​ន៏​ដ៏​ធំធេង​សម្រាប់​ប្រជាពលរដ្ឋ​។ លោក​ថា ផ្លូវ​ខាងលើនេះ បាន​បំបែក​ចេញពី​ចំណុច​ផ្លូវ​លេខ​៤៨​។​

ក្នុងនាម​អាជ្ញាធរ​ដែនដី លោក សុខ សុ​ទ្ធី អះអាងថា នៅពេល​ផ្លូវ​នេះ​សាងសង់​រួច បានផ្ដល់​សារៈប្រយោជន៍​ច្រើនណាស់​ដល់​ប្រជាពលរដ្ឋ​ទូទាំង​ខេត្ត ក៏ដូចជា​ទូទាំងប្រទេស ពីព្រោះ​ផ្លូវ​នោះបាន​ត​ភ្ជាប់​ពី​តំបន់​មួយ ទៅ​តំបន់​មួយទៀត ជាពិសេស​ពី​តំបន់​ដាច់ស្រយាល ដែល​កន្លងមក​ប្រជាពលរដ្ឋ​នៅ​តំបន់​ទាំងអស់នោះ ដូចជា​នៅ​ឃុំ​ជ្រោយ​ត្រស់ ឃុំ​ព្រែក​ខ្សាច់ ក៏ដូចជា​ឃុំ​ពាក់ព័ន្ធ​មួយចំនួន​នៅ​ផ្លូវ​នេះ ធ្វើដំណើរ​ដោយ​ទូក តែ​ឥឡូវនេះ​យើង​មាន​ផ្លូវ ដែល​ចំណាយ​ពេលវេលា​ខ្លី ធ្វើ​ឲ្យ​មាន​ភាពងាយស្រួល​ដល់​ការដោះដូរ​ផលិតផល ក៏ដូចជា​ការធ្វើដំណើរ​ទៅកាន់​មន្ទីរពេទ្យ និង​សាលារៀន ជាដើម បាន​ឆាប់រហ័ស​។​

ទាក់ទង​ការសាងសង់​ផ្លូវ​មួយ​នេះដែរ លោក​ឧ​ត្ត​ម​សេនីយ៍​ទោ វង្ស សំអាត អគ្គមេបញ្ជាការ​រង​ក​ង​វិស្វកម្ម ធ្លាប់បាន​បញ្ជាក់ប្រាប់​អ្នកសារព័ត៌មាន​ថា ផ្លូវ​ថ្មី​ឈ្មោះថា “​ផ្លូវលំ​ជនបទ​ភ្ជាប់​និស្ស័យ​សម័យ​កូ​វីដ​មរតក​តេ​ជោ ហ៊ុន សែន​” នៅ​ខេត្តកោះកុង​នេះ គឺជា​អំណោយ​ដ៏​ថៃ្ល​ថ្លា​របស់​សម្តេច​អគ្គមហាសេនាបតី​តេ​ជោ ហ៊ុន សែន ជូន​ប្រជាពលរដ្ឋ​ខេត្តកោះកុង ដែល​ត​ភ្ជាប់​ស្រុក​មណ្ឌល​សី​ម៉ា ទៅកាន់​ស្រុក​គិរីសាគរ និង​ក្រុង​ខេមរភូមិន្ទ ដោយ​លាតសន្ធឹង​តាម​បណ្តោយ​ឆ្នេរសមុទ្រ ដែលមាន​ឆ្នេរ​ខ្សាច់​ស​ស្អាត ទឹកថ្លា​ឈ្វេង ព័ទ្ធ​ទៅដោយ​ភ្នំ មាន​ព្រៃឈើ​ខៀវ ស្រងាត់ ។ លោក​បាន​បន្តថា គម្រោង​ផ្លូវលំ​ជនបទ​នេះ រត់តាម​ឆ្នេរ សមុទ្រ​នៃ​ខេត្តកោះកុង​ដែលមាន​ទទឹង​៩ ម៉ែត្រ និង​បណ្ដោយ​ជាង​៣៨ គីឡូម៉ែត្រ និង​សាងសង់​ស្ពាន​ឆ្លងកាត់​ដៃសមុទ្រ​ចំនួន​៥ ដែលមាន​ប្រវែង​ជាង​៤ គីឡូម៉ែត្រ​។​

