កីឡា
ប្រធានសហព័ន្ធកីឡាយានយន្តអាណត្តិថ្មី ដោះស្រាយបញ្ហាប្រឈមបន្ទាន់
ប្រធានសហព័ន្ធកីឡាយានយន្តកម្ពុជាអាណត្តិថ្មី លោក មៀច សុផាន់ណា ដោះស្រាយបញ្ហាប្រឈមចំពោះមុខជាបន្ទាន់ដើម្បីឲ្យសហព័ន្ធមានលទ្ធភាពរៀបចំការប្រកួតក្នុងស្រុកឲ្យបានល្អប្រសើរ និងបញ្ជូនអត្តពលិកចូលរួមប្រកួតលើឆាកអន្តរជាតិនានា។
កាលពីរសៀលថ្ងៃទី៩ ខែឧសភា ឆ្នាំ២០២៤ សហព័ន្ធកីឡាយានយន្តកម្ពុជាបានរៀបចំមហាសន្និបាតបញ្ចប់អាណត្តិទី៣ (២០២០-២០២៤) និងបន្តអាណត្តិទី៤ (២០២៤-២០២៨) នៅទីស្នាក់ការគណៈកម្មាធិការជាតិអូឡាំពិកកម្ពុជា។ មហាសន្និបាតបញ្ចប់អាណត្តិនេះក៏មានការផ្លាស់ប្តូរសមាជិកប្រតិបត្តិ និងបន្ថែមសមាជិកថ្មីមួយចំនួន ដើម្បីឲ្យមានប្រសិទ្ធភាពក្នុងការអនុវត្តការងារ។
ជាពិសេសទៀត សហព័ន្ធត្រូវដោះស្រាយឲ្យទាន់ពេលវេលានូវបញ្ហាប្រឈម និងកង្វះខាតដើម្បីធ្វើយ៉ាងណាឲ្យការងារ និងកីឡាករមានលទ្ធភាពគ្រប់គ្រាន់ក្នុងការរៀបចំព្រឹត្តិការណ៍ប្រកួតក្នុងស្រុក ក៏ដូចជាចូលរួមប្រកួតលើឆាកអន្តរជាតិទាំងម៉ូតូ និងរថយន្ត។
លោក មៀច សុផាន់ណា ប្រធានសហព័ន្ធកីឡាយានយន្តកម្ពុជាបានថ្លែងក្នុងមហាសន្និបាតថា រហូតដល់ពេលនេះ សហព័ន្ធនៅមានចំណុចខ្វះខាតច្រើនក្នុងនោះទីលានរៀបចំការប្រកួតផ្ទាល់ខ្លួនជាបញ្ហាធំ និងថវិកាជាដើម។
លោកបានលើកឡើងថា ៖«ទីលានប្រកួតត្រូវការចំណាយច្រើនណាស់។ យើងត្រូវការដីធំទូលាយទើបអាចធ្វើទីលានប្រកួតបាន។ តាមរបាយការណ៍បង្ហាញថា សហព័ន្ធនៅមានបំណុលគឺបំណុលខាងក្រៅស្រុក។ យើងត្រូវបង់វិភាគទានឲ្យ FIA (សហព័ន្ធកីឡាយានយន្តអន្តរជាតិ)។ ឥឡូវយើងត្រូវទូទាត់ឲ្យដាច់ស្រឡះដើម្បីក្លាយជាសមាជិកភាព និងមានសិទ្ធិត្រឹមត្រូវសម្រាប់ការចូលរួមប្រកួតនៅក្រៅប្រទេស»។
លោកបានបន្តថា ៖«យើងមិនត្រឹមតែជាសមាជិករបស់ FIA ប៉ុណ្ណោះទេ យើងក៏ជាសមាជិករបស់ FIM (សហព័ន្ធកីឡាម៉ូតូអន្តរជាតិ) ថែមទៀតគឺមានទាំងម៉ូតូ មានទាំងរថយន្ត ដែលយើងអាចចូលរួមប្រកួតទាំងកម្រិតអាស៊ី និងពិភពលោកទាំងមូល។ ដូច្នេះយើងត្រូវបង់តម្លៃសមាជិកភាពឲ្យរួចរាល់។ យកថវិកាផ្ទាល់ខ្លួនរបស់ខ្ញុំបង់ថ្លៃសមាជិកភាពឲ្យទាន់ពេលវេលាដើម្បីកុំឲ្យបាត់បង់សមាជិកភាព។ ចាំពេលក្រោយ យើងរកវិធីរបៀបណាដែលអាចសងខ្ញុំវិញបាន។ យើងត្រូវធ្វើឲ្យទាន់ពេលវេលាដើម្បីកុំឲ្យប៉ះពាល់ដល់សមាជិកភាព»។
សហព័ន្ធកីឡាយានយន្តកម្ពុជាអាណត្តិថ្មីបានជ្រើសរើសសមាជិកប្រតិបត្តិ និងទីប្រឹក្សាថ្មីមួយចំនួនដែលអាចជួយដល់សហព័ន្ធតាមលទ្ធភាព។ លោក មៀច សុផាន់ណា បានប្រាប់អង្គមហាសន្និបាតថា ៖«យើងបានផ្លាស់ប្តូរសមាជិកប្រតិបត្តិមួយចំនួន។ ខ្ញុំបានអញ្ជើញទីប្រឹក្សាអន្តរជាតិគឺលោក Yamaoto។ គាត់មានទីលានប្រកួតរួមគ្នាជាមួយឯកឧត្តម ម៉ុង ឬទ្ធី ដូច្នេះមានកន្លែងខ្លះ យើងអាចដំណើរការប្រកួតជាមួយពួកគាត់បាន»។
តាមសេចក្តីសម្រេចរបស់អង្គមហាសន្និបាតបញ្ចប់អាណត្តិទី៣ និងបន្តអាណថ្មីទី៤ លោក មៀច សុផាន់ណា នៅតែជាប្រធាន ក្នុងនោះមានអនុប្រធាន៦រូប។ លោក ខៃ វណ្ណៈ ជាអគ្គលេខាធិការ និងមានអគ្គលេខាធិការរង៥រូប។ លោក ទួត សុវណ្ណារ៉ា ជាអគ្គហិរញ្ញិក និងមានសមាជិក៦រូប។
ជាមួយគ្នានេះ ឧកញ៉ា ស្រី ចាន់ថន ជាទូតសុច្ឆន្ទៈ និងជាទីប្រឹក្សា លោក Yamamoto Katunori ជាទូតសុច្ឆន្ទៈ ព្រមទាំងមានទីប្រឹក្សា និងជំនួយការ៧រូបទៀត៕
អត្ថបទ៖ វីរបុត្រ
ក្រសួងទេសចរណ៍ ប្ដេជ្ញាចិត្តជំរុញកំណើនទេសចរណ៍ក្នុងខេត្តមណ្ឌលគិរីទ្វេដង ដើម្បីលើកស្ទួយការអភិវឌ្ឍមូលដ្ឋាន
ព្រៃឡង់នៅចំណុចដែនជម្រកស្រែវាល ស្រុកឆែប ត្រូវបានទន្ទ្រានយកមកធ្វើជាកម្មសិទ្ធិ
អ្នកមានសំណាងពីក្រុមហ៊ុនទឹកត្រចៀកកាំ ចេ.រ៉ូយ៉ាល់ ញញឹមបិទមាត់មិនជិត
អភិបាលខេត្តស្វាយរៀង ប្រាប់ឱ្យអាជ្ញាធរបន្តបង្កើនការយកចិត្តទុកដាក់ក្នុងការបង្ការ និងបង្ក្រាបបទល្មើសគ្រប់ប្រភេទ
ជ្រោះថ្មតយ ក្លាយជាតំបន់ទេសចរណ៍ធម្មជាតិដ៏ទាក់ទាញ ក្នុងខេត្តរតនគិរី
ស្នងការខេត្តប៉ៃលិន បំភ្លឺជុំវិញករណីគ្រោះថ្នាក់ចរាចណ៍បណ្តាលឱ្យស្លាប់ភាគីជិះម៉ូតូ
រុស្ស៊ី៖ សង្គ្រាមត្រូវចប់តាំងពីដំបូងមកម្ល៉េះ តែអ៊ុយក្រែន មិនព្រមចរចាសោះ!
ចប់ការចរចានៅតួកគីភ្លាម, ហ្សេលេនស្គី និងមេដឹកនាំអឺរ៉ុប៤ប្រទេស ទាញទូរស័ព្ទ call ទៅ ត្រាំ ភ្លែត
លោក គីម អំពាវនាវឲ្យកងកម្លាំងកូរ៉េខាងជើងពន្លឿនការរៀបចំសម្រាប់ព្រឹត្តិការណ៍សង្រ្គាម
តើវៀតណាម និយាយអ្វីខ្លះ ជុំវិញសមយុទ្ធ «នាគមាស» កម្ពុជា-ចិន?
-
ចរាចរណ៍១១ ម៉ោង agoស្នងការខេត្តប៉ៃលិន បំភ្លឺជុំវិញករណីគ្រោះថ្នាក់ចរាចណ៍បណ្តាលឱ្យស្លាប់ភាគីជិះម៉ូតូ
-
ជីវិតកម្សាន្ដ៧ ថ្ងៃ agoមាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
-
ចរាចរណ៍២ ថ្ងៃ agoUpdate៖ អ្នកបង្កគ្រោះថ្នាក់បុករះនៅមុខក្រសួងមហាផ្ទៃ ជានាយការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ នៃស្នងការដ្ឋាននគរបាលរាជធានីភ្នំពេញ
-
ចរាចរណ៍២ ថ្ងៃ agoUpdate៖ អ្នកបើករថយន្ដបុករះនៅមុខក្រសួងមហាផ្ទៃ ស្ថិតក្រោមជាតិអាល់កុល 0,35mg/L
-
សន្តិសុខសង្គម៤ ថ្ងៃ agoឃាត់ខ្លួនប្រធានផ្សារទួលពង្រ និងបក្ខពួក ពាក់ព័ន្ធករណីដើរយកភាស៊ីពីអាជីវករលក់ដូរតាមរ៉ឺម៉កម៉ូតូ
-
ព័ត៌មានជាតិ៦ ថ្ងៃ agoរតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ
-
កីឡា១ ថ្ងៃ agoលោក អេ ភូថង ប្រាប់ថា មិនដឹងរឿងផ្ទាល់ខ្លួនរបស់ ធឿន ធារ៉ា ខណៈបែកធ្លាយវីដេអូជក់បារីអេឡិចត្រូនិក
-
ចរាចរណ៍២ ថ្ងៃ agoបឋម៖ ករណីបុករះបង្កឡើងដោយរថយន្ដឡិចសុីសមួយគ្រឿងបណ្ដាលឲ្យមានអ្នកស្លាប់នៅផ្លូវព្រះនរោត្ដម