ជីវិតកម្សាន្ដ

ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន

បានផុស

២ សប្តាហ៍ មុន

នៅ

ថ្ងៃអាទិត្យ ៥ ឧសភា ២០២៤

ដោយ

បន្ទាប់ពីលែងលះគ្នាដាច់ស្រេច តារាសម្តែង Roger Kwok អាយុ ៦០ ឆ្នាំ សល់ទ្រព្យសម្បត្តិតម្លៃ ៩០ លានដុល្លារហុងកុង (១១.៥លានដុល្លារ) ដែលមិនមែនជាសហកម្មសិទ្ធិរបស់អតីតភរិយាវ័យក្មេងជាងលោក១៥ ឆ្នាំ គឺនាងCindy Au ឡើយ។

ដោយដកស្រង់ពី HK01 សារព័ត៌មាន Znews បានរាយការណ៍ថា ក្នុងអំឡុងពេលរៀបការរបស់ពួកគេ Kwok និង Au មានការជឿជាក់ខ្ពស់ចំពោះគ្នាទៅវិញទៅមក។ ហេតុដូច្នេះហើយ Kwok តែម្នាក់ឯងកាន់កាប់កម្មសិទ្ធិលើទ្រព្យសម្បត្តិអាពាហ៍ពិពាហ៍របស់ពួកគេ ដោយភរិយាជ្រើសរើសមិនធ្វើជាកម្មសិទ្ធិរួមរបស់ពួកគេដើម្បីរារាំងផលវិបាក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្វីបើយ៉ាងណាក៏ដោយ នេះបានធ្វើឲ្យការបែងចែកទ្រព្យសម្បត្តិរបស់គូស្នេហ៍មួយគូក្លាយជាប្រធានបទក្តៅនៃការពិភាក្សាបន្ទាប់ពី Kwok និង Au ប្រកាសលែងលះគ្នាកាលពីថ្ងៃព្រហស្បតិ៍។

ក្នុងចំណោមទ្រព្យសម្បត្តិដែលបានចុះបញ្ជីក្រោមឈ្មោះរបស់ Kwok មានអចលនទ្រព្យដ៏មានតម្លៃជាច្រើនដូចជា អចលនទ្រព្យនៅក្នុងសង្កាត់ Sai Kung របស់ហុងកុង អគារពាណិជ្ជកម្ម Chung Kiu នៅ Mong Kok និងអគារលំនៅដ្ឋាន Taikoo Shing ជាដើម។ គួរកត់សម្គាល់ថា សូម្បីតែកូនពីរនាក់របស់ពួកគេក៏មិនត្រូវបានចុះបញ្ជីថាជាម្ចាស់នៃអចលនទ្រព្យទាំងនេះដែរ។

Roger Kwok ជាតារាសម្ដែងដ៏ល្បីមួយរូបរបស់ TVB ដែលល្បីក្នុងការសម្ដែងក្នុងរឿង “Lin Shining Kuet” និង “Black Heart White Soul”។ គាត់ឈរក្នុងនាមជាតារាសម្ដែងមួយរូបក្នុងចំណោមតារាសម្ដែងមួយចំនួនដែលបានឈ្នះពានតារាសម្ដែងល្អបំផុតក្នុងកម្មវិធី TVB Anniversary Awards បីដង។ ចំណែកឯ Au ចាប់ផ្តើមអាជីពជាអ្នកចម្រៀង មុននឹងប្តូរមកសម្តែង, នាងទទួលបានភាពល្បីល្បាញសម្រាប់ការសម្តែងរបស់នាងនៅក្នុង “Journey to the West II” ។ អ្នកទាំងពីរមានទំនាក់ទំនងស្នេហារយៈពេល ៧ ឆ្នាំ មុនពេលរៀបការក្នុងឆ្នាំ ២០០៦៕

អត្ថបទ៖ សាង ស្រីល័ក្ខ

ចុចអាន៖តារាចម្រៀងហុងកុង Steven Cheung ធ្លាក់ខ្លួនខ្លាំង សូម្បីលុយបង់ភ្លើងក៏គ្មានផង