ព័ត៌មានជាតិ
គ្រឹះស្ថានសិក្សារដ្ឋ និងឯកជន ប្តេជ្ញាចិត្តពង្រឹងគុណភាពអប់រំ គ្រាបើកសាលារៀនឡើងវិញ
តំណាងគ្រឹះស្ថានសិក្សាទាំងរដ្ឋ និងឯកជន នៅខេត្តកោះកុង អះអាងថា ពួកគេនឹងពង្រឹងគុណភាពអប់រំឱ្យកាន់តែរឹងមាំជូនដល់សិស្សដែលបានរៀនសូត្រផ្ទាល់នៅសាលា ខណៈបណ្តាសាលារៀនគ្រប់កម្រិតបើកទ្វារឡើងវិញ។
ថ្ងៃទី១ ខែវិច្ឆិកា ឆ្នាំ២០២១នេះ ជាវេលាដំបូងនៃការបើកដំណើរការទទួលសិស្សចូលរៀនឡើងវិញគ្រប់កម្រិតទាំងអស់ទូទាំងប្រទេស។ ជាក់ស្តែងលោក ផាង បឿន នាយកសាលាបឋមសិក្សាទីរួមខេត្តកោះកុង អះអាងថា រូបលោក និងលោកគ្រូអ្នកគ្រូរៀបចំផែនការជាច្រើនសម្រាប់បង្រៀនដល់សិស្សានុសិស្សក្នុងថ្នាក់រៀន ដើម្បីយ៉ាងណាឱ្យពួកគេទទួលបានចំណេះដឹងសំបូរបែបគ្រាបានមករៀនផ្ទាល់ បើធៀបនឹងការបង្រៀនតាមប្រព័ន្ធអនឡាយនាពេលកន្លងទៅ។
លោកនាយកសាលាបឋមសិក្សាទីរួមខេត្តកោះកុង បន្ថែមថា ក្រៅពីវិធានការទប់ស្កាត់ជំងឺកូវីដ គឺការងារស្នូរចំពោះមុខរកវិធីសាស្ត្របង្ហាត់បង្រៀនកូនៗគ្រប់ម៉ោងសិក្សាទាំងអស់ ព្រោះគុណភាពចំណេះដឹងធនធានមនុស្សជារឿងសំខាន់បម្រើដល់ការអភិវឌ្ឍន៍សង្គមជាតិទៅអនាគត។
រីឯលោក ប៉ែន សុខា គណៈគ្រប់គ្រងសាលារៀនខេមរសាមគ្គី ដែលមានទីតាំងស្ថិតនៅសង្កាត់ដងទង់ ក្រុងខេមរភូមិន្ទ ឱ្យដឹងដែរថា សាលារបស់លោកមានបង្រៀនសិស្សគ្រប់កម្រិតចាប់ពីមតេយ្យដល់ថ្នាក់ទី១០ ដូច្នេះអរគុណដល់រាជរដ្ឋាភិបាលកម្ពុជាដែលយកចិត្តទុកដាក់ពីការបើកដំណើរការគ្រឹះស្ថានសិក្សាឡើងវិញ ក្រោយពីយុវជន និងកុមារបានចាក់់វ៉ាក់សាំងបង្ការជំងឺកូវីឌ១៩។
ក្នុងនាមលោក ប៉ែន សុខា ជាគណៈគ្រប់គ្រងសាលាឯកជនម្នាក់ លោកប្តេជ្ញាចិត្តដឹកនាំពង្រឹងគុណភាពអប់រំសិក្សាដល់យុវជនជំនាន់ក្រោយៗឱ្យមានសមត្ថកិច្ចចំណេះដឹងច្បាស់លាស់ស្របតាមកម្មវិធីរបស់ក្រសួងអប់រំ យុវជន និងកីឡាដែលបានដាក់ចេញ។ ក្នុងអន្តរកាលនេះដែរ ទាំងច្រកចូលអគារសិក្សា និងបន្ទប់រៀន តម្រូវឱ្យមានការវាស់កម្តៅ លាងដៃនឹងអាល់កុល ពាក់ម៉ាស និងរក្សាគម្លាតសុវត្ថិភាពជាដើម។
ក្រុមអាណាព្យាបាលដែលនាំកូនៗមកសាលារៀន បង្ហាញក្តីរំពឹងថា កូនៗរបស់ពួកគាត់នឹងអាចចេះយល់ដឹងពីមេរៀនបានច្រើនជាងមុន ព្រោះពួកគាត់ពុំសូវមានពេលវេលាគ្រប់គ្រាន់បង្រៀនកូនៗនោះទេរវល់បម្រើការងារ ប្រកបអាជីវកម្មប្រចាំថ្ងៃ ពោលគឺមានតែអ្នកគ្រូលោកគ្រូនេះហើយជាទីទុកចិត្តក្នុងការផ្ទេរចំណេះដឹង។ និយាយពីការតាមប្រព័ន្ធអនឡាយវិញ កូនៗគោរពពុំបានដូចកាលមកសាលារៀន អីនធឺណេតរអាក់រអួល និងខ្លះទៀតគ្មានលុយទូរស័ព្ទអោយកូនសិក្សាជាដើម៕
អត្តបទ៖ សិរីវឌ្ឍនៈ
-
ព័ត៌មានអន្ដរជាតិ២០ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