ព័ត៌មានជាតិ
រកឃើញថ្មី ៖ កុមារកំព្រានៅមណ្ឌលមែកឈើ៩នាក់ទៀត, ក្នុងនោះម្នាក់អាយុ៣ឆ្នាំ ឆ្លង កូវីដ-១៩
កុមារកំព្រាចំនួន៩នាក់ ស្ថិតក្នុងមណ្ឌលកុមារកំព្រាមែកឈើ ត្រូវបានរកឃើញវិជ្ជមានជំងឺកូវីដ-១៩ បន្ថែមទៀត នៅថ្ងៃទី២២ ខែកក្កដា ឆ្នាំ២០២១ម្សិលមិញ។ នេះបើតាមលោក ផន ផល្លា ប្រធានមណ្ឌលកុមារកំព្រាមែកឈើ។
លោក ផន ផល្លា បានថ្លែងប្រាប់អ្នកសារព័ត៌មានកម្ពុជាថ្មី នាព្រឹកថ្ងៃទី២៣ ខែកក្កដានេះថា គិតមកដល់ពេលនេះ នៅមណ្ឌលកុមារកំព្រាមែកឈើ មានកុមារកំព្រាសរុបចំនួន២៦នាក់ និងបុគ្គលិកចំនួន៤នាក់ដែរ បានរកឃើញថា ឆ្លងជំងឺកូវីដ-១៩។ លោកថា កាលពីថ្ងៃម្សិលមិញ កុមារដែលអាយុខ្ទង់៣ឆ្នាំឡើង ចំនួន៩នាក់ រួមទាំងបុគ្គលិកមណ្ឌលម្នាក់ បានរកឃើញឆ្លងកូវីដ-១៩។
លោក ផន ផល្លា បានថ្លែងយ៉ាងដូច្នេះថា «ក្មេងៗ ដែលឆ្លងថ្មីចំនួន៩ ហើយនិងបុគ្គលិកម្នាក់ អញ្ចឹងក្នុងចំណោម៩នាក់ហ្នឹង ចន្លោះអាយុរបស់ពួកគាត់ តូចជាងគេហ្នឹងអាយុ៣ឆ្នាំ ហើយធំជាងគេហ្នឹងអាយុ១៦ឆ្នាំបាទ អញ្ចឹងចន្លោះពី៣ឆ្នាំ ទៅ១៦ឆ្នាំ ចឹង១៦ឆ្នាំមានម្នាក់ ៣ឆ្នាំមានម្នាក់ ហើយខុសពីហ្នឹងពី៧ឆ្នាំ ទៅ៨ឆ្នាំ»។
ទោះជាបែបនេះក្ដី ស្ថានភាពនៃការឆ្លងរបស់កុមារកំព្រា នៅមណ្ឌលកុមារកំព្រាមែកឈើ ចំនួន៩នាក់ និងបុគ្គលិកម្នាក់ផងនោះ គឺស្ថិតក្នុងសភាពស្រាលប៉ុណ្ណោះ ហើយត្រូវបានអាជ្ញាធរខណ្ឌកំបូល និងក្រុមគ្រូពេទ្យយកពួកគេទៅព្យាបាល ដោយយកចិត្តទុកដាក់បំផុត។ នេះបើតាមលោក ផន ផល្លា ប្រធានមណ្ឌលកុមារកំព្រាមែកឈើ ដែលទើប បញ្ចប់ការធ្វើចត្តាឡីស័កទាំងស្រុង ក្រោយពីបានជាសះស្បើយពីជំងឺកូវីដ-១៩ កម្រិតធ្ងន់កាលពីពេលថ្មីៗនេះ។
ក្នុងនាមប្រធានមណ្ឌលកុមារកំព្រាមែកឈើ លោក ផន ផល្លា បានថ្លែងអំណរគុណដល់សប្បុរសជនទាំងអស់ ដែលបានជួយឧបត្ថម្ភជាស្បៀងអាហារ សម្ភារៈ ក៏ដូចជាថវិកាសម្រាប់ផ្គត់ផ្គង់ និងដោះស្រាយបញ្ហាជីវភាពរស់នៅ របស់កុមារកំព្រាជាង៦០នាក់ ស្ថិតក្នុងមណ្ឌលនេះ ខណៈដែលពួកគេមួយចំនួន កំពុងសម្រាកព្យាបាលជំងឺកូវីដ-១៩ និងមួយចំនួនទៀត កំពុងធ្វើចត្តាឡីស័ក៕ (ដោយ)៖ ឃួន សុភ័ក្រ
-
សេដ្ឋកិច្ច៧ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ១ សប្តាហ៍ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៣ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ព័ត៌មានអន្ដរជាតិ៧ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ជីវិតកម្សាន្ដ១ សប្តាហ៍ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានជាតិ១ សប្តាហ៍ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
ព័ត៌មានអន្ដរជាតិ២ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៦ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)