ព័ត៌មានជាតិ
អ្នកនាំពាក្យអប់រំ ៖ ដំណើរការប្រឡងឌីប្លូម ឆ្នាំនេះ ប្រព្រឹត្តិទៅដោយរលូន មិនមានភាពមិនប្រក្រតីកើតឡើងទេ
លោកស្រី ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា បានមានប្រសាសន៍នៅព្រឹកថ្ងៃទី ០៣ កញ្ញា នេះថា សម្រាប់ដំណើរការប្រឡងសញ្ញាបត្រមធ្យមសិក្សាបឋមភូមិ ឬ ឌីប្លូម ឆ្នាំនេះ បានប្រព្រឹត្តិទៅដោយរលូន មិនមានភាពមិនប្រក្រតីណាមួយកើតឡើងគួរឱ្យកត់សម្គាល់នោះទេ។
លោកស្រីបានបន្តថា «ខ្ញុំសង្កេតឃើញថាការប្រឡងនេះបានដំណើរការទៅបានល្អប្រសើរ ដោយបេក្ខជនប្រឡងបានយល់ដឹងពីគោលការណ៍ នៃការប្រឡង និងគោរពវិន័យបានល្អ ហើយមិនត្រឹមតែប៉ុណ្ណោះបានបង្ហាញពីការផ្លាស់ប្តូរអាកប្បកិរិយាបានល្អ ដោយមិនមាននាំយកចម្លើយវិញ្ញាសា ទូរស័ព្ទ ឬ ប្រ៊ុយយ៉ុង ចូលក្នុងមណ្ឌលប្រឡងឡើយ»។
លោកស្រីបានបន្តទៀតថា បើទោះបីជាប្រឡងឌីប្លូមនេះក្រសួងប្រគល់សិទ្ធដល់គ្រឹះស្ថានសិក្សាចាប់តាំងពីការរៀបចំវិញ្ញាសាដំណើរការសំណេរ កំណែស្រង់បូកពិន្ទុ និងប្រកាសលទ្ធផលនៅតាមគ្រឹះស្ថានមធ្យមសិក្សានីមួយៗ ដោយប្រើប្រាស់បុគ្គលិកអប់រំនៅក្នុងគ្រឹះស្ថានមធ្យមសិក្សារបស់ខ្លួនធ្វើជាមេប្រយោគប្រឡងក៏ដោយ ក៏ក្រសួងនៅតែប្រកាន់ខ្ជាប់នូវគោលការណ៍គុណភាពសុក្រឹតភាព និងលទ្ធផលអាចទទួលយក បានទាំងអស់គ្នាដដែល ដោយក្រសួងបានចេញសេចក្តីណែនាំឱ្យគ្រឹះស្ថាននីមួយៗ ត្រូវគោរព និងអនុវត្តឱ្យបានខ្ជាប់ខ្ជួន។ លើសពីនេះ មន្ទីរអប់រំ យុវជន និងកីឡារាជធានី-ខេត្តនីមួយៗ ក៏ត្រូវចូលរួមតាមដាន និងឃ្លាំងមើលពីដំណើរការប្រឡងនេះផងដែរ។
លោកស្រីបានបន្ថែមថា សម្រាប់ឆ្នាំនេះ ក្រសួងអប់រំ យុវជន និងកីឡា បានរៀបចំប្រឡងសញ្ញាបត្រមធ្យមសិក្សាបឋមភូមិ ឬឌីប្លូម នៅថ្ងៃទី ២ ខែកញ្ញា និងប្រកាសលទ្ធផលនៅថ្ងៃទី ៩ ខែកញ្ញា ឆ្នាំ ២០២៤ ដោយមានបេក្ខជនដាក់ពាក្យប្រឡងចំនួន ២០១ ៧១២ នាក់ ស្រី ១០៧ ៨០៦ នាក់ ចែកជា ២ ០៩៦ មណ្ឌល ទាំងរដ្ឋ និងឯកជន។ តួលេខនេះ បើធៀបទៅនឹងប្រឡងឆ្នាំមុនឃើញថា មានការកើនឡើង ២៣ ៥៧៨ នាក់ ដោយឆ្នាំមុនមានបេក្ខជនចូលរួមប្រឡង ចំនួន ១៧៨ ១៣៤ នាក់ ស្រី ៩៤ ៨០៥ នាក់ មានចំនួន ១ ៧៤៣ មណ្ឌល ចែកជា ៨០៩០ បន្ទប់៕
