ព័ត៌មានជាតិ
អ្នកវិនិយោគបរទេសមួយរូបហ៊ាននិយាយថា ក្រុមប្រឆាំងបង្ហើបសម្លេងតែពីបរទេស តែសម្ដេចហ៊ុន សែន ជាមនុស្សប្រាកដនិយមក្នុងការគោរពសិទ្ធិមនុស្ស
លោក DENIS COKOVIC ដែលគេស្គាល់ថា ជាអ្នកវិនិយោគជនជាតិ កូសូវ័រ (KOSOVAR) បានអះអាងថា សម្ដេចនាយករដ្ឋមន្ត្រី ហ៊ុន សែន គឺជាមនុស្សប្រាកដនិយមក្នុងការគោរពសិទ្ធិមនុស្ស ប៉ុន្តែក្រុមមតិប្រឆាំងឃើញតែបង្ហើបសំឡេងពីបរទេស ដើរស៊ីចាយហ៊ឺហានៅបរទេស មិនមានអ្វីជាក់ស្តែងទេ ប៉ុន្តែជាង៤០ឆ្នាំកន្លងមកនេះ សម្ដេច ហ៊ុន សែន បានស្ថាបនាប្រទេស ដោយលើកគម្រោងមួយហើយមួយទៀត សម្រាប់បង្កើតការងារជូនប្រជាពលរដ្ឋកម្ពុជា ហើយជារួមកម្ពុជា គឺមានតែ CPP ទេ ដែលនិយាយពីការអភិវឌ្ឍន៍ពិតប្រាកដ។
លោក DENIS និយាយថា ការដែលលោកចាប់អារម្មណ៍ចូលបូកវិនិយោគនៅកម្ពុជាក្នុងឱកាស នៃការរីករាលដាលជំងឺកូវីដ១៩ ដោយសារតែលោកមើលឃើញថា កម្ពុជាបានដំណើរការចាក់វ៉ាក់សាំងទទួលបានជោគជ័យ។ លោកថា កម្ពុជាមានប្រព័ន្ធសុខាភិបាលមួយស្តង់ដារល្អ ក្នុងចំណោមបណ្ដាប្រទេសទាំងអស់នៅក្នុងពិភពលោក ហើយអ្វីដែលលោកអាចនិយាយបែបនេះបាន គឺនៅពេលពិភពលោក មានការរីករាលដាលនៃជំងឺ covid-19 តែកម្ពុជាមិនទទួលបានការឆ្លងមេរោគនេះនោះទេ ដូច្នេះកម្ពុជាបានត្រៀមខ្លួនរួចជាស្រេចចំពោះការរីករាលដាលនៃជំងឺនេះ។ “ប្រទេសផ្សេងៗគេឆ្លងហើយ ប៉ុន្តែកម្ពុជានៅ ហើយបើទោះបីជាឆ្លងចូលក្តី តែតួលេខនៅតែមានស្តង់ដារមួយ អាចប្រយុទ្ធប្រឆាំងបានល្អទៀត ដោយសារការចាក់វ៉ាក់សាំងបានជិត៨០ភាគរយ ដែលនេះសបញ្ជាក់ឲ្យឃើញថា ក្រោមការយកចិត្តទុកដាក់របស់រាជរដ្ឋាភិបាលកម្ពុជា គឺកម្ពុជាមានស្តង់ដារសុខាភិបាលមួយល្អ”។
ជាមួយនឹងការលើកឡើងខាងលើនេះ លោក DENIS ក៏បានលើកឡើងពីការអនុញ្ញាតឲ្យចូលរបស់នាវា westerdam នាពេលកន្លងមក ដោយអះអាងថា នៅលើពិភពលោកនេះ មិនមានប្រទេសណាមួយដែលហ៊ានអនុញ្ញាតឲ្យនាវាទេសចរណ៍ westerdam ចូលចតនោះទេ លើកលែងតែប្រទេសកម្ពុជា ហើយមានតែសម្ដេចតេជោ ហ៊ុន សែន ម្នាក់គត់ដែលហ៊ានចូលទៅក្នុងនាវានោះ ដើម្បីទទួលស្វាគមន៍អ្នកទេសចរទាំងនោះ ដូច្នេះសម្ដេចនាយករដ្ឋមន្ត្រី ហ៊ុន សែន ហ៊ានលះបង់ដោយមិនខ្លាចក្នុងការចូលទៅទទួលស្វាគមន៍អ្នកទេសចរទាំងនោះដោយមិនខ្លាចអ្វីទាំងអស់។ លោកនោះថា នេះគឺជាភស្តុតាងជាទឡ្ហីករណ៍មួយច្បាស់លាស់។
បើតាមអ្នកវិនិយោគរូបនោះ នៅក្នុងសង្គមប្រជាធិបតេយ្យមួយ ជាការពិតណាស់ គឺកម្ពុជាមានបក្សប្រឆាំង តែបក្សប្រឆាំង ឬមតិប្រឆាំងនោះ កំពុងតែស្ថិតនៅក្រៅប្រទេស ពួកគេនិយាយអំពីការគោរពសិទ្ធិមនុស្ស គោរពសិទ្ធិមនុស្ស ប៉ុន្តែជាក់ស្ដែង តើការគោរពសិទ្ធិមនុស្សរបស់កម្ពុជាបែបម៉េច ?។
លោកថា នៅប្រទេសកម្ពុជា សម្ដេចនាយករដ្ឋមន្ត្រី ហ៊ុន សែន លោកហ៊ានលះបង់ជីវិតដោយមិនមានការភ័យខ្លាចក្នុងការដើរចូលទៅក្នុងនាវាទេសចរណ៍ ដើម្បីស្វាគមន៍ និងជួយសង្គ្រោះពួកគាត់ ដោយមិនមានការភ័យខ្លាច ការឆ្លងជំងឺកូវីដ១៩ឡើយ។ “នេះហៅថា ការគោរពសិទ្ធិមនុស្សដែរទេ?
