ព័ត៌មានជាតិ

អាជ្ញាធរខេត្តណែនាំឲ្យម្ចាស់រោងចក្រ និង កម្មករកម្មការិនី បង្កើនកិច្ចការពារឲ្យបានម៉ឺងម៉ាត់ក្នុងការទប់ស្កាត់ការឆ្លងរាលដាលជំងឺកូវីដ១៩

បានផុស

២ ថ្ងៃ មុន

នៅ

ថ្ងៃព្រហស្បតិ៍ ១០ មិថុនា ២០២១

ដោយ

កំពង់ឆ្នាំង ៖ ឯកឧត្តម អម សុភាអភិបាលរងខេត្តកំពង់ឆ្នាំង បានបានថ្លែងទៅកាន់កម្មករកម្មការិនីនិងម្ចាស់រោងចក្រអឹមវ៉េថា ត្រូវបង្កើននូវវិធានការ ការពារទប់ស្កាត់ការរីករាលដាលនៃជំងឺកូវីដ១៩ ឲ្យបានម៉ឺងម៉ាត់បំផុត ដើម្បីចៀសផុតពីជំងឺកូវីដ១៩ ដ៏កាចសាហាវនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកឧត្តមបានថ្ងៃបែបនេះនាព្រឹកថ្ងៃទី១០ ខែមិថុនា ឆ្នាំ២០២១ នៅក្នុងរោងចក្រ អឹម និង វ៉េ ស្ថិត នៅក្រុងកំពង់ឆ្នាំង ក្នុងឱកាស ដឹកនាំក្រុមការងារ មន្ទីរជំនាញចុះផ្សព្វ ផ្សាយអំពីអំពីវិធានការរបស់រដ្ឋបា លខេត្តកំពង់ឆ្នាំង។

ឯកឧត្តម បានបន្តថា ជំងឺកូវីដ១៩ នៅខេត្តកំពង់ឆ្នាំង កំពុងតែកើតឡើ ងជាបន្តបន្ទាប់បង្កឲ្យមនុស្សឈឺនិងស្លាប់គួឱ្យព្រួយបារម្ភ ដូច្នេះដើម្បីជៀសពីជំងឺដ៏កាចសាហាវនេះ យើងទាំងអស់គ្នា ត្រូវរួមគ្នា ទប់ស្កាត់ប្រយុទ្ធប្រឆាំងកុំឱ្យរីករាលដាលចូលក្នុងសហគមន៍និងក្រុមគ្រួសាររបស់ខ្លួន។

ដោយឡែក មូលហេតុដែលក្រុម ការងារចុះមកផ្សព្វផ្សាយសេចក្តីណែនាំរបស់រដ្ឋបាលខេត្តនេះ ដោ យសារតាមបណ្តារោងសហគ្រាសគឺជាកន្លែងដែលប្រឈមខ្លាំង ក្នុងការចម្លងនៃជំងឺកូវីដ១៩ ប្រសិនបើតាមបណ្តារោងចក្រ សហគ្រាស និង កម្មករ កម្មការិនី អនុវត្តពុំទាន់ បានត្រឹមត្រូវ តាមវិធានការរបស់ក្រសួងសុខាភិបាលនោះទេ។ ដូចនេះម្ចាស់រោងចក្រត្រូវណែនាំឱ្យកម្មករ កម្មការិនី អនុវត្តតាមសេចក្តីណែនាំនេះ ដូចជាត្រូវពាក់ម៉ាស់ បាញ់អា ល់កុលលាងសំអាតដៃឱ្យបានញឹក ញាប់ ត្រូវរក្សាគម្លាតសុវត្ថិភាពដូចជានៅពេលហូបបាយត្រូវរក្សាគម្លាតឱ្យនៅឆ្ងាយពីគ្នា ពេលជិះ រថយន្តត្រូវពាក់ម៉ាស់ឱ្យបានគ្រប់គ្នា និងកុំជជែកគ្នាតែអាចឆ្លងជំងឺកូវីដ និង ត្រូវតាមដានសុខភាពខ្លួនឯងជាប្រចាំ ។

ប្រសិនបើមានការសង្ស័យថា ឆ្លងជំងឺកូវីដ១៩ ត្រូវរាយការ ណ៍មកអាជ្ញាធរ និង ប្រញាប់ទៅមន្ទីរពេទ្យរបស់រដ្ឋ។ រាល់ពេលដែលជ្រើសរើសកម្មករ កម្មការិនី ម្ចាស់រោងចក្រ ត្រូវសហការជាមួយមន្ទីរសុខាភិបាលដើម្បីពិនិត្យធ្វើតេស្តសុខភាពរកជំងឺកូវីដ១៩។

ដោយ ៖ ឈៀងថារិទ្ធ