អត្ថបទ ៖ សំអឿន
ជនដៃដល់ក្នុងសំណុំរឿងវាយសម្លាប់ប្អូនបង្កើតត្រូវសមត្ថកិច្ចឃាត់ខ្លួនបានហើយ និងបញ្ជូនទៅតុលាការ
រដ្ឋមន្ត្រីសុខាភិបាល អំពាវនាវដល់ក្រសួង ស្ថាប័នទាំងអស់ ចូលរួមលើកកម្ពស់សុខភាពផ្លូវចិត្តនៅក្នុងកន្លែងធ្វើការ
តម្លៃប្រេងបន្តធ្លាក់ចុះជាង២ដុល្លារថ្ងៃអង្គារ ដោយសារទស្សនវិស័យខ្សោយចំពោះតម្រូវការ
កូរ៉េខាងជើង រៀបចំកិច្ចប្រជុំសន្ដិសុខពិសេស ជុំវិញរឿងបង្ហោះដ្រូនពីកូរ៉េខាងត្បូង
បវរកញ្ញាថៃ ចោទបវរកញ្ញាមីយ៉ានម៉ាថា បោកប្រាស់ទំនុកចិត្តអ្នកទស្សនា
នគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
ហេតុអ្វីឆ្នាំនេះ ព្យុះសាហាវៗម្ល៉េះ?
ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
អគ្គនាយកដ្ឋានពន្ធនាគារ កំពុងស៊ើបករណីជនជាតិចិនផឹកស៊ីរាំច្រៀង ដោយអះអាងថានៅមណ្ឌលអប់រំកែប្រែទី១
កម្ពុជាឈ្នះមេដាយមាស៩ ប្រាក់៤ សំរិទ្ធ២៨ពីការប្រកួតឃីកបុកស៊ីងអាស៊ី២០២៤
-
ព័ត៌មានអន្ដរជាតិ៧ ថ្ងៃ agoអ្នកឧតុនិយមអាមេរិក ស្រក់ទឹកភ្នែក ពេលដឹងថា Milton ក្លាយជា «ព្យុះសង្ឃរាបិសាច» សាហាវបំផុត
-
សេដ្ឋកិច្ច៥ ថ្ងៃ agoរោងចក្រអគ្គិសនី ដើរដោយឧស្ម័នធម្មជាតិ ថាមពល ៩០០មេហ្គាវ៉ាត់ នឹងបើកការដ្ឋាន សាងសង់នៅសប្ដាហ៍ក្រោយ
-
ព័ត៌មានអន្ដរជាតិ៦ ថ្ងៃ agoគួរឲ្យរន្ធត់ ពេលទូរទស្សន៍អាមេរិក ចេញវីដេអូ ព្យាករអំពីឥទ្ធិពលរបស់មហាព្យុះសង្ឃរា Milton
-
ជីវិតកម្សាន្ដ៦ ថ្ងៃ agoMiss Grand International បាន Unfollow គណនី Instagram ពេជ្រ វត្តីសារ៉ាវឌ្ឍី
-
ជីវិតកម្សាន្ដ៦ ថ្ងៃ agoអ្នកគ្រូហុងស៊ុយ ណាលី ថាបវរកញ្ញាថៃសមបាន ពានរង្វាន់ មាយាដកខ្ញី
-
ព័ត៌មានអន្ដរជាតិ១ ថ្ងៃ agoផ្កាយដុះកន្ទុយ បង្ហាញខ្លួននៅប្រទេស ថៃ
-
ជីវិតកម្សាន្ដ៤ ថ្ងៃ agoភាពខ្មៅងងឹតរបស់ម្ចាស់ Miss Grand International លោក ណាវ៉ាត់ ដែលអ្នកប្រហែលមិនដឹង
-
ព័ត៌មានជាតិ៦ ថ្ងៃ agoអភិបាលក្រុង-ស្រុក២រូប ត្រូវសម្ដេចធិបតីដកតំណែង ព្រោះប្រើអំណាចប៉ះពាល់ពលរដ្ឋ និងយកប្រាក់សូកប៉ាន់ ដើម្បីតំណែង