ព័ត៌មានជាតិ
ប្រកាសតែងតាំងជាផ្លូវការ អភិបាលក្រុងបូកគោបង្កើតថ្មី គឺជាស្រ្តី
រាជរដ្ឋាភិបាលបានចេញអនុក្រឹត្យប្រកាសតែងតាំងលោកស្រី ងិន ផលរ័ត្នជាអភិបាលក្រុងបូកគោដែលទើបបង្កើតថ្មី។
លោកស្រី ងិន ផលរ័ត្ន មានឋានន្តរសក្កិឧត្តមមន្រ្តីថ្នាក់លេខ៥ នៃក្របខ័ណ្ឌមន្រ្តីគ្រប់គ្រងរដ្ឋបាលទីស្តីការគណៈរដ្ឋមន្រ្តី ដែលនឹងឡើងមកកាន់តំណែងជាអភិបាលនៃគណៈអភិបាលក្រុងបូកគោ ខេត្តកំពត។ ក្នុងរយៈពេលនៃការបំពេញភារកិច្ចថ្មី លោកស្រី ងិន ផលរ័ត្ន ត្រូវដាក់ពាក្យស្នើសុំស្ថិតនៅក្រៅក្របខ័ណ្ឌដើម។
រាជរដ្ឋាភិបាល បានចេញអនុក្រឹត្យសម្រេចបង្កើតក្រុងបូកគោដែលជាទីក្រុងថ្មីនៅក្នុងទឹកដីខេត្តកំពត។ ការបង្កើតក្រុងបូកគោ ត្រូវកាត់យកឃុំចំនួន ៣ ពីស្រុកទឹកឈូ ដែលមានឃុំបឹងទូក ឃុំកោះតូច និងឃុំព្រែកត្នោតយកធ្វើជាសង្កាត់ក្នុងក្រុងបូកគោ ដែលដាក់ឈ្មោះ សង្កាត់បឹងទូក សង្កាត់កោះតូច និងសង្កាត់ព្រែកត្នោត។
ក្រសួងរៀបចំដែនដី នគរូបនីយកម្ម និងសំណង់ នៅថ្ងៃទី១៧ ខែមិថុនា ឆ្នាំ២០២១នេះ បានចេញអនុក្រឹត្យស្ដីពីការដាក់ឱ្យប្រើប្រាស់ប្លង់គោលអភិវឌ្ឍក្រុងបូកគោ ប្រែក្លាយជាទីក្រុងឆ្លាតវៃ ទេសចរណ៍ប្រវត្តសាស្រ្ត និងធម្មជាតិ។ យោងតាមប្លង់គោលប្រើប្រាស់ដីគម្រោងអភិវឌ្ឍក្រុងបូកគោចក្ខុវិស័យឆ្នាំ២០៣៥ ផ្ទៃដីជិត៣ម៉ឺនហិកតាដែលស្មើនឹង១៨%នៃផ្ទៃឧទ្យានជាតិព្រះមុនីវង្ស នឹងត្រូវយកមកអភិវឌ្ឍន៍ក្នុងគោលដៅធានាការគ្រប់គ្រង និងអភិវឌ្ឍន៍ក្រុងបូកគោប្រកបដោយចីរភាព៕


-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៧ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