កីឡា
សំដីដ៏វែងរបស់ Mbappe រៀបរាប់ពីការចាកចេញពីក្លិប PSG
ខ្សែប្រយុទ្ធឆ្នើមជម្រើសជាតិបារាំង Kylian Mbappe បានចេញវីដេអូរៀបរាប់ជាផ្លូវការអំពីការចេញពីក្លិបយក្សបារាំង Paris Saint-Germain នៅចុងរដូវកាលនេះ បន្ទាប់ពីពួកគេមិនទទួលបានជោគជ័យក្នុងពានរង្វាន់ UCL ជាថ្មី។
នៅយប់ថ្ងៃទី១០ ខែឧសភា ឆ្នាំ២០២៤ Mbappe បានរៀបរាប់ថា ៖«ខ្ញុំតែងតែនិយាយថា ខ្ញុំនឹងប្រាប់អ្នកគ្រប់គ្នានៅពេលវេលាមកដល់។ នៅពេលនេះ ខ្ញុំចង់ប្រកាសប្រាប់អ្នកគ្រប់គ្នាថា នេះជារដូវកាលចុងក្រោយរបស់ខ្ញុំនៅក្លិប PSG។ ខ្ញុំនឹងមិនបន្តទៀតទេ ហើយការស្ថិតនៅទីនេះនឹងបញ្ចប់ក្នុងពេលពីរបីសប្តាហ៍ខាងមុខ។ វាជាអារម្មណ៍ដ៏តាន់តឹង និងរំជើបរំជួល ហើយខ្ញុំនឹកស្មានមិនដល់ថា ពិបាកយ៉ាងនេះក្នុងការប្រកាសចាកចេញពីប្រទេសកំណើតរបស់ខ្ញុំ ប៉ុន្តែខ្ញុំគិតច្បាស់ហើយ ត្រូវតែផ្សងព្រេងថ្មី បន្ទាប់ពីរយៈពេល៧ឆ្នាំ»។
«PSG ជាក្លិបមួយដែលមិនទុកចោលនរណាម្នាក់ឲ្យឯកោ។ ខ្ញុំពិតជាមិនសោកស្តាយឡើយដែលបានចុះកុងត្រាចូលរួមជាមួយក្លិបដ៏អស្ចារ្យនេះ។ វាជាក្លិបមួយដែលស្ថិតនៅក្នុងខួរក្បាលខ្ញុំពេញមួយជីវិត។ ទោះជាខ្ញុំលែងជាកីឡាកររបស់ក្លិបនេះបន្តទៀត ប៉ុន្តែខ្ញុំនឹងបន្តមើលគ្រប់ការប្រកួតរបស់ពួកគេ។ ខ្ញុំសូមអរគុណដល់អ្នកទាំងអស់គ្នាយ៉ាងជ្រាលជ្រៅបំផុត ហើយគ្មានពាក្យពេចន៍អ្វីមករៀបរាប់បានឡើយគឺ មានតែ សូមអរគុណ។ ខ្ញុំសង្ឃឹមថា យើងនឹងបញ្ចប់រដូវកាលនេះជាមួយពានរង្វាន់ចុងក្រោយ ហើយខ្ញុំជឿថា អ្នកនឹងស្ថិតនៅក្នុងបេះដូងខ្ញុំជានិច្ច»។
សម្រាប់អនាគត Kylian Mbappe មិនទាន់ច្បាស់ទេ ប៉ុន្តែ Real Madrid ជាក្លិបដែលរូបគេស្រឡាញ់តាំងពីក្មេង ហើយក៏ជាកីឡាករម្នាក់ដែលក្លិបអេស្ប៉ាញមួយនេះចង់បានជាយូរមកហើយ៕
ប្រែសម្រួល៖ វីរបុត្រ
-
សន្តិសុខសង្គម១៦ ម៉ោង agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
ព័ត៌មានជាតិ៥ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៦ ថ្ងៃ agoតំណាងអាមេរិកនិងអ៊ីរ៉ង់ ប៉ះសម្តីគ្នាយ៉ាងខ្លាំងនៅសន្និសីទនុយក្លេអ៊ែរ របស់អង្គការសហប្រជាជាតិ
-
ព័ត៌មានជាតិ៤ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ៤ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ៣ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ៧ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន
-
ព័ត៌មានអន្ដរជាតិ១ សប្តាហ៍ agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន