អ្នក​នាំ​ពាក្យ​លើក​ទឹកចិត្ត​ដល់​បេក្ខជន​ប្រឡង​ឌីប្លូម​ឲ្យ​ខិតខំ​បន្ត​ធ្វើ​ស្វ័យ​សិក្សា​ – Kampuchea Thmey Daily
Connect with us

ព័ត៌មានជាតិ

អ្នក​នាំ​ពាក្យ​លើក​ទឹកចិត្ត​ដល់​បេក្ខជន​ប្រឡង​ឌីប្លូម​ឲ្យ​ខិតខំ​បន្ត​ធ្វើ​ស្វ័យ​សិក្សា​

Published

on

លោក រស់ សុវាចា អ្នកនាំពាក្យក្រសួងអប់រំយុវជន និងកីឡា បានណែនាំដល់​បេក្ខជនប្រឡងឌីប្លូមទាំង​អស់​ត្រូវខិតខំធ្វើស្វ័យសិក្សាបន្ថែមទៀត ដើម្បីឈានឆ្ពោះទៅរកភាពជោគជ័យ ​ក្នុងដំណើរការប្រឡង​ដែល​នឹងប្រព្រឹត្តិទៅនៅថ្ងៃទី៣០ ខែវិច្ឆិកា​។

លោក​មានប្រសាសន៍​ថា «សម្រាប់ការប្រឡងឌីប្លូម ខ្ញុំសូម​អនុញ្ញាត​ជម្រាប​ជូន​នៅ២ចំណុច គឺទី១​ខ្ញុំសូម​ផ្ញើ​សារជូនប្អូនៗសិស្សានុសិស្ស ជាពិសេសបេក្ខជនប្រឡងថា ការសម្រេច​បំណងជីវិត​ស្ថិតនៅក្នុង​កណ្ដាប់​ដៃ​របស់ប្អូនៗហើយការធ្វើស្វ័យសិក្សាដើរតួនាទីសំខាន់ណាស់ ជាពិសេសក្នុងបរិបទកូវីដ-១៩»។

លោកបានបន្តថា«ខ្ញុំសូមលើកទឹកចិត្តដល់សិស្សានុសិស្សត្រូវបន្តស្វ័យសិក្សា រៀនក្នុងថ្នាក់ផង និងរៀន​តាម​អនឡាញផង ប្រកបដោយការយកចិត្តទុកដាក់ខ្ពស់ ក្រោមការគាំទ្រពីលោកគ្រូ អ្នកគ្រូ មាតាបិតា និង​គ្រប់ភាគីពាក់ព័ន្ធដោយបន្តអនុវត្តវិធានការសុវត្ថិភាពសុខភាព»។

ជាមួយគ្នានេះដែរ លោក រស់ សុវាចា បានអំពាវនាវដល់បុគ្គលិកអប់រំ គណៈគ្រប់គ្រងគ្រឹះស្ថានសិក្សា​សាធារណៈ និងឯកជន លោកគ្រូ អ្នកគ្រូ សិស្សានុសិស្ស និងគ្រប់ភាគីពាក់ព័ន្ធ សូមបន្តអនុវត្តគោល​ការណ៍​ប្រតិបត្តិស្ដង់ដារបស់ក្រសួងអប់រំ យុវជន និងកីឡា ចុះថ្ងៃទី០៤ ខែសីហា ឆ្នាំ២០២០ និងតាមការ​ណែនាំរបស់ក្រសួងសុខាភិបាល ឱ្យមានប្រសិទ្ធភាពខ្ពស់បំផុតដើម្បីទប់ស្កាត់​ការឆ្លងរីករាលដាលជំងឺ​កូវីដ​-១៩។
​លោកក រស់ សុវាចាបានបន្តទៀតថា សម្រាប់ការប្រឡងឌីប្លូមនៅឆ្នាំនេះ ក្រសួងនៅតែបន្តប្រគល់សិទ្ធិអំ ណាច និងការទទួលខុសត្រូវទាំង ស្រុងជូនគ្រឹះស្ថានមធ្យមសិក្សាសាធារណៈ​និងឯកជននីមួយៗជា​អ្នក​រៀប​ចំដំណើរការប្រឡង ដោយខ្លួនឯង ពោលគឺចាប់តាំងពីការបចំប្រធានវិញ្ញាសា ដំណើរការសំណេរ កំណែ ស្រង់បូកពិន្ទុនិងការប្រកាសលទ្ធផលប្រឡងជាដើម។

