ព័ត៌មានជាតិ
ស្រាវជ្រាវបានស្លាកលេខ ក្រុមឡានដឹកដីផឹកស៊ី ចាក់ធុងបាស់ ស៊ីផ្លេរឡានពេញព្រៃនៅគីរីរម្យ
ស្នងការដ្ឋាននគរបាលខេត្តកំពង់ស្ពឺ កំពុងស្រាវជ្រាវស្វែងរកក្រុមអ្នកបើកឡានដឹកដីមួយក្រុមដែលបានផឹកស៊ី ចាក់ធុងបាស់ ឡូឡា ស៊ីផ្លេរឡានពេញព្រៃ ធ្វើឲ្យប៉ះពាល់ភ្ញៀវទេសចរនៅរមណីនដ្ឋានគិរីរម្យ ក្រោយពីកំណត់បានអត្តសញ្ញាណតាមរយៈស្លាកលេខរថយន្ត។
លោកឧត្តមសេនីយ៍ទោ សម សាមួន ស្នងការនគរបាលខេត្តកំពង់ស្ពឺ បានបញ្ជាឱ្យកម្លាំងនគរបាលចុះស្រាវជ្រាវករណីខាងលើ នៅទីតាំងផ្លូវឡើងភ្នំគីរីរម្យ ក្នុងឃុំចំបក់ ស្រុកភ្នំស្រួច (នៅតំបន់ទេសចរណ៍មាត់ទឹកស្រះស្រង់ គីរីរម្យ)។
សមត្ថកិច្ចខេត្តកំពង់ស្ពឺបានបញ្ជាក់ថា យោងតាមការបំភ្លឺរបស់អ្នកលក់ដូរនៅចំណុចទីតាំងខាងលើរៀបរាប់ប្រាប់ថា កាលពីថៃ្ងទី៣០ ខែឧសភា ឆ្នាំ២០២១ វេលាម៉ោង១១និង៣៥នាទី មានក្រុមរថយន្ដបែនដឹកដីប្រមាណ០៦គ្រឿង បានឡើងមកឈប់សំរាកលេងនៅចំណុចមាត់ទឹកស្រះស្រង់ ដែលទីតាំងចំណុចកើតហេតុគឺស្ថិតក្នុងភូមិស្ទឹងច្រាល ឃុំអូរបាក់រទេះ ស្រុកកំពង់សិលា ខេត្តព្រះសីហនុ ដោយក្រុមរថយន្ដបែនទាំងនោះបានចាក់ធុងបាស់ឮៗ និងផឹកស៊ី រាំច្រៀងយ៉ាងសប្បាយ។ ប៉ុន្ដែការផឹកស៊ីរហូតដល់ម៉ោងប្រមាណ១៥និង៣០នាទី ទើបក្រុមពួកគេបានចាកចេញទៅវិញ។
ក្នុងនោះក្រុមរថយន្តបែន០២គ្រឿង ដែលចេញក្រោយគេ បានចុចស៊ីផ្លេរឡានយ៉ាងយូរឮរំពងពេញព្រៃប្រមាណ១៥នាទី ទើបឈប់ រួចចេញបាត់ទៅ។ ចំណុចនេះហើយដែលធ្វើឱ្យភ្ញៀវទេសចរដទៃទៀត មានការខឹងសម្បារនឹងក្រុមរថយន្ដឡានបែនដឹកដីទាំងនោះ។
តាមរយៈកិច្ចសហការជាមួយជំនាញពាក់ព័ន្ធកម្លាំងនគរបាល ធ្វើការស្រាវជ្រាវពិតជាមានសកម្មភាពដូចការរៀបរាប់របស់ប្រជាពលរដ្ឋ តែក្រុមរថយន្ត បែនដឹកដីទាំង០៦គ្រឿង គឺមិនមានទីលំនៅក្នុងភូមិសាស្ដ្រខេត្ដកំពង់ស្ពឺនោះទេ។
សមត្ថកិច្ចបានព្យាយាមរករូបភាពជាអត្ដសញ្ញាណក្រុមរថយន្ដបែនដឹកដីទាំងនោះដើម្បីបង្ហាញ និងពិនិត្យលើស្លាកលេខរថយន្ដ ក្នុងចំណោមរូបភាពរកឃើញ ស្លាកលេខរថយន្ត (ចង្កូតស្ដាំ) 2-1986 យោងតាមកំណត់ត្រាស្វែងរកយានយន្តម៉ាក NISSAN ផលិតឆ្នាំ ១៩៩៨ ជាកម្មសិទ្ធិរបស់ឈ្មោះ នឹម ទុំ មានអាសយដ្ឋាន ផ្ទះ៨៨ ផ្លូវ.៥ #48 សង្កាត់ប្រទះឡាង ខណ្ឌដង្កោ រាជធានីភ្នំពេញ៕
វិធានការបន្ដ គឺមន្ដ្រីឧទ្យាននុរក្សបរិស្ថានគ្រប់គ្រងតំបន់គីរីរម្យ នឹងធ្វើការត្រួតពិនិត្យ លើករណីដែលភ្ញៀវទេសចរឡើងមកកម្សាន្តនៅក្នុងតំបន់នោះជាបន្ដទៀត៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