ជីវិតកម្សាន្ដ

Cha Eun Woo ថា រាល់ថ្ងៃនៅតែមានអារម្មណ៍ខុស ដែល Moon Bin ស្លាប់

បានផុស

២ years មុន

នៅ

ថ្ងៃសុក្រ ១០ ឧសភា ២០២៤

ដោយ

គិតមកដល់ពេលនេះ វាមានរយៈពេល ១ឆ្នាំហើយដែល Moonbin តារាប្រុសវ័យក្មេងរបស់ក្រុម ASTRO បានទទួលមរណភាពជារៀងរហូត។ ប៉ុន្តែភាពគួរឲ្យស្រលាញ់ ភាពល្បីល្បាញ និងស្នាដៃផ្សេងៗរបស់គាត់គឺស្ថិតនៅក្នុងការចងចាំរបស់មនុស្សជាច្រើន។ ជាពិសេសគ្រួសារ និងសមាជិកក្រុម ASTRO ទាំងអស់គ្នា។

ថ្វីបើយ៉ាងណាក៏ដោយ កាលពីពេលថ្មីៗនេះ តារាចម្រៀង-តារាសម្តែងវ័យក្មេង Cha Eun Woo ដែលជាមិត្តជិតស្និទ្ធនឹង Moon Bin បាននិយាយអំពីមិត្តដែលបានទទួលមរណៈភាពតាមរយៈកម្មវិធី YOU QUIZ ON THE BLOCK ដោយនិយាយថា ‘Bin សុខសប្បាយទេ? ខ្ញុំនឹកអ្នក។ ខ្ញុំនឹងបំពេញតួនាទីរបស់អ្នកផងដែរ ដូច្នេះកុំបារម្ភអំពីអ្វីទាំងអស់”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះផងដែរ តារាសម្ដែងនិងចម្រៀង Cha Eun Woo ក៏បានបើកចំហអំពីការនិពន្ធបទចម្រៀង “Where am I” ដើម្បីចងចាំ Moonbin ជានិច្ច។ លោកបានផ្ដល់បទសម្ភាសន៍តាមរយៈកម្មវិធីដដែលថា “ខ្ញុំមានអារម្មណ៍ខុសខ្លាំងណាស់។ ពេលដល់ពេលបាយពេលខ្លះខ្ញុំគិត តើខ្ញុំគួរញ៉ាំទេ? តើខ្ញុំគួរគេងទេ? ពេលខ្លះគាត់មកក្នុងសុបិនរបស់ខ្ញុំ។ យើងមកទីនេះញឹកញាប់ ពេលខ្លះវាជាពេលដែលយើងទៅហាត់ប្រាណជាមួយគ្នា។ ពេលខ្លះនៅពេលខ្ញុំនៅក្នុងស្ទូឌីយោ ពេលនីមួយៗគឺខុសគ្នា”។

ប៉ុន្មានថ្ងៃនេះ Cha Eun Woo និងមិត្តភក្តិ ASTRO របស់គាត់កំពុងជួយគ្រួសាររបស់ Moon Bin ហើយតែងតែជួយគាំទ្រប្អូនស្រីរបស់គាត់ឈ្មោះ Moon Sua គឺជាសមាជិកក្រុមនារី Billie ឲ្យមានកេរ្តិ៍ឈ្មោះក្នុងវិស័យសិល្បៈដូចជាបងប្រុសដែរ។

សូមរម្លឹកដែរថា Moonbin បានស្លាប់នៅផ្ទះរបស់គាត់នៅថ្ងៃទី១៩ ខែ មេសា ឆ្នាំ ២០២៣ ក្នុងសង្កាត់ Gangnam នៃភាគខាងត្បូងទីក្រុងសេអ៊ូល ជាកន្លែងដែលគាត់រស់នៅតែម្នាក់ឯង។ ក្រោយមក ប៉ូលិសបានសន្និដ្ឋានថាជាលទ្ធផលធ្វើអត្តឃាត។ ការស្លាប់របស់សមាជិកក្រុម ASTRO បានធ្វើឲ្យមានការភ្ញាក់ផ្អើលពេញពិភព K-pop ផងដែរ៕