សិស្សប្រមាណ ៦០ភាគរយ បានទៅសិក្សានៅថ្នាក់រៀនផ្ទាល់ ខណៈ ៤០ភាគរយទៀតបន្តរៀនពីផ្ទះ
Connect with us
Helistar Cambodia - Helicopter Charter Services

ព័ត៌មានជាតិ

សិស្សប្រមាណ ៦០ភាគរយ បានទៅសិក្សានៅថ្នាក់រៀនផ្ទាល់ ខណៈ ៤០ភាគរយទៀតបន្តរៀនពីផ្ទះ

បានផុស

នៅ

សិស្សានុ-សិស្ស ដែលទៅសិក្សានៅថ្នាក់រៀនផ្ទាល់ សម្រាប់សាលារៀនឯកជនក្នុងរាជធានីភ្នំពេញ ស្ថិតក្នុងចំនួន ៥០ ទៅ៦០​ភាគ​រយ​ប៉ុណ្ណោះ នៃចំនួនសិស្សានុ-សិស្សសរុប ហើយជិតពាក់កណ្ដាលទៀត នៅបន្តរៀនតាមប្រព័ន្ធ​អនឡាញពីផ្ទះ​ដដែល​ដោយសារនៅព្រួយបារម្ភអំពីស្ថានភាព នៃជំងឺកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧកញ៉ា ប៉ិច ប៉ូឡែន ប្រធានសហព័ន្ធសេវាអប់រំនៅកម្ពុជា មានប្រសាសន៍ប្រាប់កម្ពុជាថ្មី នៅព្រឹកថ្ងៃទី២៨ ខែ​តុលានេះថា ទោះបីជាក្រសួងអប់រំ យុវជន និងកីឡា បាន​ចេញ​សេចក្តីជូនដំណឹង​ អំពីបើក​ដំណើរការគ្រឹះស្ថានសិ​ក្សា​ឡើង​វិញ សម្រាប់​កម្រិត​មធ្យមសិក្សាពីថ្នាក់ទី៧ឡើងទៅ រយៈពេលប៉ុន្មានសប្ដាហ៍ទៅហើយក្ដី តែនៅតាម​សា​លា​​​រៀន​ឯកជន មានសិស្សានុ-សិស្សប្រមាណជា ៥០ ទៅ៦០ភាគរយប៉ុណ្ណោះ ដែល​ទៅ​សិក្សា​នៅ​ថ្នាក់រៀន​ផ្ទាល់។

លោកឧកញ៉ា ប៉ិច ប៉ូឡែន​ បានឲ្យដឹងថា «តាមសាលានីមួយៗ គឺមានមកបណ្ដើរៗ បានន័យថា ដំបូងគឺមានតិច ហ្នឹងឧទាហរណ៍នៃថ្នាក់មធ្យម ទី៧ ៨ ៩ ដែលយើងបើកមុន អញ្ចឹងយើងរំពឹងថា គាត់ប្រហែលជាគាត់ នៅមើល​ស្ថានការណ៍សិន តែយើងគួរតែមើលទៅការរៀបចំ របស់សាលានីមួយៗដែរ ចឹងយើងនៅតែផ្ដល់ជាជម្រើសដល់​គាត់អញ្ចឹង បើសិនជាគាត់គិតថា មិនទាន់ចង់មកគាត់រៀនទៅ យើងរៀបចំជាប្រព័ន្ធចម្រុះណា ខ្លះក្នុងថ្នាក់អីចឹងទៅ ចឹងមកដល់បច្ចុប្បន្នកាល វាខ្ទង់ប្រហែលថា ៥០ ៦០ភាគរយ មកសាលា ហើយខ្លះទៀត ក៏នៅផ្ទះខ្លះសិនចឹង»។

ប្រធានសហព័ន្ធសេវាអប់រំនៅកម្ពុជា បានឲ្យដឹងទៀតថា មូលហេតុដែលឪពុក-ម្ដាយ និងអាណាព្យាបាលមួយចំនួន មិនទាន់បញ្ជូនកូនរបស់ខ្លួន ទៅរៀននៅតាមសាលារៀនដោយផ្ទាល់នោះ ក៏ព្រោះតែនៅមានការព្រួយបារម្ភ អំពីការ​រាតត្បាតនៃជំងឺកូវីដ-១៩ និងការរៀបចំស្ដង់ដារសុវត្ថិភាព របស់សាលារៀននីមួយៗ។

លោកឧកញ៉ា ប៉ិច ប៉ូឡែន បានបញ្ជាក់បន្តថា ការដែលសិស្សានុ-សិស្ស ជិតពាក់កណ្ដាលបន្តរៀនពីផ្ទះនោះ ធ្វើឲ្យ​សា​លារៀនមួយចំនួនជួបបញ្ហាខ្លះដែរ នៅក្នុងការរៀបចំ។ ប៉ុន្តែលោកថា យើងត្រូវតែទទួលយកនូវរបៀបរៀន និង​បង្រៀនថ្មី ក្នុងបរិបទនៃការរាតត្បាតជំងឺកូវីដ-១៩ ទម្រាំស្ថានភាពជំងឺកាន់តែល្អប្រសើរថែមទៀត។ លោកបន្ថែមថា «ការពិត ការរៀបចំរបស់សាលានីមួយៗ គឺរៀបចំល្អហើយ យើងឃើញថា រៀបចំប្រព័ន្ធសុវត្ថិភាពរបស់គាត់ តាមពិធីសារៗ MOU ជាមួយក្រសួងអប់រំហ្នឹង ប៉ុន្តែសិស្សតូចៗ ដែលគាត់នៅបារម្ភ»។

