Connect with us

ព័ត៌មានអន្ដរជាតិ

រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ

បានផុស

នៅ

ក្រុមអ្នកចម្បាំងរុស្ស៊ីកាលពីថ្ងៃសុក្របានបញ្ចេញរថពាសដែកបើកការវាយលុកតាមដីគោកដំណាក់កាលថ្មីនៅជិតទីក្រុង Kharkiv ដែលជាទីក្រុងធំទី ២ នៅភាគឦសានរបស់អ៊ុយក្រែន ខណៈទាហានទាំងនោះក៏បានឆ្លងកាត់ព្រំដែនតាមច្រកតូចៗទៅកាន់ភាគខាងកើត និងភាគខាងត្បូងផងដែរ ។ នេះបើយោងតាមការចេញផ្សាយដោយទីភ្នាក់ងារព័ត៌មាន Reuters កាលពីថ្ងៃទី១០ ខែឧសភាកន្លងទៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងការពារជាតិរុស្ស៊ីបានបញ្ជាក់ថា ក្រៅពីការបញ្ចេញរថពាសដែក កងកម្លាំងទីក្រុងមូស្គូក៏បានទម្លាក់គ្រាប់បែកពីលើអាកាស និងការបាញ់កាំភ្លើងធំទៅលើទីក្រុង Vovchansk ខណៈជាការឆ្លើយតប អ៊ុយក្រែនក៏បានបញ្ជូនកម្លាំងទ័ពមកកាន់តំបន់ព្រំដែនមួយនេះផងដែរ ហើយការប្រយុទ្ធគ្នាក៏បានផ្ទុះឡើងតែម្ដង ។

ពាក់ព័ន្ធនឹងបញ្ហានេះដែរ ប្រធានាធិបតីអ៊ុយក្រែនលោក Volodymyr Zelensky បានប្រាប់សន្និសីទសារព័ត៌មាននៅទីក្រុងកៀវថា “រុស្ស៊ីបានចាប់ផ្តើមរលកថ្មីនៃប្រតិបត្តិការវាយលុកក្នុងទិសដៅគ្រប់គ្រងទីក្រុងអ៊ុយក្រែន ហើយឥឡូវ​នេះ​មាន​ការ​ប្រយុទ្ធ​គ្នា​យ៉ាង​សាហាវ​នៅតាមទីក្រុងព្រំដែន” ។

ចំណែកក្រសួងការពារជាតិអ៊ុយក្រែនក៏បានបញ្ជាក់ដែរថា រុស្ស៊ីបានបើកការវាយប្រហារដោយរថពាសដែកកាលពីវេលាម៉ោងប្រហែល ៥ ព្រឹកថ្ងៃសុក្រ ហើយសមរភូមិប្រយុទ្ធមួយនេះបានអូសបន្លាយពេលដល់ម៉ោង ១០ យប់ ខណៈរហូតមកដល់ពេលនេះ កងកម្លាំងអ៊ុយក្រែននៅតែបន្តការពារការវាយសន្ធាប់របស់រុស្ស៊ីដើម្បីកុំឲ្យរាលដាលចូលដល់ទីក្រុងផ្សេងទៀត ។

រីឯក្រុមអ្នកវិភាគមើលឃើញថា ការបង្កើនប្រតិបត្តិការប្រយុទ្ធដំណាក់កាលថ្មីរបស់រុស្ស៊ីលើអ៊ុយក្រែនកើតមានឡើង ក្រោយពេលដែលលោកប្រធានាធិបតី វ្ល៉ាឌីមៀរ ពូទីន ស្បថចូលកាន់តំណែងជាផ្លូវការកាលពីថ្ងៃទី៧ ខែឧសភាកន្លងទៅ ជាពិសេសគេកត់សម្គាល់ពីសុន្ទរកថារបស់លោកពាក់ព័ន្ធនឹងប្រតិបត្តិការសឹកនៅអ៊ុយក្រែន ។

លោក ពូទីន បានលើកឡើងថា “លោកច្បាស់ក្នុងចិត្ត រុស្ស៊ីនឹងលើកទង់ជ័យក្នុងប្រតិបត្តិការយោធានៅអ៊ុយក្រែន ដោយសារតែភាពក្លាហាន និងវីរភាពរបស់អ្នកចម្បាំងរុស្ស៊ី ។ លក្ខខណ្ឌទាំងនេះហើយ ទើបគ្មានអ្វីត្រូវសង្ស័យនោះទេដែលកងកម្លាំងទីក្រុងមូស្គូយកជ័យជម្នះនៅលើសមរភូមិប្រយុទ្ធជាមួយអ៊ុយក្រែន” ។

គិតត្រឹមពេលនេះ ភ្លើងសង្គ្រាមរវាងរុស្ស៊ី និងអ៊ុយក្រែនបានចាយពេលជាង ២ ឆ្នាំហើយ បន្ទាប់ពីកងកម្លាំងរដ្ឋាភិបាលទីក្រុងមូស្គូលើកទ័ពចូលទីក្រុងកៀវកាលពីថ្ងៃទី២៤ ខែកុម្ភៈ ឆ្នាំ២០២២ ខណៈបច្ចុប្បន្នលោកប្រធានាធិបតី Volodymyr Zelensky នៅតែបន្តដើរសុំជំនួយ ក៏ដូចជាសព្វាវុធ និងកែនទាហានជាបន្តបន្ទាប់ពីសម្ព័ន្ធមិត្តសំខាន់ៗដូចជា អឺរ៉ុប និងអាមេរិកជាដើម ។

ទោះបីជាមិនមានព័ត៌មានច្បាស់លាស់អំពីចំនួនអ្នកស្លាប់ និងរបួសក៏ដោយ ប៉ុន្តែតាមការប៉ាន់ប្រមាណរបស់អង្គការសហប្រជាជាតិបានឲ្យដឹងថា ជនស៊ីវិលអ៊ុយក្រែនជាង ១០,០០០ នាក់ត្រូវបានសម្លាប់ ខណៈយោងតាមរបាយការណ៍របស់កាសែត New York Times វិញបានអះអាងថា រហូតមកដល់ពេលនេះទាំងទាហានអ៊ុយក្រែន និងរុស្ស៊ីសរុបចូលគ្នាគឺមានជាង ៥ លាននាក់បានស្លាប់បាត់បង់ជីវិត ៕

ដោយ ៖ សុខ ជីវ័ន្ត

ចុចអាន ៖ កងកម្លាំងមិនស្គាល់មុខ មីយ៉ាន់ម៉ា ផ្ទុះការប្រយុទ្ធគ្នា និងបោកគ្រាប់បែកជិត​ព្រំដែន ថៃ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៦ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ៦ ម៉ោង មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ៧ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ៨ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង៨ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ១៩ ម៉ោង មុន

Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា  

សេចក្ដីជូនដំណឹង៦ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ជីវិតកម្សាន្ដ២២ ម៉ោង មុន

ទេព បូព្រឹក្ស ប្រកាសដាក់បទ«ទេវរាជ» ប្រកួតពានរង្វាន់អន្តរជាតិ និងស្នើឱ្យទស្សនាបទនេះតាម YouTube វិញ

ព័ត៌មានជាតិ១១ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានជាតិ២០ ម៉ោង មុន

បង្ហើប​តម្លៃ​ស្នាក់នៅ​បន្ទប់​សណ្ឋាគារ​ប្រណិត​ឋានសួគ៌​បូកគោ​ នៅ​លើ​កំពូល​ភ្នំ​បូកគោ

Sokha Hotels

ព័ត៌មានពេញនិយម