ជនជាតិដើមភាគតិច​ខុសពីជនជាតិភាគតិច​ដោយមានរូបចម្លាក់បុរាណទំនាក់ទំនងរវាងសិល្បៈនិងភាសា

បើយោងតាមរូបចម្លាក់តាមប្រាង្គប្រាសាទអង្គរ និងតាមឯកសារមួយចំនួនរបស់លោកព្រឹទ្ធាចារ្យ ប៊ូ ថង នៅខេត្តរតនៈគិរីបានបញ្ជាក់ថាជនជាតិដើមភាគតិចគឺខុសពីជនជាតិភាគតិច។

លោក សំអឿន បម្រើការមន្ត្រីរាជការក្នុងខេត្តរតនៈគិរីនោះដែរ​ ដែលបានស្រាវជ្រាវឃើញថាជនជាតិដើម ភាគតិចគឺជាម្ចាស់ស្រុកដែលរស់នៅយូរលង់នៅនឹងទឹកដីភូមិករដែលខ្លួនតាំងនៅនឹងប្រើប្រាស់ភាសា វប្បធម៌ប្រពៃណី សម្លៀកបំពាក់ ទំនៀមទម្លាប់ជារបស់ខ្លួន។

ចំណែកជនជាតិភាគតិចវិញ គឺជាជនចំណូលស្រុក ឬជាជនដែលមានដើមកំណើតពីតំបន់​ឬប្រទេសដទៃដើម្បីតាំងទីលំនៅប្រកបរបរផ្សេងៗ ក្នុងប្រទេសណាមួយដែលមានភាសាវប្បធម៌ ប្រពៃណីដាច់ដោយឡែក។

លោក សំអឿន បន្តទៀតថា ជនជាតិដើមភាគតិចនៅកម្ពុជាមានទំនាក់ទំនងក្នុងការរស់នៅប្រចាំថ្ងៃជាមួយវប្បធម៌ខ្មែរ។

នៅក្នុងឯកសារបានទាញយកឧទាហរណ៍ថា ពិធីមង្គលការ ភាសាជ័យហង! សួរហង !…ហង​ ភាសាទំពួន មានន័យថា(រួចរាល់)។

ការរាប់ឆ្នាំពាក្យថាឆ្នាំច បកប្រែជាភាសាគ្រឹង ឆ្នាំឆ្កែ (ចមានន័យថា ឆ្កែ)។ មានទាំងឧបករណ៍ភ្លេង និងពិធីសែនព្រេនជាច្រើនទៀតដែលមានការទំនាក់ទំនងគ្នា។

ក្រោមការដឹកនាំរបស់សម្តេចតេជោ នាយករដ្ឋមន្ត្រី ប្រកបដោយសុខសន្តិភាព ជនជាតិដើមភាគតិចទទួលបាននូវការលើកកម្ពស់សិទ្ធិ សេរីភាពស្មើៗគ្នាចំពោះមុខច្បាប់។

សូមបងប្អូនប្រើប្រាស់សិទ្ធិសេរីភាពរបស់ខ្លួនឲ្យបានត្រឹមត្រូវឈរលើមូលដ្ឋានមិនបំពានសិទ្ធិអ្នកដទៃ និងមិនផ្ទុយនឹងច្បាប់កំណត់៕ ដោយ៖កញ្ញា វ៉ាត