ព័ត៌មានជាតិ
សម្ដេចតេជោ ហ៊ុន សែន ឲ្យគិតគូរអំពីទេសចរណ៍វ៉ាក់សាំង ហើយអ្នកទេសចរធ្វើចត្តាឡីស័កតែ ៧ ថ្ងៃប៉ុណ្ណោះ
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានផ្ដល់អនុសាសន៍ ដល់មន្ត្រីពាក់ព័ន្ធ ជាពិសេសក្រសួងទេសចរណ៍ គិតគូរការបើឲ្យមានទេសចរណ៍វ៉ាក់សាំង សម្រាប់អ្នកទេសចរអន្តរជាតិ ដែលបានចាក់វ៉ាក់សាំងគ្រប់ដូសរួចរាល់។ ការផ្ដល់អនុសាសន៍នេះ គ្រាដែលសម្ដេចតេជោ ហ៊ុន សែន បានអញ្ជើញធ្វើសន្និសីទសារព័ត៌មាន បើកយុទ្ធនាការ ចាក់វ៉ាក់សាំងបង្ការជំងឺកូវីដ-១៩ សម្រាប់កុមារចាប់ពីអាយុ៦ឆ្នាំ ដល់អាយុក្រោម១២ឆ្នាំ នៅព្រឹកថ្ងៃទី១៧ ខែកញ្ញា ឆ្នាំ២០២១នេះ។
សម្ដេចតេជោ ហ៊ុន សែន បានថ្លែងថា ការបើកទេសចរណ៍ឡើងវិញ នឹងត្រូវធ្វើឡើងជា២ជំហាន ដែលជំហាន ទី១ គឺការបើកទេសចរណ៍ក្នុងស្រុក ដោយប្រជាពលរដ្ឋខ្មែរ ពិតជាមានតម្រូវការធ្វើដំណើរកម្សាន្ដ នាចុងសប្ដាហ៍។ ជំហានទី២ គឺទេសចរណ៍វ៉ាក់សាំង ដែលអនុញ្ញាតឲ្យអ្នកទេសចរអន្តរជាតិ ចាក់វ៉ាក់សាំងគ្រប់ដូសរួចរាល់ អាចចូលមកកាន់ប្រទេសកម្ពុជា ហើយធ្វើចត្តាឡីស័កត្រឹមតែ ៧ថ្ងៃប៉ុណ្ណោះ។
ក្នុងរយៈពេល៧ថ្ងៃនេះ អ្នកទេសចរដែលបានចាក់វ៉ាក់សាំង គ្រប់ដូសហើយនោះ មិនមែនស្នាក់នៅតែក្នុងសណ្ឋាគារប៉ុណ្ណោះទេ តែអាចធ្វើដំណើរកម្សាន្តជាបណ្ដើរៗក្នុងតំបន់ ដែលពួកគចុះចតបាន តាមការរៀបចំរបស់ក្រសួង ឬអាជ្ញាធរពាក់ព័ន្ធ។ ត្រង់ចំណុចនេះ សម្ដេចតេជោ ហ៊ុន សែន បានណែនាំឲ្យគណៈរដ្ឋមន្ត្រី ក៏ដូចជាក្រសួងទេសចរណ៍ គិតគូអំពីបញ្ហា៕
អត្ថបទ៖ ឃួន សុភ័ក្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