បើតាម​លោក​ឧ​ត្ត​ម​សេនីយ៍​ទោ វង្ស សំអាត ការស្ថាបនា​ផ្លូវលំ​នេះ​ឡើង មិន​ត្រឹមតែ​ត​ភ្ជាប់​រវាង ប្រជាជន និង​ប្រជាជន​នោះទេ តែ​គឺជា​ការតភ្ជាប់​តំបន់​ទីប្រជុំជន​ទៅកាន់​តំបន់​ដាច់ស្រយាល​មួយ ដែល​មិនសូវមាន​ប្រជាជន​ទៅដល់​។ លោក​ថា ផ្លូវ​ថ្មី​នេះ ចាប់​ចេញពី​ចំណុច PK0 នៅ​វត្ត​តា​ចា​ត រហូត​ឆ្លងកាត់​ស្រុក​ចំនួន​៣​។ ដូច្នេះ​នៅពេល​ផ្លូវ​នេះ​កើតឡើង ប្រជាជន​ខ្មែរ​ទូទាំងប្រទេស​អាចម​ក​កម្សាន្ត កន្លែង​ទេសចរណ៍​ថ្មី​មួយទៀត ដែល​សម្តេច​តេ​ជោ ហ៊ុន សែន មាន​ចក្ខុវិស័យ​ច្បាស់លាស់​អភិវឌ្ឍន៍ ដោយ​យើង​មិន​នឹកស្មាន​​ដល់ ហើយក៏​គ្មាន​នរណាម្នាក់​នឹក​ឃើញថា មាន​ផ្លូវ​នោះដែរ តែ​ពេល​យើង​មាន​ផ្លូវធំ​អស្ចារ្យ​។​

សូមបញ្ជាក់ថា កាលពី​ថ្ងៃទី​២២ ខែកុម្ភៈ ឆ្នាំ​២០២១​កន្លងទៅ សម្តេច​តេ​ជោ ហ៊ុន សែន បានសម្រេច​ឲ្យ​កងវិស្វកម្ម​តេ​ជោ ហ៊ុន សែន ទទួល​សាងសង់​ផ្លូវលំ​ថ្មី​មួយ​ខ្សែ​នេះ ស្ថិតក្នុង​ភូមិសាស្ត្រ​ភូមិ​ទួល​តា​ចាប ឃុំ​ទួល​គគីរ ស្រុក​មណ្ឌលសីមា ដោយ​ឆ្លងកាត់​ព្រៃភ្នំ ដងអូរ ដៃសមុទ្រ ឆ្ពោះទៅកាន់​ស្រុក​គិរីសាគរ និង​ក្រុង​ខេមរភូមិន្ទ​របស់​ខេត្តកោះកុង ហើយ​គម្រោង​ផ្លូវ​នេះ នឹង​ស្ថាបនា​រួចរាល់​នៅក្នុង​ខែមិថុនា ឆ្នាំ​២០២១ ខាងមុខ​ឆាប់ៗ​នេះ​៕

អត្ថបទ៖ កោះ​កែវ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កូវីដ-១៩៥ នាទី មុន

អបអរសាទរ លទ្ធផល​ធ្វើតេស្ត​ជា​ចុងក្រោយ​លោក​អភិបាលខណ្ឌ​មានជ័យ​អវិជ្ជមាន

កូវីដ-១៩៥២ នាទី មុន

ថ្ងៃទី​២២​ខែមិថុនា​នេះ រដ្ឋបាល​ខេត្ត​សៀមរាប រក​ឃើញ​វិជ្ជមាន​កូ​វីដ​១៩​ចំនួន​៣៩​នាក់​ និងករណី​ស្លាប់​ម្នាក់

កូវីដ-១៩១ ម៉ោង មុន

រដ្ឋបាលខេត្ត​កំពង់ឆ្នាំង​ចេញ​សេចក្តី​ជូនដំណឹង​ស្ដីពី​ការ​រក​ឃើញ​អ្នក​វិជ្ជមាន​កូវីដ​ ចំនួន១៥​នាក់ថ្មី​ទៀត

ព័ត៌មានជាតិ១ ម៉ោង មុន

បុរស​ពោះម៉ាយ​ម្នាក់​ ចាប់​កូនស្រី​វ័យ​៦​ឆ្នាំ​សម្រាត​ខោអាវ​ធ្វើអំពើ​អាសអាភាស​យ៉ាង​ព្រៃផ្សៃ​ត្រូវ​នគរបាល​ឃាត់ខ្លួន​

ព័ត៌មានជាតិ១ ម៉ោង មុន

សំណុំរឿងកាប់សម្លាប់​បុរស​ម្នាក់​នៅ​ស្រុក​បាទី ត្រូវ​បាន​ប៉ូលិស​ក្រសួងមហាផ្ទៃ​សហ​ការណ៍​គ្នា​បំបែក​បាន​ហើយ

Sokha Hotels

ព័ត៌មានពេញនិយម

Helistar Cambodia - Helicopter Charter Services