ពលរដ្ឋជាង១ម៉ឺន៤ពាន់គ្រួសារ នៅខណ្ឌទួលគោក ទទួលបានអំណោយមនុស្សធម៌
Connect with us
Helistar Cambodia - Helicopter Charter Services

ព័ត៌មានជាតិ

ពលរដ្ឋជាង១ម៉ឺន៤ពាន់គ្រួសារ នៅខណ្ឌទួលគោក ទទួលបានអំណោយមនុស្សធម៌

បានផុស

នៅ

លោក ឯក ឃុនដឿន អភិបាលខណ្ឌទួលគោកបានបញ្ជាក់ថា ក្នុងព្រឹត្តិការណ៍សហគមន៍ ២០កុម្ភៈនេះ អាជ្ញាធរខណ្ឌទួលគោក បាននាំយកអំណោយរបស់សម្ដេចគតិព្រឹទ្ធបណ្ឌិត ប៊ុន រ៉ានី ហ៊ុន សែន និងសម្ដេចអគ្គមហាសេនាបតីតេជោ ហ៊ុន សែន និងសប្បុរសជនផ្សេងទៀត ប្រគល់ជូនទៅបងប្អូនប្រជាពលរដ្ឋងាយរងគ្រោះនិងរងគ្រោះដោយការរីករាលដាលនៃជំងឺកូវីដ-១៩ បានចំនួនជាងមួយ១ម៉ឺន៤ពាន់គ្រួសារហើយ។ ប៉ុន្តែទោះបីជាយ៉ាងណាក្តី លោកក៏នៅតែជំរុញដល់មន្ត្រីខណ្ឌ ក៏ដូចជាអាជ្ញាធរសង្កាត់ បន្តចុះសួរសុខទុក្ខ និងនាំយកអំណោយទាំងនេះ ទៅចែកជូនដល់បងប្អូនប្រជាពលរដ្ឋដែលបានបិទខ្ទប់លំនៅដ្ឋានដោយសារកូវីត-១៩បន្តទៀត ។

លោក ឯក ឃុនដឿន បានបញ្ជាក់បែបនេះ កាលពីព្រឹកថ្ងៃទី៣០ ខែមិថុនាឆ្នាំ២០២១ ក្នុងកិច្ចប្រជុំសាមញ្ញលើកទី២៥ របស់ក្រុមប្រឹក្សាខណ្ឌទួលគោក អាណត្តិទី ៣ ដោយមានការអញ្ជើញជាអធិបតីភាពពីលោក ម៉ែន សិរី ប្រធានក្រុមប្រឹក្សាខណ្ឌទួលគោក នៅសាលាខណ្ឌទួលគោក ។

លោក ឯក ឃុនដឿន បានមានប្រសាសន៍ថា ចាប់ពីថ្ងៃទី២៨ ខែកុម្ភៈ ឆ្នាំ២០២១ រហូតមកដល់ពេលនេះ អាជ្ញាធរខណ្ឌទួលគោកបានចែកអំណោយទៅបងប្អូនប្រជាពលរដ្ឋរងគ្រោះងាយរងគ្រោះដោយការរីករាលដាលនៃជំងឺ​កូវីដ-១៩នេះ បានចំនួនជាង១៤០០០គ្រួសារហើយ ។ រដ្ឋបាលខណ្ឌទួលគោកនៅមានស្បៀងអាហារបម្រុងរបស់សម្ដេចតេជោ និងសម្ដេច ប៊ុន រ៉ានី ហ៊ុន សែន និងអំណោយសប្បុរសជននានាប្រមាណជា ២០០០គ្រួសារទៀត សម្រាប់បន្តការចែកជូនទៅបងប្អូនប្រជាពលរដ្ឋដែលរងគ្រោះទាំងនេះបន្តទៀតផងដែរ ពិសេសបងប្អូនប្រជាពលរដ្ឋដែលបានបិទខ្ទប់លំនៅដ្ឋានដោយសារ covid-19 ។

បន្ថែមពីលើនេះទៀតលោកក៏បានជំរុញឲ្យអាជ្ញាធរប៉ុស្តិ៍រដ្ឋបាលទាំង១០ អធិការដ្ថាននគរបាលខណ្ឌនិងមន្ត្រីសង្កាត់ចៅសង្កាត់ ត្រូវពន្លឿននៃការធ្វើអាដាក់សញ្ញាណប័ណ្ណគំរូថ្មីជូនទៅដល់បងប្អូនប្រជាពលរដ្ឋដើម្បីឲ្យពួកគាត់បានចុះឈ្មោះបោះឆ្នោតនៅពេលខែមុខនេះ៕

អត្ថបទ ៖ ស្រីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services