វាជាជាងការដែលបន្លឺសំឡេងតែនៅបរទេស នៅលើបបូរមាត់ថា គោរពសិទ្ធិមនុស្ស គោរពសិទ្ធិមនុស្ស តែអ្វីដែលខ្ញុំឃើញ គឺជាទឡ្ហីករណ៍ច្បាស់ណាស់ថា សម្ដេចនាយករដ្ឋមន្ត្រី ហ៊ុន សែន លោកប្រកបទៅដោយភាពប្រាកដនិយមក្នុងការគោរពសិទ្ធិមនុស្ស លោកក្លាហាន ដើម្បីសង្គ្រោះនាវាទេសចរណ៍។ ដែលយើងបានឃើញទាំងអស់គ្នាកន្លងមកនេះ”។
អ្នកវិនិយោគរូបនោះអះអាងថា គណបក្សប្រឆាំងបន្លឺសំឡេងតែពីក្រៅប្រទេស ហើយរស់នៅយ៉ាងហ៊ឺហា ហូបចុកទទួលទានយ៉ាងសប្បាយនៅបរទេស ហើយបានត្រឹមតែបន្លឺសំឡេង ប៉ុណ្ណោះ ពួកគេមិនបានបង្កើតការងារ បង្កើតកាលានុវត្តភាពនៅកម្ពុជាឡើយ ហើយជាក់ស្តែង បានត្រឹមតែនិយាយ តែនៅកម្ពុជាមានតែសម្ដេចនាយករដ្ឋមន្ត្រីមួយរូបគត់ ក្នុងអំឡុងពេលជាង៤០ ឆ្នាំកន្លងមកនេះ ដែលសម្ដេចបានស្ថាបនាឲ្យមានគម្រោងផ្សេងៗសម្រាប់ប្រជាពលរដ្ឋកម្ពុជា ដោយបង្កើតគម្រោងហើយបង្កើតទៀត ប៉ុន្តែការបន្លឺសំឡេងរបស់មតិប្រឆាំង គឺមិនមានអ្វី ដែលជាភាពជាក់ស្ដែងនោះទេ។ “ជាក់ស្ដែងទីនេះ គឺ CPP តែម្ដង ដែលបានបង្កើត ហើយនិយាយពីការអភិវឌ្ឍពិតប្រាកដ”។
សូមបញ្ជាក់ថា ការលើកឡើងរបស់អ្នកវិនិយោគជនជាតិ កូសូវ័រ (KOSOVAR) រូបនេះ បានធ្វើឡើងនៅក្នុងសន្និសីទសារព័ត៌មានមួយ និងក្រោយពីលោកទទួលបានយុត្តិធម៌ តាមរយៈសេចក្តីសម្រេចរបស់តុលាការកំពូលនៃព្រះរាជាណាចក្រកម្ពុជា កាលពីថ្ងៃទី៣០ ខែកញ្ញា ឆ្នាំ២០២១ ដែលសម្រេចឲ្យលោកបានរួចផុតពីការចោទប្រកាន់ទាំងអស់៕
ដោយ ៖ កោះកែវ
ក្រសួងការងារនាំយកឱកាសការងារជាង ៨០០០ កន្លែងដល់កម្មកររោងចក្រ អ.ជី ហ៊្វូតវែរ
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
មន្ត្រីជាន់ខ្ពស់ បញ្ជាឱ្យក្រុមហ៊ុនធ្វើផ្លូវជាតិលេខ៧ សម្រួលការធ្វើដំណើររបស់ពលរដ្ឋកុំឱ្យជួបការកកស្ទះ
នាយកប្រតិបត្តិក្រុមហ៊ុន Boeing ប្រកាសលាលែងពីតំណែង
ឯកឧត្ដម ហ៊ុន ម៉ានី៖ ហួសចិត្តដែលលោក មាស រិទ្ធី ស្រង់សម្ដីទៅផ្សាយព័ត៌មានខុសពីការពិត
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ២ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៨ ម៉ោង agoបឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ agoរូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