Connect with us

ព័ត៌មានជាតិ

មន្ត្រីជាន់ខ្ពស់ ចង់ប្រែក្លាយ ប.ស.ស ជាស្ថាប័នឈានមុខក្នុងការបម្រើសេវា​ជូនពលរដ្ឋនៅកម្ពុជា

បានផុស

នៅ

មន្ត្រី​ជាន់ខ្ពស់​បេឡា​ជាតិ​សន្តិ​សង្គម​(​ប​.​ស​.​ស) មាន​បំណង​ចង់​ប្រែក្លាយ ប​.​ស​.​ស ជា​ស្ថាប័ន​ឈាន​មុខ​ក្នុង​ការ​បម្រើ​សេវា​សាធារណៈ​ជូន​សមាជិក និង​ប្រជាពលរដ្ឋ​នៅ​កម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែង​ក្នុង​ពិធី​បិទ​វគ្គ​បណ្ដុះបណ្ដាល​ស្ដីពី“ពិធីការ​ជាតិ និង​អន្តរជាតិ” លោក​បណ្ឌិត ហេង សុផាន់​ណា​រិទ្ធ អគ្គនាយករង ប​.​ស​.​ស បាន​ជំរុញ​ឱ្យ​មន្ត្រី ប​.​ស​.​ស ដែល​ចូលរួម​វគ្គ​បណ្ដុះបណ្ដាល​ស្ដីពី “​ពិធីការ​ជាតិ និង​អន្តរជាតិ​” នេះ អាច​យកចំណេះ ជំនាញ ដែល​ទទួល​បាន​តាមរ​យៈ​វគ្គ​បណ្ដុះបណ្ដាល​នេះ ទៅ​ប្រើប្រាស់​ក្នុង​ការ​រៀបចំ​កម្មវិធី​បដិសណ្ឋារកិច្ច​ជាតិ និង​អន្តរជាតិ​នានា និង​បន្ត​ចែករំលែក​នូវ​ចំណេះ​ដឹង​ទាំងនេះ ទៅដល់​មន្ត្រី និង​បុគ្គលិក​នៅ​តាម​នាយកដ្ឋាន​រៀងៗ ខ្លួន ឱ្យ​កាន់តែ​ទូលំ​ទូលាយ​បន្ថែម​ទៀត ព្រមទាំង​ពង្រឹង​លើ​ការ​ផ្តល់​សេវា​សាធារណៈ​ជូន​សមាជិក ប​.​ស​.​ស និង​សាធារណជន ឱ្យ​កាន់​តែ​មាន​ភាព​ល្អប្រសើរ និង​មាន​ប្រសិទ្ធភាព​ខ្ពស់ ដើម្បី​ធ្វើ​ឱ្យ ប​.​ស​.​ស ក្លាយ​ជា​ស្ថាប័ន​ឈានមុខ​នៅ​កម្ពុជា​ក្នុង​ការ​បម្រើ​សេវា​សាធារណៈ។

លោក​បណ្ឌិត​អគ្គនាយករង បាន​កោតសរសើរ និង​ថ្លែងអំណរគុណ​ចំពោះ​វត្តមាន​ថ្នាក់ដឹកនាំ មន្ត្រី និង​បុគ្គលិក ប​.​ស​.​ស ជា​សិក្ខាកាម​ទាំងអស់ ដែល​បាន​ចំណាយ​ពេល​វេលា​ដ៏​មមាញឹក​ចូលរួម​ក្នុង​វគ្គ​បណ្ដុះបណ្ដាល​ស្តីពី “​ពិធីការ​ជាតិ និង​អន្តរជាតិ​” ទទួល​បាន​លទ្ធផល​ប្រកបដោយ​ផ្លែផ្កា ព្រមទាំង​ថ្លែងអំណរគុណ​យ៉ាង​ជ្រាលជ្រៅ​ចំពោះ​លោក​បណ្ឌិត ឥន សុផល អនុប្រធាន​វិទ្យាស្ថាន​ជាតិ​ការទូត និង​ទំនាក់ទំនង​អន្តរជាតិ ក៏ដូចជា​ក្រុមការងារ​ដែល​បាន​សហការ និង​សម្របសម្រួល​រៀបចំ​វគ្គ​បណ្ដុះបណ្ដាល​ដ៏​មាន​សារសំខាន់​នេះ​ឡើង ប្រកបដោយ​ភាព​រលូន និង​ការទទួលខុសត្រូវ​ខ្ពស់។

សូម​បញ្ជាក់​ថា វគ្គ​បណ្ដុះបណ្ដាល​ស្ដីពី “ពិធីការ​ជាតិ និង​អន្តរជាតិ” រយៈពេល ២ ថ្ងៃ គឺ​ថ្ងៃ​ទី ៩ និង​ថ្ងៃ​ទី ១០ ខែ​ឧសភា ឆ្នាំ ២០២៤ ជា​វគ្គ​បណ្ដុះបណ្ដាល​ដំបូង ដែល ប​.​ស​.​ស នៃ​ក្រសួង​ការងារ និង​បណ្ដុះបណ្ដាល​វិជ្ជាជីវៈ បាន​រៀបចំ​ឡើង ដើម្បី​ធ្វើ​ឱ្យ​ប្រសើរ​ឡើង​នូវ​ការ​រៀបចំ​កម្មវិធី​បដិសណ្ឋារកិច្ច​ជាតិ និង​អន្តរជាតិ​នានា​ប្រកបដោយ​ភាព​ត្រឹមត្រូវ និង​ទទួល​បាន​ប្រសិទ្ធភាព​ខ្ពស់៕

អត្ថបទ ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤២ នាទី មុន

អាជ្ញាធរ​ឃុំ​ព្រែក​ដំបូក ព្រះសង្ឃ រួម​នឹង​ប្រជាពលរដ្ឋ​នាំគ្នា​ដាំ​កូន​ឈើ​នៅ​លើ​ផ្ទៃដី​ជាង​២​ហិច​តា

ព័ត៌មានជាតិ២ ម៉ោង មុន

អាល្លឺម៉ង់បើកសម្ពោធជាផ្លូវការ ការិយាល័យកុងស៊ុលកិត្តិយសប្រចាំខេត្តសៀមរាប

ព័ត៌មានជាតិ២ ម៉ោង មុន

ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតា​ក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ

ព័ត៌មានជាតិ៤ ម៉ោង មុន

រដ្ឋមន្ត្រីក្រសួងព័ត៌មាន ដឹកនាំមន្ត្រី១០០នាក់ ទៅកម្សាន្តនៅឧទ្យានកែប ដើម្បីជួយជីវភាពប្រជាសហគមន៍ និងអភិរក្សធម្មជាតិ

សេដ្ឋកិច្ច៤ ម៉ោង មុន

អ្នក​ជំនាញ​៖ ការ​រីក​ចម្រើន​​នៃ​​ AI ​និង​មនុស្ស​យន្ត​ បង្កើត​ឱកាស​ធំ​សម្រាប់​យុវជន​ថៃ​

ព័ត៌មានជាតិ១១ ម៉ោង មុន

សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់

អត្ថាធិប្បាយ២៣ ម៉ោង មុន

សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ

ព័ត៌មានជាតិ២៣ ម៉ោង មុន

ឯកឧត្ដម ហ៊ុន ម៉ានី ថ្កោលទោស​ដាច់ខាត​ទង្វើ​បំពាន​លើ​ជីវិត​មនុស្ស​យ៉ាង​ព្រៃផ្សៃ ចំពោះ​ករណី​ឧកញ៉ា​បាញ់​សម្លាប់​មនុស្ស២នាក់​នៅ​បុរី​ប៉េងហួត

ព័ត៌មានជាតិ២ ម៉ោង មុន

ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតា​ក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ

ព័ត៌មានអន្ដរជាតិ៨ ម៉ោង មុន

ស្ត្រី បារាំង ម្នាក់ ប្តឹងក្រុមហ៊ុន ដោយ​សារ​បើក​ប្រាក់​ខែ​ឲ្យនាងរាល់ខែ ​តែ​មិនផ្ដល់ការងារ

Sokha Hotels

ព័ត៌មានពេញនិយម