ព័ត៌មានជាតិ
អាជ្ញាធរខេត្តសៀមរាប ចុះត្រួតពិនិត្យ និងណែនាំពលរដ្ឋនៅ “តំបន់ក្រហម” ឲ្យបង្កើនការប្រុងប្រយ័ត្ន
លោក ង៉ាន់ ភិរុណ អភិបាលរងខេត្តសៀមរាប តំណាងលោក ទៀ សីហា អភិបាលខេត្ត នៅរសៀលថ្ងៃទី១៧ ខែកញ្ញា បានដឹកនាំក្រុមការងារ ដើមី្បចុះត្រួតពិនិត្យ និងណែនាំដល់ប្រជាពលរដ្ឋ ដែលរស់តំបន់ចុងឃ្នៀសត្រង់ចំណុចផែត្រី នៃសង្កាត់ចុងឃ្នៀស ក្រុងសៀមរាប ខេត្តសៀមរាប បន្ទាប់ពីរដ្ឋបាលខេត្ត បានសម្រេចកំណត់ជា “តំបន់ក្រហម” ក្នុងក្រុងសៀមរាប ដើម្បីទប់ស្កាត់ការឆ្លងរាលដាល នៃកូវីដ-១៩ ជាបន្តបន្ទាប់។
ក្នុងឱកាសនោះលោក ង៉ាន់ ភិរុណ បានអំពាវនាវប្រជាពលរដ្ឋ បង្កើនការប្រុងប្រយ័ត្នឲ្យបានខ្ពស់បន្ថែមទៀត ហើយអ្វីដែលសំខាន់នោះ ត្រូវនៅក្នុងផ្ទះ បើមិនចាំបាច់ កុំចេញក្រៅ និងដាច់ខាតត្រូវតែពាក់ម៉ាស់ រក្សាគម្លាត លាងដៃ និង អាល់កុល ឬជែលឲ្យបានត្រឹមត្រូវ និងត្រូវអនុវត្តឲ្យបានម៉ឺងម៉ាត់ តាមវិធានការរបស់រាជរដ្ឋាភិបាល ៣ការពារ ៣កុំ និងសេចក្ដីណែនាំរបស់ក្រសួងសុខាភិបាល ក៏ដូចជារដ្ឋបាលខេត្តសៀមរាប ដើម្បីកាត់ផ្ដាច់នូវការចម្លងជំងឺកូវីដ-១៩ បានឆាប់រហ័ស។
រដ្ឋបាលខេត្តសៀមរាប បានសម្រេចកំណត់ជា “តំបន់ក្រហម” នៅក្នុងភូមិសាស្ត្រ សង្កាត់ស្លក្រាម សង្កាត់ស្វាយដង្គំ សង្កាត់គោកចក សង្កាត់ជ្រាវ និងភូមិតាវៀន សង្កាត់សាលាកំរើក ភូមិព្រៃធំ ភូមិស្រង៉ែ សង្កាត់ស្រង៉ែ ក្រុងសៀមរាប ខេត្តសៀមរាប ដើម្បីទប់ស្កាត់ការឆ្លងរាលដាល នៃជំងឺកូវីដ-១៩ ជាបណ្ដោះអាសន្ន រយៈពេលមួយសប្ដាហ៍ គិតចាប់ពីវេលាម៉ោង១៣:០០ នាទីរសៀល ថ្ងៃទី១៧ ខែកញ្ញា រហូតដល់ថ្ងៃទី២៣ ខែកញ្ញា ឆ្នាំ២០២១ ក្នុងគោលបំណងធានាដល់ប្រសិទ្ធភាព នៃការគ្រប់គ្រងការឆ្លងរាលដាល នៃជំងឺកូវីដ-១៩ រហូតមានការចេញសេចក្តីសម្រេចជាថ្មី។
លោក ង៉ាន់ ភិរុណ អភិបាលរងខេត្តសៀមរាប បានឲ្យដឹងទៀតថា រដ្ឋបាលខេត្តបានរកឃើញ អ្នកវិជ្ជមានជំងឺកូវីដ-១៩ និងអ្នកចម្លងថ្មីជាច្រើន ពីមួយថ្ងៃទៅមួយថ្ងៃ ហើយភាគច្រើនកើតចេញ ពីការមិនគោរពនូវវិធានការណែនាំរបស់ក្រសួងសុខាភិបាល និងរដ្ឋបាលខេត្តជាដើម។
រដ្ឋបាលខេត្ត មានការព្រួយបារម្ភយ៉ាងខ្លាំង ចំពោះស្ថានភាពរីករាលដាលនៃជំងឺកូវីដ-១៩ ហើយការដាក់ជាតំបន់ក្រហមនៅក្នុងក្រុងសៀមរាបនេះ ដោយមូលហេតុថា មានប្រជាពលរដ្ឋមួយចំនួន មិនបានសហការ មិនអនុវត្តតាមការណែនាំ មិនចេះការពារខ្លួន និងក្រុមគ្រួសាររសប់ខ្លួន ដែលជាហេតុនាំមេរោគចម្លង បន្តទៅដល់អ្នកដទៃ ក្នុងសហគម។ ដូច្នេះសូមប្រជាពលរដ្ឋ មេត្តាចូលរួមអនុវត្តតាមវិធានការ របស់ប្រមុខរាជរដ្ឋាភិបាល ៣ការពារ ៣កុំ និង ការណែនាំ របស់ក្រសួងសុខាភិបាល ក៏ដូចរដ្ឋបាលខេត្ត ដែលបានដាក់ចេញនាពេលកន្លងមក៕
អត្ថបទ៖ គឿន វេត
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង