បញ្ជាការដ្ឋានតំបន់ប្រតិបត្តិការសឹករងកំពង់ធំ បើកកិច្ចប្រជុំបូកសរុបលទ្ធផលការងារ យេនឌ័ររយៈពេល៩ខែ ឆ្នាំ២០២១
Connect with us
Helistar Cambodia - Helicopter Charter Services

ព័ត៌មានជាតិ

បញ្ជាការដ្ឋានតំបន់ប្រតិបត្តិការសឹករងកំពង់ធំ បើកកិច្ចប្រជុំបូកសរុបលទ្ធផលការងារ យេនឌ័ររយៈពេល៩ខែ ឆ្នាំ២០២១

បានផុស

នៅ

នៅទីបញ្ជាការតំបន់ប្រតិបត្តិការសឹករងកំពង់ធំ បានរៀបចំកិច្ចប្រជុំបូកសរុបលទ្ធផលការងារ​យេនឌ័រ រយៈពេល៩ខែ ឆ្នាំ២០២១ ក្រោម​អធិបតីភាព​ឧ​ត្ត​ម​សេនីយ៍​ទោ សោម ស៊ុន មេបញ្ជាការ​តំបន់​ប្រតិបត្តិការ​សឹក​រង​កំពង់ធំ នៅ​ព្រឹក​ថ្ងៃទី​១៥ ខែតុលា ឆ្នាំ​២០២១ ។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​លោក​ឧ​ត្ត​ម​សេនីយ៍​ត្រី ង៉ាង ស និង​លោកស្រី​វរសេនីយ៍ទោ យូ មុន្នី​រ័ត្ន ប្រធាន​និង​អនុប្រធាន​ក្រុមការងារ​យេនឌ័រ​របស់​បញ្ជាការដ្ឋាន​តំបន់​ប្រតិបត្តិការ​សឹក​រង​កំពង់ធំ បានបង្ហាញ​អំពី​លទ្ធផល​ដែល​ក្រុមការងារ​យេនឌ័រ​សម្រេចបាន​ក្នុង​រយៈពេល​៩ខែ ​ឆ្នាំ២០២១ កន្លងមកនេះ។​

លោក​វរសេនីយ៍ទោ កែវ សុធា និង​លោកស្រី​វរសេនីយ៍ត្រី អ៊ុត លក្ខិណា មានមតិ​មួយចំនួន​ពាក់ព័ន្ធ​និង​ការអនុវត្ត​តួនាទី​ភារកិច្ច​ និង​សកម្មភាព​របស់​ក្រុមការងារ​យេនឌ័រ ក្នុង​រយៈពេល​កន្លងមក ទទួលបាន​លទ្ធផល​ល្អប្រសើរ និង​បាន​រាយការណ៍​ជូន​យោធភូមិភាគ​ទី​៤ បាន​ទាន់ពេលវេលា​។

​ឧ​ត្ត​ម​សេនីយ៍​ទោ សោម ស៊ុន បាន​ថ្លែង​នូវ​ការកោតសរសើរ​ចំពោះ​ក្រុមការងារ​យេនឌ័រ​នៃ​បញ្ជាការដ្ឋាន​តំបន់​ប្រតិបត្តិការ​សឹក​រង​កំពង់ធំ ដែល​បាន​ខិតខំ​ប្រឹងប្រែង​បំពេញ​តួនាទី​ភារកិច្ច​ក្នុង​រយៈពេល ៩ ខែ​កន្លងមកនេះ ​ទទួលបាន​លទ្ធផល​គួរ​ជាទី​មោទនៈជាមួយ​នោះដែរ ​ក៏មាន​ការកោតសរសើរ​ពី​ថ្នាក់ដឹកនាំ​គ្រប់លំដាប់​ថ្នាក់ អំពី​សកម្មភាព​របស់​ក្រុមការងារ​យេនឌ័រ​នៃ​បញ្ជាការដ្ឋាន​តំបន់​ប្រតិបត្តិការ​សឹក​រង​កំពង់ធំយើង​ផងដែរ ។​

​ឧ​ត្ត​ម​សេនីយ៍​ទោ សោម ស៊ុន បានប្រគល់​ភារកិច្ច​សំខាន់ៗ​មួយចំនួន ទី​១: បន្ត​អប់រំ​ក្រុមគ្រួសារ និង​ប្រជាពលរដ្ឋ​ ដើម្បី​ប្រយុទ្ធប្រឆាំង​ការពារ​ទប់ស្កាត់​ការឆ្លង​មេរោគ​កូ​វីដ​-១៩ ដោយ​អនុវត្ត​ឲ្យ​បាន​ត្រឹមត្រូវ​នូវ​វិធានការ 3 កុំ​ដើម្បី​ការពារ​របស់​សម្ដេច​តេ​ជោ​ហ៊ុនសែន និង​ត្រូវ​រៀន​រស់​តាម​កន្លង​ថ្មី​នៃ​បរិបទ​កូ​វីដ​-១៩​។ ទី​២: ខិតខំ​ស្រាវជ្រាវ​និង​ជួយ​ដោះស្រាយ​រាល់​ការលំបាក​ជូន​ក្រុមគ្រួសារ​យោធិន​និង​ប្រជាពលរដ្ឋ​ដែលមាន​ជីវភាព​លំបាក​ខ្វះខាត ឲ្យ​ទាន់ពេលវេលា ទី​៣: ត្រូវ​ពង្រឹង​របៀបរបប​ការងារ​របស់​ក្រុម​យេនឌ័រ​ឲ្យ​កាន់​តែមាន​ប្រសិទ្ធភាព​បន្ថែមទៀត និង​ទី៤ បន្ត​ពង្រឹង​ការ​សាមគ្គីភាព​ឯកភាព​ដើម្បី​រួមគ្នា​អនុវត្ត​ភារកិច្ច​ដែល​ថ្នាក់លើ​បានប្រគល់​ជូន​ឲ្យ​ទទួលបាន​ជោគជ័យ​គ្រប់​ភារកិច្ច៕

អត្ថបទ៖ ប៊ុន រដ្ឋា​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services