យ៉ាងណាក៏ដោយ លោកឧកញ៉ា ប៉ិច ប៉ូឡែន ក្នុងនាមជាប្រធានសហព័ន្ធសេវាអប់រំនៅកម្ពុជា បានអំពាវនាវដល់​ឪពុក​-ម្ដាយ និងអាណាព្យាបាលសិស្សទាំងអស់ មានទំនុកចិត្តចំពោះការរៀបចំប្រព័ន្ធសុវត្ថិភាព របស់សាលារៀន​នីមួយៗ ហើយអាចពិភាក្សាជាមួយគណៈគ្រប់គ្រងសាលារៀនបាន ដើម្បីពិភាក្សា និងដោះស្រាយបញ្ហា ដែលជា​ក្ដីបារម្ភរបស់ពួកគាត់។ បើតាមលោកឧកញ៉ា ប៉ិច ប៉ូឡែន ការសិក្សានៅក្នុងថ្នាក់រៀន នឹងទទួលបានការ​សិក្សាពេញ​លេញល្អ ជាជាង​ការ​សិក្សាពីផ្ទះ។ ដូច្នេះលោកចង់ឲ្យឪពុក-ម្ដាយ និងអាណាព្យាបាលសិស្ស យល់អំពីបញ្ហានេះ។

សូមជម្រាបថា ក្រសួងអប់រំ យុវជន ​និងកីឡា គ្រោងអនុញ្ញាតឲ្យបើកដំណើរការសិក្សាគ្រឹះស្ថានសិក្សារដ្ឋ និងឯកជន គ្រប់កម្រិតនៅទូទាំងប្រទេស​ ចាប់ពីថ្ងៃទី១ ខែវិច្ឆិកា ឆ្នាំ២០២១ខាងមុខនេះ បន្ទាប់ពីមានការវាយតម្លៃលើដំណើរការបង្រៀន និងរៀនតាមបណ្តុះសម្រាប់គ្រឹះស្ថានសិក្សាសាធារណៈ និងឯកជនក្នុងភូមិសាស្ត្រ ដែលមានហានិភ័យទាបប្រមាណ ៣០ភាគរយ ប្រកប​ដោយសុវត្ថិភាព និងប្រុងប្រយ័ត្នពិសេសស្ថានភាពឆ្លងជំងឺកូវីដ-១៩ ក្នុងរយៈពេល ៧ថ្ងៃមុនបុណ្យភ្ជុំបិណ្ឌ និងរយៈពេល ៧ថ្ងៃ ក្រោយថ្ងៃភ្ជុំបិណ្ឌការឆ្លងរាលដាលបានល្អប្រសើរ មានចំនួនតិចតួច និងអាចគ្រប់គ្រងបាន៕

អត្ថបទ៖ ឃួន សុភ័ក្រ  

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១១ នាទី មុន

ទារកចម្លែក កើតមកមាន ដៃ៤ ជើង៤ អ្នកស្រុកជឿថាជា ព្រះចាប់ជាតិ

សន្តិសុខសង្គម៨ ម៉ោង មុន

បន្ទាន់!! និស្សិត​ច្បាប់​ម្នាក់ យក​កាំភ្លើង​អង្គរក្ស​​ឧកញ៉ាហុង ពីវ​ ​សម្លាប់ខ្លួន​ផ្អើល​ទាំង​យប់

សន្តិសុខសង្គម៨ ម៉ោង មុន

រដ្ឋបាល​ស្រុក​បាណន់ បានដាក់​ឱសានវាទ​រយៈ​ពេល​៧​ថ្ងៃ ដល់​អ្នករំលោភ​ដី​បឹង វាយរបង​ថ្ម និង​កាយ​អាចម៍ដី​ចេញ​ឲ្យ​អស់

ព័ត៌មានជាតិ៨ ម៉ោង មុន

លោក ជិន ម៉ា​លីន ត្រូវ​បានចាត់តាំង​ជា​សមាជិក​យុវជន​ថ្នាក់កណ្ដាល និង​ជា​ប្រធាន​ក្រុមការងារ​យុវជន​បក្ស​ក្រសួងយុត្តិធម៌

ចរាចរណ៍៨ ម៉ោង មុន

រថយន្ត​បី​គ្រឿង​បុក​ត​កន្ទុយ​គ្នា​ បណ្តាល​ឱ្យ​រង​ការខូចខាត

Sokha Hotels

ព័ត៌មានពេញនិយម

Helistar Cambodia - Helicopter Charter Services