យ៉ាងណាក៏ដោយក្រសួងតម្រូវឲ្យមន្ទីរអប់រំរាជធានី ខេត្ត ក៏ដូចជាថ្នាក់ដឹកនាំក្រសួងចុះត្រួតពិនិត្យ​នៅតាម​មណ្ឌលប្រឡងនីមួយៗ​ ដើម្បីឲ្យដំណើរការប្រឡងកាន់តែមានគុណភាពថែមទៀត។

គួរបញ្ជាក់ថា ប្រឡងឌីប្លូមនៅឆ្នាំនេះ នឹងប្រព្រឹត្តិទៅនៅថ្ងៃទី៣០ ខែវិច្ឆិកា ឆ្នាំ២០២០ ដោយមាន​បេក្ខជន​សរុប​ចំនួន១៥៨៧១៧នាក់ ស្រី៨៥១៣១នាក់ និងមានមណ្ឌលប្រឡង ចំនួន១៧២៩ ចែក​ជា៧១៤១​បន្ទប់​ មាន​ការថយចុះ ខណៈឆ្នាំមុន មានបេក្ខជនចូលរួមប្រឡងចំនួន១៨៥១៨៣នាក់​ក្នុងនោះស្រី​៩៧៥៩៤​នាក់​ មាន១៦៨៤មណ្ឌល ចែកជា៧៤០៧បន្ទប់៕

អត្ថបទ ៖ សំអឿន
 
 
 
 
         
 

ចុច Like Facebook កម្ពុជាថ្មី

ព័ត៌មានជាតិ29 mins ago

ពលករ​ម្នាក់ លួច​រត់​ចេញពី​មណ្ឌល​ច​ត្តា​ឡី​ស័ក​សមត្ថកិច្ច​កំពុង​ស្វែងរក

ព័ត៌មានជាតិ43 mins ago

រដ្ឋាភិបាល​ស្វី​ស ​ជួយ​លើកកម្ពស់​ជីវភាព​រស់​នៅ​ពលរដ្ឋ​តាម​ព្រំដែន​ឲ្យ​កាន់តែ​ប្រសើរឡើង

ជីវិតកម្សាន្ដ2 hours ago

គាំទ្រ !​ តារា​ប្រុស សិរី វង្ស បំផុស​យុវជន​ចូលរួម​ម្នាក់​១០០០​រៀល​ដើម្បី​ល្ខោនខោល​ខ្មែរ

ព័ត៌មានជាតិ3 hours ago

ឆ្នាំ​២០២០​ខេត្ត​ព្រះសីហនុ​បង្ក្រាប​ការ​ជួញដូរ​មនុស្ស​បាន​២៤​លើក​ឃាត់ខ្លួន​៣០​មុខសញ្ញា​ភាគច្រើន​ជា​ជន​ជាតិចិន

ព័ត៌មានជាតិ4 hours ago

លោកស្រី​ឱ វណ្ណឌី​ន ​៖ ​សម្តេច​តេ​ជោ​គឺជា​ថ្នាក់ដឹកនាំ​ដ៏​គំរូ​នៅ​លើ​សកលលោក​ដែល​បាន​ប្រយុទ្ធ​នឹង​ជំងឺ​កូ​វីដ​១៩​ទទួលបាន​ជោគជ័យ

ព័ត៌មានពេញនិយម