ព័ត៌មានជាតិ
រថយន្តក្រឡុកស៊ីម៉ងត៍ធុនធំ បើកបុកម៉ូតូសង់ឌ្រ៊ីមពីក្រោយ បណ្តាលអោយស្ត្រីម្នាក់ស្លាប់និងបុរសម្នាក់រងរបួស
រាជធានីភ្នំពេញ ៖ ស្ត្រីម្នាក់បានស្លាប់បាត់បង់ជីវិតនៅហ្នឹងកន្លែង និងបុរសម្នាក់ត្រូវរងរបួសស្រាល បន្ទាប់ពីពួកគេទាំង២នាក់ ជិះម៉ូតូធ្វើដំណើរសុខៗ ស្រាប់តែត្រូវរថយន្តក្រឡុកស៊ីម៉ងត៍ធុនធំមួយគ្រឿង បានបើកបុកពីក្រោយទាំងកំរោល បង្កអោយមានការភ្ញាក់ផ្អើលនៅតាមបណ្តោយផ្លូវ៣០ម៉ែត្រ ខាងកើតស្តុបទួលពង្រ ស្ថិតក្នុងសង្កាត់ព្រៃស ខណ្ឌដង្កោ រាជធានីភ្នំពេញ កាលពីវេលាម៉ោង ១៧ និង០០នាទីល្ងាចថ្ងៃទី២២ ខែមិថុនា ឆ្នាំ២០២១ ។
នារីរងគ្រោះ មានឈ្មោះ សុខ កា អាយុ៤០ឆ្នាំ មុខរបរកម្មករសំណង់ក្រុមហ៊ុនជីបម៉ុង ។ ដោយឡែកបុរសជាអ្នកឌុប និងជាអ្នករងរបួសស្រាល មិនស្គាល់អត្តសញ្ញាណ គ្រាន់តែដឹងថា មានវ័យប្រហាក់ប្រហែលគ្នា ។ ទាំង២នាក់់ ជាបងប្អូននឹងជីដូនមួយនឹងគ្នា មានទីលំនៅជិតវត្តព្រៃស្ពឺ ក្នុងសង្កាត់ចោមចៅ២ ខណ្ឌពោធិ៍សែនជ័យ ។
យោងតាមប្រភពព័ត៌មាន អោយដឹងថា នៅមុនកើតហេតុ គេសង្គេតឃើញជនរងគ្រោះទាំង២នាក់ ជិះម៉ូតូមួយគ្រឿងម៉ាក ហុងដាឌ្រ៊ីមសេ១២៥ ស៊េរីឆ្នាំ២០១៣ ពណ៌ខ្មៅ ពាក់ស្លាកលេខភ្នំពេញ 1BY – 8009 ឌុបគ្នាធ្វើដំណើរតាមបណ្តោយផ្លូវលេខ៣០ម៉ែត្រ ក្នុងទិសដៅពីកើតទៅលិច ក្នុងល្បឿនធម្មតា ។ លុះដល់ចំណុចកើតហេតុ ស្រាប់តែមានរថយន្តក្រឡុកស៊ីម៉ងត៍មួយគ្រឿង ពណ៌ស ពាក់ស្លាកលេខភ្នំពេញ 5A – 0678 បើកបរដោយបុរសម្នាក់ ធ្វើដំណើរស្របទិសគ្នា បានរេចង្កូតបុកពីក្រោយម៉ូតូជនរងគ្រោះទាំងកំរោល បណ្តាលអោយភាគីខាងម៉ូតូ ដួលខ្ទាតស្ត្រីជាអ្នកជិះពីក្រោយ ចូលក្រោមកង់រថយន្តត្រូវកិនស្លាប់នៅហ្នឹងកន្លែង ដោយឡែក បុរសជាអ្នកឌុប រងរបួសស្រាល ។
ភ្លាមៗនោះ បុរសជាអ្នកបើកបររថយន្តបង្ក បម្រុងបើកទាររថយន្តរត់គេច តែត្រូវពលរដ្ឋដែលឃើញហេតុការណ៍ ធ្វើការចាប់ឃាត់តែម្តង ដើម្បីប្រគល់ជូនសមត្ថកិច្ច ។
ក្រោយកើតហេតុ សមត្ថកិច្ចមូលដ្ឋាន រួមជាមួយជំនាញ បានចុះអន្តរាគមន៍ ធ្វើការវាស់វែងអូសយកទាំងរថយន្តបង្ក និងម៉ូតូ ជនរងគ្រោះទៅរក្សាទុកនៅការិយល័យនគរបាលចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ រងចាំដោះស្រាយទៅតាមនីតិវិធីច្បាប់នៅពេលក្រោយ ។ ក្នុងនោះ បុរសជាតៃកុងរថយន្ត ក៏ត្រូវឃាត់យកទៅជាមួយផងដែរ ។
ដោយឡែកចំពោះ សព្វជនរងគ្រោះ ត្រូវប្រគល់ជូនក្រុមគ្រួសារសាច់ញាតិ ដើម្បីយកទៅធ្វើបុណ្យតាមប្រពៃណី នៅឯស្រុកកំណើត ៕
អត្ថបទ ៖ សុខា
-
ចរាចរណ៍៥ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
បច្ចេកវិទ្យា១ ថ្ងៃ ago
វិធីប្លែកៗ ជនអានាមិកប្រើដើម្បីបោកបញ្ឆោត តាមប្រព័ន្ធបច្ចេកវិទ្យា
-
ព័ត៌មានជាតិ៣ ថ្ងៃ ago
សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា
-
បច្ចេកវិទ្យា២ ថ្ងៃ ago
កុំពឹងផ្អែកលើប្រព័ន្ធសន្តិសុខ App ធនាគារទាំងស្រុង ត្រូវពង្រឹងសុវត្ថិភាពបន្ថែម
-
ព័ត៌មានអន្ដរជាតិ៧ ថ្ងៃ ago
រូបភាពបុរសម្នាក់លើឆ្នេរ អង់គ្លេស ក្លាយជាព័ស្តុតាងថា បានឆ្លងភពចូលមកឆ្នាំ ១៩៤៣
-
វប្បធម៌ ជំនឿ៤ ថ្ងៃ ago
ទំនាយលោកយាយ Baba Vanga ជិតក្លាយជាការពិតមួយទៀតហើយ
-
ព័ត៌មានជាតិ១ សប្តាហ៍ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៦ ថ្ងៃ ago
ព្រឹកនេះ នាវា Westerdam ចូលចតនៅកំពង់ផែក្រុងព្រះសីហនុ ជាថ្មីម្ដងទៀត